2 Timoti 2:19 - Kamula

¹⁹ Amasiyama Godtapo sitali kotiyamama kokalepo himilita ala me-elapo. Sitali koko eye ipo, “Godtapo ya꞉ opaye malastepo halapo. Epedeme oplami antapo atlemama, ‘Na꞉ God dulu dla halema,’ dlepiye, ya꞉ ka꞉dena, batalimale koko hapuloma tle alikili dla woyapo hallepe.”

2 Timoti 2:19 Iomraidhean Croise

Ma꞉tiyu 24:24

Adipalati, biskapa elemala natilalo keliso mate epo biskapa God yu molo atlamalalo so matetapo puame ulugiyemale koko patoto halomyelepe, Godta sesa꞉le so elemolowa depame.

Ma꞉tiyu 28:19

Epapedeme wua꞉ opa hapuloma ta꞉lamo meyelope meyelope dle dla ha꞉ha꞉mta so dla tame yia꞉ta na꞉ dla mikadepe dlepo depame ka꞉dle yuye atlamtaiya. Epammama yia꞉ye A hi tle epo Maseyemala hi tle epame Hela꞉dle Soko hi tle yú dla ka꞉ka꞉timtaiya.

Ma꞉tiyu 7:23

Amasiyama na꞉tapo yia꞉ watle asiyama epo atellepe, ‘Wua꞉ pona꞉ opa ikadepe, na꞉ tle alikili a꞉ma dla tamalaiya, wua꞉ bobtalimale sopo.’”

Ma꞉tiyu 7:25

Adipalati, sokomoko mate tiyo mate puame aya dla heyulati ayata me-kokalepo polaiyo. Ame adipalati, aya alumiti munamuye sikemte halopo kelliyo.

Maka 12:16

Epalati opata ya꞉ watle elo mani hamiyo. Yesu elo mani hame halemama yia꞉ watle epo atlaiyo, “Mani hema ana mila꞉pi mate epo ana hi mate hutiyema꞉?” diyo. Epalati opata asiyama epo atlaiyo, “Sisa mila꞉pi mate epo ya꞉ hi mateta hutiyema,” diyo.

Maka 13:22

Adipalati, biskapa elemala natilalo keliso mate epo biskapa God yu molo atlamalalo so matetapo puame ulugiyemale koko patoto halomyelepe, Godta sesa꞉le so elemolowa depame.

Ka꞉dle molo atlale yu Lukta ilimale 13:27

Amasiyama ya꞉tapo wua꞉ watle ma epo atellepe, ‘Na꞉ wua꞉ye pona꞉malamana. Wua꞉ apa sota꞉? Wua꞉ na꞉ hala dla pumulumiya. Na꞉ tle alikili a꞉ma taiya, wua꞉ bobtalimale koko halomalalo sopo,’ dlepe.

Ka꞉dle molo atlale yu Lukta ilimale 6:48

Ya꞉ye oplamita aya hamama munamu sikemte mumuwalepo alumiti kellepo aya halë epapele some halapo. Adipalati, yúta pupo tulumama aya dla heyulati ayata podokalamhamastana. Ayata me-ka꞉pi kokalepo poluwapo.

Ka꞉dle molo atlale yu Yonta ilimale 10:14

Epapedeme na꞉ye ka꞉dle sipi aliya halo omhallalo oplamipo. Epapele dulu dla Atapo na꞉ kokoye sikemte malastepo hallati asiyama na꞉tapo A kokoye malastepo halapo. Epapedeme na꞉ aliya halota na꞉ malastepo halaye, epammama na꞉ ma asiyama yia꞉ malastepo halapo. Epedeme na꞉tapo na꞉ sipi aliya halo yilo polowedeme puwapo.

Ka꞉dle molo atlale yu Yonta ilimale 13:18

Epedeme na꞉ta atlama kokoye pase wua꞉ta hapuloma dla po-atlasema. Adipalati, na꞉malamana, na꞉ta mo-hohomuwa soye. Amasiyama God yu bukata epo atlapo, ‘Oplami na꞉ mate daya dempolatapo na꞉ mate opahale dlepe.’ Epapedeme God yu bukata epo atla kokota ikadepe woyamolowe tlo ka꞉pi.

Ka꞉dle molo atlale yu Yonta ilimale 3:33

Amasiyama oplami antapo ya꞉ yu dalepame mikadepe dlepiye, ya꞉tapo God yuye ikadepe demama apelepe.

Taiya dle so 11:26

Ya꞉ Sol natipame ma Antiyoka dla semtaiyo. Epame sokomoko hatlo dulu dla yia꞉ta madipata sos dulu dla oko hamha꞉ha꞉mama opa hapuloma imha꞉ha꞉iyo. Epalati Antiyoka mo dla mikadepe dle soye ka꞉yapa alikili sota semama Keliso alotle tlalo so demdiyo.

Taiya dle so 15:17

Epedeme na꞉ta sisilamale po-Yu so opa hapulomatapo na꞉ye totamelepe.

Taiya dle so 9:14

Epapeleye aiyalma aya dokopala oplamita ya꞉ watle itiyamale ma-hamilati Damasko dla mikadepe dle so hohopo ma Yelusalem dla elemtlowedeme pualepo,” diyo.

Loum 11:2

Epedeme Godtapo ya꞉ta mo-powataliya sesalemale soye alimama alikili a꞉ma popomelena. Epapele dulu dla wua꞉ God yu buka dla Ilayata atlamale kokoye malamaiya. Adipalati, ya꞉tapo Isalael so koko dla kokoliyemhalemama God dla epo atluwapo,

Loum 12:9

Epedeme mikadepe dle so namkadulo, ikadepe api tle ya꞉mkale asiyama bokotiyapo malama ya꞉mkale asiyama bokotiyapo malama demha꞉ha꞉iya. Epame batalimale koko tlo allimama asiyama ka꞉dle koko tlo woloma kikitilata hamaiya.

Loum 15:20

Epapedeme na꞉ sikemte solotamduwa, Keliso koko podallalo wekele so mo dla tame ka꞉dle yu atlamsela꞉lowedeme. Epammama na꞉ posolotamdena, ya꞉mkaleta oko mo-kotiyamale tama di dla ma na꞉ta oko haloweye.

Loum 15:9

Epame po-Yu sotapo Godta yia꞉ watle bokotiyapo malamale himili koko dla ya꞉ hi di dla ta꞉dlepo depame. Adipalati, God yu bukata epo atlapo, “Epedeme na꞉tapo po-Yu so dulu dla halemama wa꞉ hi di dla ta꞉demhallowepo. Epame sala dodolumhalemama wa꞉ hi tlo di dla ta꞉demhallowepo.”

Loum 8:28

Epedeme dimalamana, adipapele koko hapuloma dulu dla Godtapo ya꞉ sikemte malaha꞉ha꞉ so dla ka꞉ka꞉dle koko tlo dinapomhalapo. Ame adipalati, God meyelo yu himili dolumama dia꞉ye ya꞉ta ya꞉ akimlala depame ma-sesalemuwapo.

Loum 9:11

Epapele dulu dla yimlala dapiyamte iye ala pohohomalalo hallati Godtapo Lebeka watle epo atluwapo, “Wa꞉ maseyemala patotapo ya꞉ ei yemala yu dla heodepo salladepo sela꞉lepe,” duwapo. Epedeme Godtapo yia꞉ta dapiyamteta koko halomolowe ala yeitapo ha꞉ha꞉lati yu i tatle ma-atluwapo. Epedeme dita Godta ya꞉ opa sesalemhala koko dla natiye, ya꞉ dita koko halomha꞉ha꞉ dla natipo po-apesema. Amasiyama ya꞉ isikimi meyelo malapame dinapele tle sesalemhalapo.

1 Kolin 1:2

Na꞉tapo God ya꞉ opa Kolin mo dla ha꞉ha꞉ so wua꞉ dla yu iye ilipo hamima. Adipalati, Godtapo Yesu Keliso tle wua꞉ye ya꞉ opa dlepo depame sisilamuwapo. Epedeme Godtapo wua꞉ sisilamuwa, epammama ya꞉tapo mo hapuloma dulu dla opaye ma-sisilamuwapo. Epame ma yia꞉tapo di Lod Yesu Keliso hiye sisilamha꞉ha꞉po. Adipalati, hatlo ya꞉tapo yimkata yia꞉ mate epo dia꞉ mate di Lod halapo.

1 Kolin 8:3

Amasiyama God sikemte malahallalo oplamiye, Godtapo ya꞉ kokoye malastepo halapo.

2 Kolin 7:1

Epedeme mikadepe dle so namkadulo, Godtapo yu itiyapo hatitimale hapuloma iye di watle ma-hapiwapo. Epapedeme di ka꞉dena, God wowota꞉mama di moto dla epo dita malamale dla ullu hutiye hapulomaye alikili a꞉ma pololepame woloma God mila꞉pi tle ka꞉depo ha꞉ha꞉lowa.

Galasiya 4:9

Amasiyama wua꞉ watapo ikadepe Godye mo-malapo ha꞉ha꞉po. Amasiyama ipo atlowe tlo ka꞉pi, Godta wua꞉ye mo-malapo halapo. Epapele tlope wua꞉ ma adipalati God tle kokotipame biskapa god dla salladepo siyamolowedeme ilamtamalema꞉? Adipalati, koko eta koko ka꞉dle hale wua꞉ dla pohampuluwa. Wua꞉ adipalati matle upiyele koko eta wua꞉ dokopala depo hallowe solotama꞉?

Epeses 2:20

Epedeme wua꞉ye Godta aya halë some halapo. Epapedeme aya hema Taiya dle so mate epo God tle yu hapame molo atlamalalo so opa matetapo saka some ha꞉ha꞉po. Epalati asiyama Yesu Keliso meyelo molopa kestale alumiti some halapo.

Epeses 3:15

Ta꞉lamo mate epo Pepele dimo mate dulu dla ha꞉ha꞉ opa hapulomatapo ya꞉ tle yia꞉ hi halomha꞉ha꞉po. Adipalati, God hatlo ya꞉tapo di A halapo.

Epeses 4:30

Epammama wua꞉ta ha꞉ha꞉le koko tle God ya꞉ Hela꞉dle Soko dla dupa kolle hamimiya. Adipalati, ya꞉tapo wua꞉ dulu dla God ya꞉ ulu halapo. Epedeme Yesuta puame ya꞉ opa hohomolowe alila dla omtamama wua꞉ta ikadepe God ya꞉ opa depo ha꞉ha꞉ kokoye ya꞉ta imhalapo.

1 Timoti 3:15

Adipalati, na꞉ta hapele populalo wekelepiye, yu ilimale ita mikadepe dle sotapo halowe kokoye wa꞉ dla imelepe. Adipalati, mikadepe dle so iwoloye pasakalo halemhala God ya꞉ sospo. Epedeme God ya꞉ sos itapo ikadepe koko ya꞉ sitali halapo.

1 Timoti 6:19

Yia꞉ta epapele koko halomha꞉ha꞉lepiye, eta yia꞉tapo ma alotle halomolowe alisisiye Pepele dimo dla kokolumha꞉ha꞉mama apelepe. Epame yia꞉tapo kokó halepo halepo hallowe pasakaloye halepe.

2 Pita 3:14

Epedeme mikadepe dle so namkadulo, wua꞉tapo Lod ya꞉ alilata puluwe dla omha꞉ha꞉mama woloma God mila꞉pi tle ka꞉depo ha꞉ha꞉iya, wua꞉ta ya꞉ alila dla ullu pa꞉talo so depo ha꞉ha꞉lepo depame. Epame God mate sadepo ha꞉ha꞉iya.

1 Yon 2:19

Amasiyama opa iwoloye ka꞉yapa dia꞉ mate hatlope depo siyapame ma di salepo tauwapo. Adipalati, yia꞉ye ikadepe dia꞉ mate hatlope depo poha꞉ha꞉na. Yia꞉ta dia꞉ mate ikadepe hatlope depo ha꞉ha꞉leta ammatiye, eta di posalepo tama. Amasiyama yia꞉ta di salepo tauwa eta ikadepe yia꞉ta dia꞉ mate pohatlope dle kokoye botomastauwapo.

Bobotimatimale 17:8

Wa꞉ta ulugiyemale alinepi nati iye, ya꞉ ka꞉yapa haluwapo. Amasiyama wata oloma hema epapele alinepi ma pohalasema. Amasiyama alotle eye sukulu pa꞉le munamu dulu tle haliyamale dla woyapame ma Dlapa mo dla tullupe. Epalati opa anawolo hiye ta꞉lamo ala pokotiyamalalo hallati Pasakalo Buka dla pohatitimalalo wekuwa, opa ewolotapo ulugiyemale alinepi i natimama yiyellepe. Adipalati, alinepi iye ka꞉yapa haluwapo. Epame wata oloma hema pohalasema. Amasiyama ya꞉ ma alotle pulupe.

Bobotimatimale 2:13

Wa꞉ta hala moye na꞉malamana, mo edla Saitenta dokopala halapo. Epapele tlope wa꞉tapo na꞉ dolumoloweye pomelesema. Epame Saiten mo wa꞉ta hala edla opatapo na꞉ yu hamsela꞉lalo oplami Antipas yumulati wa꞉ta na꞉ dla mikadepe dloweye pomelena.

Bobotimatimale 21:14

Mo kosukulli pato eye ewala 12 tama di dla kosukulli haluwa. Ewala 12 hema La꞉m ya꞉ Taiya dle so 12 opa hita hutiyeuwa.

Bobotimatimale 22:4

Epame yia꞉tapo God mila꞉pi ikadepeye natimha꞉ha꞉lepe. Epalati ya꞉ hitapo yia꞉ daptala dla hutiyelepe.

Bobotimatimale 3:8

Wa꞉ta koko halomhalaye na꞉malamana. Epedeme wa꞉ natine, na꞉ wa꞉ dla kokoloma mo-gowaladlepo. Epalati oplami haleta ma pohimomollowa. Epapele dulu dla wa꞉ itiyamale pasto tlope, wa꞉ta na꞉ta imale dolumsela꞉mama opa hapuloma mila꞉pi tle na꞉ kokoye powelimdena.