2 Timoti 1:12 - Kamula

¹² Epedeme na꞉tapo oko i hamhalemama wotiyalle koko dulu dla wota꞉le pa꞉le mate hamhalema. Adipalati, na꞉malamana, na꞉ta mikadepe depame dolumta oplamiye. Epapedeme na꞉malamana, ya꞉ta na꞉ watle oko hamiwa okoye meyelo na꞉ gademhalemama oko eye hamtame mosukulu dla gudlepe.

2 Timoti 1:12 Iomraidhean Croise

Ma꞉tiyu 12:21

Epapedeme ya꞉ hi tle po-Yu so opa hapulomatapo yia꞉ta omha꞉ha꞉mama dalemha꞉ha꞉ pasakaloye halepe.”

Ma꞉tiyu 24:36

Epedeme Opa Yamita puluwe alilaye oplami haleta poya꞉malamana. Epame God ya꞉ banakaka so Pepele di dla ha꞉ha꞉ mate epo God Yami mate yia꞉ ma poyia꞉malamana. Amasiyama hatlo God tlo alila eye ya꞉malamana.

Ma꞉tiyu 7:22

Epapedeme koko gladle oloma dla opa opitapo na꞉ watle puame epo atlamyelepe, ‘Lod, Lod, di wa꞉ hi tle God yu atlamsiyamduwapo, epame wa꞉ hi tle bataliya yimlalaye opa dulu tle alikili dla dodolomsalemsiyamama ulugiyemale koko ma halomsiyamduwapo,’ demyelepe.

Ka꞉dle molo atlale yu Lukta ilimale 10:12

Epapedeme na꞉ wua꞉ dla mikadepe koko atlema, mo so aditapo wua꞉ta pulati natipame siyele mate wua꞉ye pe-elemalalo wekelepiye, asiyama Godta koko gladle alila dla yia꞉ta wotiyalle pato halepe. Amasiyama Sodom sota wotiyalle yimka꞉mala halepe.”

Ka꞉dle molo atlale yu Lukta ilimale 23:46

Epapele oloma edla Yesuta yu teta꞉le mate epo atlaiyo, “A, na꞉ na꞉ pasakaloye wa꞉ do dla hamima,” diyo. Yesu yu mosukulu ipo atlepame powaiyo.

Ka꞉dle molo atlale yu Yonta ilimale 17:15

Epedeme A, na꞉ta ipo inoma sumale yu himiye, wa꞉tapo na꞉ alotle tlalo soye ta꞉lamo itle alikili a꞉ma elemtelepo depo po-apesema. Amasiyama wa꞉tapo yia꞉ye batalimale oplami Saitenta hohomalala depo woloma omhallepo depo amma.

Ka꞉dle molo atlale yu Yonta ilimale 6:44

“Adipalati, Atapo na꞉ye tane duwapo. Epapedeme oplamitapo meyelo na꞉ hala dla populuwa. Amasiyama Atapo ha꞉ha꞉mhallalo oplamita na꞉ hala dla pulupe. Epalati na꞉tapo mosukulu alila dla ya꞉ye powale tle hamame ta꞉dlowepo.

Taiya dle so 13:46

Amasiyama Polo mate Banabas mate powowota꞉lalo asiyama yuye yia꞉ watle epo atlamaiyo, “Ka꞉dlepo, wua꞉ tatle dita God yuye wua꞉ dla atlamoloweye. Amasiyama wua꞉ta pasakalo hallowe haloweye allipo. Epedeme di wua꞉ melepame ma po-Yu so watle God yu atlamsiyamolowepo.

Taiya dle so 13:50

Amasiyama Yu sotapo Polo dla elle pato himimama yia꞉ta tame God dla mikadepe dlalo po-Yu so patoto wola꞉ mate epo mo dokopala so mateta siyalasiyaladlepo depame Polo wolo kokoye yia꞉ watle mala-atlamaiyo. Epalati yia꞉tapo Polo woloye wotiyalle hapipame mo etle alikili dla dodolomsaliyo.

Taiya dle so 21:13

Amasiyama Polo di watle epo atluwa, “Wua꞉ adipapalati a꞉lle mate na꞉ dla dupa kolle hamima꞉? Na꞉ hatlo Yelusalem dla dea mate keketipoliyepo himilowe dla podinapopo sela꞉sema. Hao. Amasiyama na꞉ Lod Yesu koko dla polowe ma ma-dinapopo sela꞉po,” duwa.

Taiya dle so 7:59

Epame opa hapulomata ya꞉ watle ewalata me-kelemha꞉ha꞉lati Stibenta inoma sumama epo atlaiyo, “Lod Yesu, na꞉ sokoye hamane,” diyo.

Taiya dle so 9:16

Epo na꞉tapo ya꞉ta na꞉ hi tle wotiyalle pato haloweye ya꞉ watle nati-iliwepo,” diyo.

Loum 1:16

Epedeme na꞉ ka꞉dle yu iye di dla hamhetama. Adipalati, ka꞉dle yu iye Godta itiyamalepo. Epedeme Godtapo ka꞉dle yu itle ya꞉ dla mikadepe dle so pasakaloye gademhalapo. Epammama ya꞉tapo Yu so tatle gadepame matle po-Yu so mape gademhalapo.

Loum 9:33

Adipalati, God yu bukata ipo atlapo, “Na꞉tapo Sayon mo dla ewalaye pamellowepo. Ewala edla opatapo kustamtame teteyumha꞉ha꞉lepe. Amasiyama oplami antapo ya꞉ dla mikadepe dlepiye, ya꞉ wota꞉le ponatimhallowa.”

1 Kolin 1:8

Godtapo wua꞉ye woloma omhalemama itiyamale hamilalo halapo, wua꞉tapo Yesuta puluwe alila dla ullu pa꞉po ha꞉ha꞉lepo depame.

1 Kolin 3:13

Ditapo alumiti mate epo saka mate kelle e tama di dla apa alisisi mate aya halepiye, asiyama koko gladle alila dla aya eye ka꞉depo hata꞉ depame opa hapuloma inoma dali dla dlapata mistla natilipe.

Pilipi 1:20

Epedeme na꞉ dupa dulu tle malapame solotamale kokoye ipo. Na꞉ta kokalepo halemama God oko wata hamhala iye pomellowa. Adipalati, na꞉ta na꞉ okoye woloma pohalalo isikimi duka dla teyulupiye, eta na꞉ dla wota꞉le hamilipe. Epapedeme na꞉ solotama, na꞉ta ka꞉yapa wota꞉le pa꞉po itiyamale mate God oko dla sela꞉uwaye, ma wata epo hallowe solotama. Epapele dulu dla na꞉ta pasakalo hallowe dla epo polowe dla na꞉ isikimi Keliso hi tlo di dla ta꞉dlowe solotama.

Pilipi 3:10

Epedeme na꞉ Keliso koko mate epo ya꞉ye powale tle ma pasakalo dla ta꞉duwa itiyamale koko mate tlo sikemte malamolowe solotama. Epammama na꞉ solotama, Kelisota wotiyalle hapo pouwaye na꞉ ma epapolowedeme.

Pilipi 3:21

Epele dulu dla ya꞉tapo malame di ta꞉lamo motoye ya꞉ta itiyamaleta meyelope depame ma ya꞉ Pepele dimo moto sepeleye di watle hapilipe. Ya꞉ta di moto amko hapilowe itiyamale etapo alisisi hapulomaye ma ya꞉ hete sitali dla hatitimoloweye ala꞉na.

Pilipi 3:8

Epapedeme na꞉ta Yesu Kelisoye na꞉ Lod duwa kokota pato halemama koko opi hapulomaye na꞉ dla koko pa꞉le halapo. Epedeme na꞉ Keliso hamolowedeme ya꞉ yilo takala koko hapuloma eye pokoko depame hakaka some mo-pololuwapo.

1 Tesalonika 2:16

Epammama yia꞉tapo dita po-Yu so watle ka꞉dle yu hamtame atlati po-Yu sota pasakalo hallowe halala depame yia꞉ta di api himomella yakomuwapo. Ipapele koko tle yia꞉ bobtalimale hapulomatapo yiskamu yia꞉ dla kokolumtlati Godta kasilamaletapo ikadepe yia꞉ dla umula puapo.

1 Tesalonika 5:4

Amasiyama mikadepe dle so namkadulo, alila eta pulupiye, uhalalo oplamita puale some wua꞉ dla yiyelle pohamilowa. Adipalati, wua꞉ye amtuwale dulu dla poha꞉ha꞉sema.

1 Timoti 6:20

Timoti namkale, Godtapo wa꞉ watle hamiwa okoye woloma omhalane. Epame batalimale yu dla dalepame dolumiya. Epame ka꞉dle yu dla alilalo so mate yu topulolemhalemiya. Adipalati, yia꞉tapo yiskamu yia꞉ye koko momalamale so demdepo, amasiyama yia꞉ye ikadepe yeitamale sopo.

2 Timoti 1:14

Epame dia꞉ dulu dla hallalo Hela꞉dle Sokota gadle tle Godta wa꞉ watle hamili ka꞉dle yuye sikemte kikitilata hamame halane.

2 Timoti 1:16

Epalati oplami Onesipolasta Loum mo dla puame na꞉ natilowedeme na꞉ totamsela꞉uwapo. Epame ya꞉ta na꞉ta amtuwale aya dulu dla oli dea mate yulupo polla natipame powota꞉lalo na꞉ gademhalemduwapo. Epedeme na꞉ inoma sumale yu himima, Lodta gadletapo Onesipolas mate epo ya꞉ aya dulu dla ha꞉ha꞉lalo so mate dla ellepo depame.

2 Timoti 1:18

Epame Godta koko gladle oloma edla ya꞉ kokoye woloma polowamale mate gladlepo depame. Epedeme Timoti, wa꞉ ma wa꞉malamana, na꞉ta Epeses dla hallati ya꞉ta na꞉ ka꞉pi gademhaluwa kokoye.

2 Timoti 1:8

Epapedeme wa꞉ di Lod Yesu Keliso kokoye opa dla atlowe wota꞉miya. Epame na꞉ta Keliso yilo amtuwale aya dulu dla hala itapo wa꞉ dla wota꞉le hami demiya. Amasiyama wa꞉ na꞉ oko ipi hamama Godta wa꞉ watle oko hamiwa eye wotiyalle dulu medla itiyamale mate me-hamtane. Adipalati, Godtapo wa꞉ dla itiyamale hamilalo halapo.

2 Timoti 2:9

Epame na꞉ta ka꞉dle yu imsela꞉lati opata na꞉ye uhalalo oplami some hampame amtuwale aya dulu dla oli deata kokotipoliyepo halapo. Amasiyama ka꞉dle yuye dea mate pokokotipoliyepo halasema.

2 Timoti 4:8

Epapele dulu dla Godta na꞉ hi mate dinapopo himili asiyamaye Pepele dimo dla na꞉ omelapo. Epedeme di koko gladlalo oplami Yesuta puame asiyama eye na꞉ watle hamilipe. Epame hatlo na꞉ watle asiyama iye pohamilowa. Hao, opa anawolota ya꞉ta puluwe dla omha꞉ha꞉ma꞉, yia꞉ asiyama mape halopo puame hapilipe.

Taites 3:8

Epedeme yu iye ikadepepo. Adipalati, yu itapo opa hapulomaye gagademhalapo. Epedeme na꞉ solotama, wa꞉tapo koko iye mikadepe dle so dla woloma imhallepo depame. Epelepiye, yia꞉tapo woloma ka꞉ka꞉dle koko halomha꞉ha꞉mama opa gagademha꞉ha꞉lepe.

Hibulu 12:2

Epedeme ka꞉dena, ditapo mosukulu dla ullumtamama di inomata woloma Yesu dla omtamama tloweye. Adipalati, ya꞉tapo dita mikadepe dle kokoye kotiyapame dinapolalo halapo. Epame ya꞉tapo alotle siyele halowe malamama dali yekelemhimili di dla poloweye powota꞉na. Epame ya꞉tapo God dowala tiyama dla poluwapo.

Hibulu 2:18

Epedeme Yesuta elemala natili koko mate epo wotiyalle koko mate dulu metle tademe, ya꞉ ala꞉na, dita elemala natili dulu dla ha꞉ha꞉lati di gadloweye.

Hibulu 7:25

Epapedeme ya꞉ dla itiyamale elapo, ya꞉tapo opa eleme God hala dla ta so yia꞉ pasakalo gadloweye. Adipalati, ya꞉tapo kokó halemama ya꞉ opa yilo God hala dla otele himhalapo.

1 Pita 1:5

Epedeme wua꞉ta mikadepe dle tle Godtapo ya꞉ta itiyamale mate wua꞉ye woloma omhallepe, wua꞉tapo pasakalo gadlowe halepo depame. Epedeme Godta ya꞉ opa pasakalo gadlowe koko iye mosukulu alila dla opa hapulomata natilipo depame botomastlepe.

1 Pita 4:16

Amasiyama wua꞉ta mikadepe dle koko tle wotiyalle hamama ase wowota꞉miya. Isikimi wua꞉ta God ya꞉ akimlala depo ha꞉ha꞉ koko dla God dla sisiyeiya.

1 Pita 4:19

Epapedeme Godta solotamale koko dolumha꞉ha꞉mama wotiyalle halomalalo so, wua꞉ wotiyalle dulu medla ha꞉ha꞉mama wua꞉ mita꞉plalo God dla hitaha꞉ha꞉iya. Adipalati, ya꞉tapo wua꞉ye pomeleme tasemde. Epedeme wua꞉ ka꞉dle koko halomha꞉ha꞉loweye melemiya.

Yuda 1:24

Godye itiyamana. Epedeme ya꞉tapo wua꞉ta teteyulala depame gadlepe. Epame ya꞉ye ala꞉na, ya꞉tapo wua꞉ye ullu pa꞉talo so depame ya꞉ta hela꞉dle dla elempupame wua꞉ dla siyele pato hamiloweye.