2 Pita 2:13 - Kamula

¹³ Epedeme yia꞉tapo yimkadulo watle wotiyalle halopimha꞉ha꞉uwa koko tle asiyama Godtapo yia꞉ watle wotiyalle me-epapele hamilipe. Epame yia꞉tapo mota solotamale batalimale koko opa inoma dali dla halomolowedeme wowota꞉le mate po-aposemde. Epame yia꞉tapo wua꞉ elemale mate wua꞉ mate hatlope depo daya dlomha꞉ha꞉po. Epapele koko tle yia꞉ye batalimale alisisi ullu walle epapele some ha꞉ha꞉mama wua꞉ hiye bobtalimha꞉ha꞉po.

2 Pita 2:13 Iomraidhean Croise

Loum 13:13

Epedeme di woloma alila hela꞉dle dla ha꞉ha꞉lalo so some woloma ka꞉depo ha꞉ha꞉lowa. Amasiyama poka꞉dena, ditapo kawata yú dele dulu dla, epo wola꞉ uhalomolowe koko dulu dla, epo yu topulolle mate epo nalatimale koko dulu dla, epo ya꞉mkale ellewe koko dulu dla ha꞉ha꞉loweye.

Epeses 5:27

Kelisotapo koko iye hauwapo, ya꞉ sostapo hela꞉dle mate halemama ullu pa꞉po aiyalma depo hallepo depame.

Pilipi 3:19

Adipalati, opa iwolota tamalaye Dlapa mo dla tamalapo. Epame yia꞉ godye yia꞉ motota solotamale alisisipo. Epame yia꞉ta batalimale koko halomde dla wowota꞉lowe tlope ma ka꞉ka꞉dle koko depame sisiyemdepo. Epame yia꞉ta malamale dulu dla ta꞉lamo koko tlo solotamale pato hutiyepo.

2 Timoti 4:14

Epapele dulu dla oli mate alisisi mimita꞉plalo oplami hale Alesendatapo na꞉ dla wotiyalle pato hamimduwa. Amasiyama Lodtapo ya꞉ watle asiyama hamilipe.

Yeims 5:5

Epele dulu dla wua꞉ta ta꞉lamo hema ha꞉ha꞉uwaye, alisisi poposatilipo ha꞉ha꞉mama wua꞉ta solotamale koko tlo halomha꞉ha꞉uwapo. Epedeme wua꞉ aliya halo ipo ta꞉lati yumme demdiye, wua꞉ aliya epapele some ha꞉ha꞉po. Adipalati, wua꞉ wua꞉ta solotamale koko mate wuskamu me-ilipo teta꞉lati koko gladlowe oloma dla aliya some poyuluwedeme ha꞉ha꞉po.

1 Pita 4:4

Epapedeme wua꞉ta ipapele koko tle alikili dla wowoyapo ha꞉ha꞉la natipame alikili so wua꞉ mate siyamduwatapo wua꞉ye tepelemyemama wua꞉ hi mate putlopo atlamyapo.

2 Pita 2:15

Yia꞉ye ikadepe api dolumtlowe mo-melepame ma Beol yami Balamta imale dla dolumtamalapo. Adipalati, ka꞉yapa Balam itapo asiyama yilo batalimale koko halomhalloweye po-alimdena.

Bobotimatimale 18:6

Ya꞉tapo batalimale koko opa opi dla hamhaluwaye ma asiyama ya꞉ watle hapiya. Epame ya꞉tapo opa opi dla batalimale koko halomhaluwa asiyama ya꞉ watle hapimama tla꞉mtame hapiya. Epame ya꞉tapo ya꞉ batalimale koko mate opa opi dla kawata yú some ilimhaluwaye ma asiyama ya꞉ watle imama tla꞉mtame iya.