2 Kolin 5:15 - Kamula

¹⁵ Epedeme Kelisotapo dia꞉ yilo mo-pouwapo, ditapo bidulo solotamale koko tlo podolumsiyamalalo ma isikimi Kelisota solotamale koko tlo dolumsiyamelepo depame. Adipalati, Kelisotapo dia꞉ yilo popame ma pasakalo dla ta꞉duwapo.

2 Kolin 5:15 Iomraidhean Croise

Ka꞉dle molo atlale yu Lukta ilimale 1:74

Epapedeme Godtapo dia꞉ye dia꞉ mate opahale demha꞉ha꞉ so do dulu tle eleme alikili dla woyamelepe, ditapo God ya꞉ oko hamha꞉ha꞉mama wota꞉le pa꞉po ha꞉ha꞉lepo depame.

Ka꞉dle molo atlale yu Yonta ilimale 5:24

Epedeme na꞉ ikadepe koko wua꞉ watle atlema. Oplami antapo na꞉ yuye dalepame na꞉ye tane dle oplami dla ma mikadepe dlepiye, ya꞉ye halepo halepo pasakalo ma-hamhalapo. Epapele oplamiye ya꞉ batalimale asiyama pohamilowa. Ya꞉ye powale tle mo-ulatame pasakalo dla halapo.

Ka꞉dle molo atlale yu Yonta ilimale 6:57

Epedeme na꞉ tane duwa Atapo pasakalo halemhallati na꞉ mape halapo. Epapedeme na꞉ mo mate epo na꞉ omali mate demhallalo oplamitapo na꞉ tle pasakalo hamhallepe.

Loum 12:1

Epedeme mikadepe dle so namkadulo, Godtapo di watle bokotiyapo malamale pato ma nati-iwapo. Epapedeme na꞉ solotama, wua꞉tapo wua꞉ motoye pasakalo halemhala ullu pa꞉le alisisi epapele some God watle halopiya. Adipalati, ipapele koko tle God dla siyele hamiloweta ka꞉pi halapo. Epalati asiyama ya꞉tapo wua꞉ dla siyemhallepe.

Loum 4:25

Epedeme Godtapo Yesuye di batalimale dla polopo depame hamiwapo, ya꞉ta popo sila꞉tili kokotapo dia꞉ye God mila꞉pi tle ullu pa꞉talo so dlepo depame.

Loum 6:2

Hao, di pe-epapolowa. Adipalati, ditapo ma batalimale koko halomha꞉ha꞉lowe dla mo-paliwapo. Epapedeme di ma adipammama batalimale koko dulu medla me-ha꞉ha꞉pa꞉?

Loum 6:6

Epame ma-dimalamana, batalimale koko dita halomha꞉ha꞉uwa hapulomaye Keliso mate dali yekelemhimili di dla mo-gogoduwapo, batalimale itiyamale dia꞉ dulu dla elata itiyamale pa꞉lepo depame. Epame batalimaletapo ma dia꞉ye podokopala dlalo wekelepo depame.

Loum 8:10

Amasiyama Kelisota ikadepe wua꞉ dulu dla halema dlepiye, wua꞉ pasakalo hallowe halepe. Adipalati, Godta wua꞉ye ya꞉ mila꞉pi tle mo-ullu pa꞉talo so duwapo. Epapele tlope wua꞉ moto dla batalimale asiyamatapo polowe hampulupe.

Loum 8:2

Adipalati, batalimale itiyamaleta dia꞉ye polowe dla elemtlati asiyama Yesu Kelisota itiyamale tle pasakalo hamilalo Sokotapo dia꞉ye alikili dla eleme woyamuwapo.

Loum 8:6

Epapele dulu dla batalimale koko dla momalamale hatitipo siyamolowetapo dia꞉ dla polowe hampuapo. Amasiyama Sokota solotamale koko dla momalamale hatitipo siyamolowetapo dia꞉ dla sadle koko mate epo pasakalo gadlowe koko mateye hampuapo.

1 Kolin 10:33

Epedeme na꞉ mape mepamdepo. Na꞉ta koko halomdetapo opa opi dla yia꞉ hete kustamtlalo alisisi some halloweye posolotamasemde. Ipapele koko dulu dla na꞉ isikimi na꞉ta solotamale koko halowedeme po-aposema. Amasiyama opa opi gademama yia꞉ta solotamale koko tlo halowedeme amma, yia꞉tapo pasakalo gadle halepo depame.

2 Kolin 12:10

Epedeme na꞉ Keliso yilo wotiyalle halowe dla sikemte siyema. Epapedeme na꞉ta hopeyamale dulu dla epo opata na꞉ hi mate batalimale yu atlamalati epame kokalle koko mate wotiyalle koko mate dulu dla me-siyele mate hallowepo. Adipalati, na꞉tapo hopeyamalati Kelisota itiyamaletapo na꞉ mate hallepe.

2 Kolin 3:6

Epapedeme ya꞉tapo na꞉ye ya꞉ yu itiyapo himili amko dulu dla salladepo sela꞉lalo oplami hallepo depame mo-sisilamuwapo. Epapele dulu dla yu itiyapo himili amko iye dota po-ilimana. Amasiyama Hela꞉dle Soko tle puwapo. Adipalati, dota ilimale aiyalmatapo polowe koko hampuapo. Amasiyama Sokotapo pasakalo hapimhalapo.

2 Kolin 5:16

Epapedeme di wata oloma itle oplami haleye ta꞉lamo malamale tle ponatisema. Amasiyama di ka꞉yapa Yesu Keliso kokoye ta꞉lamo sota malamduwa epo malamduwapo. Epapele tlope di wata oloma hema ya꞉ kokoye epo pomalaha꞉ha꞉sema.

Galasiya 5:25

Epame ditapo pasakalo amkoye Hela꞉dle Soko tle ma-hamha꞉ha꞉po. Epapedeme ka꞉dena, Hela꞉dle Sokota di dokopala depo halloweye.

Epeses 4:17

Epedeme na꞉tapo Lod hi tle wua꞉ye atlema, wua꞉ ase ta꞉lamo sota ha꞉ha꞉lalo epapele some ha꞉ha꞉miya. Adipalati, yia꞉ta malamale hapulomaye poka꞉ka꞉dle koko dla hatitipo siyamapo.

Epeses 5:14

Adipalati, hela꞉dletapo koko hapulomaye haliyamale dla halopo pumdepo. Epapedeme God yuta epo atlapo, “Ellalo oplami, wa꞉ sila꞉tine, Wa꞉ powale dulu tle sila꞉tine. Epalati Kelisota wa꞉ye hela꞉depo mellepe,” depo.

Kolosi 2:12

Epame wua꞉ta yú tutula꞉uwa oloma edla wua꞉ye Keliso mate wabasi dulu dla ma-hatiwapo. Epame wua꞉ye Keliso mate wabasi dulu tle ma mo-silliwapo. Adipalati, wua꞉tapo Godta Yesuye powale tle ma pasakalo duwa itiyamale edla mikadepe duwapo.

Kolosi 3:1

Epedeme wua꞉ye Godta Keliso mate powale tle ma pasakalo dla ma-ta꞉duwapo. Epedeme wua꞉ta malamale hapulomaye Pepele dimo dla hutiye koko tlo malaha꞉ha꞉iya. Adipalati, edla Kelisotapo Godta pollalo dowala tiyama dla polapo.

Kolosi 3:17

Epedeme wua꞉ta atlamha꞉ha꞉mde koko hapuloma mate epo moto mate koko halomha꞉ha꞉mde hapuloma mateye Lod Yesu hi tle halomha꞉ha꞉iya. Epame Yesu hi tle siyele yu God dla atlamha꞉ha꞉iya.

Kolosi 3:23

Epapedeme wua꞉ta oko halë dulu dla woloma ka꞉pi halowe tlo malapame oko haiya. Epame wua꞉ta opa opi oko hamama isikimi Lod yilo oko hama depo malamaiya.

1 Tesalonika 5:10

Epapedeme Kelisota dia꞉ yilo mo-pouwapo, ditapo ya꞉ mate yimkata ha꞉ha꞉lepo depame. Epedeme dita ha꞉ha꞉po pallipiye, eta dita Keliso mate ha꞉ha꞉lowe kokoye pomeyelope dlowa.

Taites 2:14

Ya꞉tapo dia꞉ yilo mo-pouwapo, ditapo di batalimale dulu dla ha꞉ha꞉lati asiyama mate hohopame alikili dla eleme woyamolowedeme. Epammama ya꞉tapo mo-pouwapo, ditapo ya꞉ mila꞉pi tle ya꞉ opa depo ha꞉ha꞉mama ullu pa꞉talo so depo ha꞉ha꞉lepo depame. Epame ditapo ka꞉ka꞉dle koko tlo halomolowe dla sikemte solotamha꞉ha꞉lepo depame.

1 Pita 4:6

Epedeme ka꞉dle yu atlati dallalo so opiye mo-paliwapo. Amasiyama epapele tlope yia꞉ motota palilati yia꞉ sokota God mate kokó ha꞉ha꞉po.

1 Yon 4:9

Epedeme Godtapo dia꞉ye sikemte ipo bokotiyapo malamuwapo. Ya꞉tapo Yami hatlopeye ta꞉lamo dla tulune duwapo, ditapo ya꞉ tle pasakalo hallowe halepo depame.

Bobotimatimale 1:18

Na꞉ye kokó halepo hallalopo. Na꞉ye mo-pouwapo, epapele tlope na꞉ matle kokó halepo hallalo pasakalo halapo. Epapedeme polowe kokoloma elo mate epame popo tame ha꞉ha꞉lalo mo kokoloma elo mate na꞉ dla hutiyepo.