2 Kolin 11:7 - Kamula

⁷ Epapedeme na꞉tapo asiyama pa꞉le God tle puale ka꞉dle yuye isikimi wua꞉ watle me-atlamsela꞉mduwapo. Epame na꞉tapo naskamu isili dla hame tuluwapo, ma asiyama wua꞉ tlo di dla ta꞉dlowedeme. Epapele dulu dla na꞉ta asiyama pa꞉le God yu atlemduwaye, na꞉ batalimale koko hamama ammduwa? Hao, pe-epamdena.

2 Kolin 11:7 Iomraidhean Croise

Taiya dle so 20:33

Epame na꞉ta wua꞉ mate sela꞉uwa dla na꞉ opa opi alisisi mate epo mani mate epo tluka ka꞉ka꞉dle mate tlapame dupa pehetamdena.

Taiya dle so 20:34

Amasiyama mo-wua꞉malamana, na꞉ na꞉ta solotamale koko mate epo na꞉ mate siyamuwa sota solotamale koko mate ala꞉lowedeme na꞉ motoye oko dla himmduwa.

Loum 1:1

Na꞉ye Polo, Yesu Keliso ya꞉ oko oplamipo. Epedeme Godtapo na꞉ye tane dle oplami hi hamipame na꞉ watle ya꞉ tle pua ka꞉dle yu atlamsela꞉lepo depame ma sauwapo.

1 Kolin 9:12

Epame wua꞉tapo wua꞉ dla God yu atlamalalo so opiye gademde dlepiye, ame poka꞉deta꞉, wua꞉tapo ma di gadloweye? Amasiyama ditapo wua꞉ dla alisisi opiye po-otomdena. Adipalati, di posolotamdena, epapele kokotapo wua꞉ta ditapo ka꞉dle yu Keliso koko atlati dalla allilala depame. Epapalala depame ditapo kokalle koko dulu medla ha꞉ha꞉loweye po-allimdena.

1 Kolin 9:6

Hatlo dita madipata Banabas mateta diskamu di gadlowe alisisi yilo bidulo di do mate oko hamha꞉ha꞉pa꞉?

2 Kolin 10:1

Epapedeme wua꞉ dulu dla opa opitapo na꞉ koko dla epo atlamyapo, “Polotapo dia꞉ mate halemama hopeyamale mate yu atlamhalemde. Amasiyama ya꞉tapo dia꞉ tle alikili a꞉ma tame halemama yu ilimale tle dia꞉ dla yu itiyamale mate sikemte atlamhalemde,” demyapo. Epame wua꞉ dulu dla na꞉ watle ta꞉lamo oplami some halema depo atlalo so ma me-ha꞉ha꞉po. Epedeme na꞉tapo sadle mate epo bokotiyapo malamale mate hallalo Keliso hi tle wua꞉ dla otele himima, na꞉ yu ballalo sotapo na꞉ta puluwe dla omha꞉ha꞉mama yia꞉ bobtalimale tle heheletimelepo depame. Yia꞉ta epapelepiye, eta na꞉ puame yia꞉ watle yu itiyamale mate po-atlowa.

2 Kolin 10:16

Epapelepiye, ditapo Kolin mo tle ma mo opi dla ka꞉dle yu podallalo wekele so opa dla ka꞉dle yu hame atlamtamollowepo. Adipalati, di posolotamasema, ya꞉mkaleta oko halë mo dla ma dita oko halë some diskamu di dla hamhetloweye.

2 Kolin 12:13

Epapedeme na꞉tapo mikadepe dle so opa opi mate halemama koko halomhaluwaye ma wua꞉ mate halemama koko hatlo metlo halomhaluwapo. Epapele dulu dla na꞉ta wua꞉ dulu dla halemama koko hatlo na꞉ta pohalalo wekuwaye ipo. Na꞉ wua꞉ watle alisisi hale po-otomdena. Epele dulu dla koko iye na꞉ta batalimale koko hauwa? Hao, pe-epapena.

2 Kolin 2:12

Epapele dulu dla na꞉ye Tlowas mo dla tame ka꞉dle yu Yesu Keliso kokoye atlamolowedeme apalati Lodtapo na꞉ta edla ka꞉dle yu atlamolowe kokolomaye dokostauwapo.

1 Tesalonika 2:9

Epapele dulu dla ditapo wua꞉ mate ha꞉ha꞉mama dita dlowe alisisi mate epo dita solotamale alisisi opi mate e ala꞉lowedeme ditapo utula꞉la hapuloma mate epo alila hapuloma mate di moto mate oko pato hamha꞉ha꞉uwaye, wua꞉malamana. Epapele koko tle dita God tle puale ka꞉dle yu atlamsiyamama wua꞉ dla alisisi po-otomdena.

2 Tesalonika 3:8

Epame di oplami hale daya dlowedeme asiyama dimi podemdena. Hao, di asiyama himpame daya demduwapo. Epame alila mate epo utula꞉la mate di motoye oko pato dla hatitimduwapo, dita daya dlowe asiyama himiloweye halowedeme. Epammama di oplami hale dla pohitaha꞉ha꞉na.