2 Kolin 11:27 - Kamula

²⁷ Epapele dulu dla na꞉tapo oko pato ma-hauwapo. Epame na꞉ utula꞉la opi dla woloma ka꞉dle elale pohamdena. Epame na꞉ alila opitapo yú ta꞉le mate epo daya ta꞉le mate halemduwapo. Epame daya dimi halemama tluka alisisi ma pa꞉po kapumale dulu dla halemduwapo.

2 Kolin 11:27 Iomraidhean Croise

Ma꞉tiyu 17:21

Amasiyama bataliya ipapeleye isikimi daya aiyalma depo halemama inoma sumale mate alikili dla dodolomlala.”]

Taiya dle so 14:23

Epamsiyamama Polo wolotapo sos hapuloma dla dokopala so hohomtamalaiyo. Epame daya aiyalma depo ha꞉ha꞉mama inoma sumale mate yia꞉ye Lod do tama dla hatitimdiyo. Adipalati, yia꞉tapo Lod dla mo-mikadepe duwapo.

Taiya dle so 20:31

Epedeme wua꞉ yu i malaha꞉ha꞉mama woloma omha꞉ha꞉iya. Adipalati, na꞉tapo sokomoko dapahatlope dulu dla alila hapuloma epo utula꞉la hapuloma dla koko hema wua꞉ dla amale mate imsela꞉mduwapo. Epapedeme na꞉ta imale koko iye wowelimiya.

1 Kolin 7:5

Epedeme wua꞉ta madipata ha꞉ha꞉mama hatlope demha꞉ha꞉loweye melemiya. Amasiyama wua꞉ta God dla inoma sumha꞉ha꞉lowedeme wua꞉ta madipatata hatlope demde koko dla esepame solotamale himpo alila kiyele dla aiyalma depo ha꞉ha꞉lowa dlepiye, e ka꞉pipo. Amasiyama koko hema na꞉tapo wua꞉ta epapelepo depame wua꞉ye poha꞉ha꞉masema. Epame wua꞉ta aiyalma depo ha꞉ha꞉le kokota mo-puame gudlepiye, eta ma wua꞉ta madipatata ma-hatlope demha꞉ha꞉lowe ka꞉pipo. Adipalati, wua꞉ta madipatata ma pohatlope dlalo ha꞉ha꞉lati Saitenta wua꞉ye elemala natimama opa mate wola꞉ mate uhalowe koko dla elemtullala.

2 Kolin 11:23

Epame ma yia꞉tapo atlemama yia꞉ye Keliso ya꞉ oko so demdepo. Amasiyama na꞉tapo Keliso ya꞉ oko oplami depo halemama itiyamale mate oko hauwata yia꞉ okoye tla꞉mtame halapo. Epame na꞉ tlope alila pasatale amtuwale aya dla tutula꞉mhalemduwapo. Epame na꞉ye opata sikemte hopolemduwapo. Epame na꞉ye mo-yumuluwe mateka꞉pi dla halemduwapo.

2 Kolin 6:5

Epapele dulu dla opatapo dia꞉ye hohopolepame amtuwale aya dulu dla pololemdepo. Epame opatapo di koko dla siyaladle pato ta꞉demdepo. Epame dia꞉ye pohutiyelalo daya dimi oko pato hamdepo.

Pilipi 4:12

Adipalati, na꞉ alisisi dimi halloweye na꞉malamana. Epame na꞉ alisisi pasatale hallowe koko mape na꞉malamana. Epapele dulu dla na꞉ dla alisisi pasatale hallowe koko mate epo alisisi dimi hallowe koko mate dulu edla na꞉ ma-ala꞉na. Epame na꞉ dla daya ta꞉lowe koko mate epo daya sukallowe koko mate dulu dla na꞉ ma-ala꞉na. Adipalati, na꞉ ipapele koko hapuloma dulu dla halloweye mo-malastauwapo.

1 Tesalonika 2:9

Epapele dulu dla ditapo wua꞉ mate ha꞉ha꞉mama dita dlowe alisisi mate epo dita solotamale alisisi opi mate e ala꞉lowedeme ditapo utula꞉la hapuloma mate epo alila hapuloma mate di moto mate oko pato hamha꞉ha꞉uwaye, wua꞉malamana. Epapele koko tle dita God tle puale ka꞉dle yu atlamsiyamama wua꞉ dla alisisi po-otomdena.

2 Tesalonika 3:8

Epame di oplami hale daya dlowedeme asiyama dimi podemdena. Hao, di asiyama himpame daya demduwapo. Epame alila mate epo utula꞉la mate di motoye oko pato dla hatitimduwapo, dita daya dlowe asiyama himiloweye halowedeme. Epammama di oplami hale dla pohitaha꞉ha꞉na.

Hibulu 11:37

Epalati opiye ewala mate siyomtimduwapo. Epalati opa opi motoye duka kotimduwapo. Epame opi tlo aipa꞉ya mate potimduwapo. Epalati opitapo sipi aliya kapala mate gaut aliya kapala mate didiyemha꞉ha꞉mama atali yimlala some alisisi dimi ha꞉ha꞉mduwapo. Epame yia꞉ dla ellalo sotapo yia꞉ watle wotiyalle hapimha꞉ha꞉mduwapo.