2 Kolin 11:10 - Kamula

¹⁰ Epapedeme Kelisotapo ikadepe koko tlo atlamsela꞉uwaye, epammama na꞉ mape wua꞉ dla ikadepe koko tlo atlema. Adipalati, wua꞉ yilo oko hamhalemama wua꞉ dla mani po-otlalo wekemduwa koko dla naskamu di dla hamhetama. Epedeme Akaya mo pato dulu dla oplami haletapo na꞉ta naskamu di dla hamheta koko hema humatloweye po-ala꞉na.

2 Kolin 11:10 Iomraidhean Croise

Taiya dle so 18:12

Loum oplami Galiyota Kolin mo dla halemama Akaya mo pato omhalaiyo. Epapeleye Polota Kolin mo dulu dla God yu imsela꞉lati Yu so hapulomatapo allimama Poloye Galiyo watle hamame pumulaiyo.

Taiya dle so 18:27

Epame alotle Apolosta Akaya dla tlowe solotamaiyo. Epalati mikadepe dle sota ka꞉pi demama yu ilimaleye Akaya mikadepe dle so dla hamiyo, yia꞉tapo Apolosye solotamale mate ya꞉ oko gademha꞉ha꞉lepo depame. Epalati ya꞉tapo edla tame Godta bokotiyapo malamale tle mikadepe dle soye woloma ka꞉pi gadlalo oplami halaiyo.

Loum 1:9

Epame God ma me-ya꞉malamana, na꞉ta alila hapuloma wua꞉ yilo inoma sumale yu himhala kokoye. God eye na꞉tapo na꞉ dupa dulu tle sikemte malahalemama ka꞉dle yu Yami kokoye atlamsela꞉po.

Loum 16:5

Epame yia꞉ aya dulu dla inoma sumha꞉ha꞉lalo so dla ma na꞉ta namkale dle yuye hamiya. Epame namkale ikadepe Epainetus dla mape na꞉ta namkale dle yu hamiya. Adipalati, ya꞉tapo Asiya mo pato dulu dla ya꞉ tatle Keliso dla mikadepe duwapo.

Loum 9:1

Epedeme na꞉ye Keliso dulu dla halemama ikadepe kokoye wua꞉ watle atlema. Epame na꞉ye isikimi pomala-atlasema. Hela꞉dle Sokotapo na꞉ye dokopala depo hallati na꞉tapo wua꞉ watle atlemama na꞉ opa Isalael so yilo sikemte dupa kolle natima. Adipalati, yia꞉tapo Godta solotamale kokoye podolumasema. Epapedeme na꞉tapo yia꞉ yilo Godta kasilamale dulu dla tloweye mo-dinapopo halapo.

1 Kolin 16:15

Epedeme mikadepe dle so namkadulo, Stepanas aya dulu dla ha꞉ha꞉lalo so yia꞉ kokoye mo-wua꞉malamana. Yia꞉ye Akaya mo dulu dla yia꞉ tatle mikadepe dle dulu dla matimoluwapo. Epame yia꞉ mape yiskamu yia꞉ motoye mikadepe dle so gadlowe oko halomolowe dla hatitipo ha꞉ha꞉po.

2 Kolin 1:1

Na꞉ye Polopo. Godtapo ya꞉ta solotamale tle na꞉ye mo-sauwapo, na꞉tapo Yesu Keliso ya꞉ Taiya dle oko hamhallepo depame. Epapedeme na꞉ mate epo di ei Timoti mate yu ilimale iye God ya꞉ opa hapuloma Kolin mo dla ha꞉ha꞉ mate epo Akaya mo dla ha꞉ha꞉ mate dla hamima.

2 Kolin 1:23

Epapedeme na꞉ ikadepe kokoye wua꞉ watle atlema. Na꞉ta malamale meyelope depame ma wua꞉ta hala dla potlalo wekuwa kokoye ipo elema. Na꞉ posolotamana, na꞉tapo wua꞉ hala dla tame yu itiyamale mate atlemama wua꞉ watle upiyele hamiloweye. Epame God ma na꞉ta malamale koko iye me-ya꞉malamana.

2 Kolin 10:15

Epame di yimkadulota oko halë natipame ma dita eledomama oko eye dita hauwa pe-epapesemde. Amasiyama di isikimi di oko tlo di dla hamhetamdepo. Epame di solotama, wua꞉ta mikadepe dletapo ta꞉mama dita wua꞉ dulu dla oko hauwatapo ma a꞉ma ta꞉lepo depame.

2 Kolin 11:12

Epapedeme na꞉ta oko hamsela꞉mama opa dla mani po-otlalo wekemduwaye, mepamhalowama. Adipalati, biskapa koko imalalo sotapo epo atlamsiyamapo, “Polota koko hamsela꞉ epapeleye di ma hatlo mepapele koko tlo hamsiyama,” demsiyamapo. Epapele koko tle na꞉ solotama, epo atlamsiyama so opaye humatlowedeme. Adipalati, yia꞉ tlo yia꞉ oko asiyamaye halomha꞉ha꞉po.

2 Kolin 11:31

Epapedeme di Lod Yesu ya꞉ A God dita siyele hamilalo mape me-ya꞉malamana, na꞉tapo ikadepe yu tlo atlama kokoye.

2 Kolin 12:19

Epapedeme dita koko ipo atlamalati wua꞉ta malamaletapo Poloye isikimi ya꞉ta batalimale koko halë me-kesoma demyayo. Amasiyama koko eye pomikadepe. Adipalati, di God mila꞉pi tle dia꞉ye Keliso ya꞉ oko so ikadepe demama wua꞉ye imha꞉ha꞉po. Epedeme mikadepe dle so namkadulo, di isikimi wua꞉ gadlowedeme apoma, wua꞉ dulu dla ipapele kokota hutiyelala depame. Eye yu topulolle koko epo ya꞉mkale ellewe koko epo siyaladlowe koko epo ya꞉skamu ya꞉ tlo malamolowe koko epo putlomale yu atlowe koko epame yu ballowe koko epo ya꞉skamu di dla hamhetlowe koko epo aiyalma pa꞉po ha꞉ha꞉lowe koko. Wua꞉ta ipapele koko dulu dla ha꞉ha꞉lati na꞉ta puame natilipiye, na꞉ wua꞉ dla sikemte siyalademama yu itiyamale mate atellepe. Amasiyama wua꞉ posolotamasema, na꞉ta ipapele koko wua꞉ dla haloweye.

2 Kolin 9:2

Adipalati, na꞉malamana, wua꞉ta yia꞉ gadlowe dla solotamale me-elapo. Epedeme na꞉tapo Makedoniya mikadepe dle so dla wua꞉ kokoye di dla hamhetamama epo atluwapo, “Mikadepe dle so Kolin dla ha꞉ha꞉lalotapo alo sokomoko dla Yelusalem so dla gadle himilowedeme ma-dinapopo ha꞉ha꞉uwapo,” duwapo. Epapele koko tle Makedoniya mikadepe dle sota koko i dalepame yia꞉ ma Yelusalem so dla namkale dle hamilowe dla sikemte solotamale himiwapo.

Galasiya 1:20

Epedeme na꞉ God mila꞉pi tle ikadepe kokoye wua꞉ dla ilima.

Galasiya 2:20

Epapele koko tle na꞉ta mikadepe duwatapo Yesuta dali yekelemhimili di dla pouwaye na꞉ ma epapuwapo. Epapedeme wata na꞉ta pohalasema. Amasiyama Kelisotapo na꞉ dulu dla halapo. Epapedeme na꞉tapo God Yami dla mikadepe dle tle watapo na꞉ moto ikadepe i mate halema. Ya꞉tapo na꞉ye sikemte bokotiyapo malapame na꞉ yilo ya꞉ pasakaloye polowe dla himiwapo.

1 Tesalonika 2:10

Yao, dita mikadepe dle so wua꞉ mate ha꞉ha꞉uwaye di api hale pohotana. Amasiyama dita yimkata wua꞉ mate ha꞉ha꞉mama woloma ka꞉depo ha꞉ha꞉uwapo. Epedeme wua꞉ koko i mo-wua꞉malamana, epo God mape koko hema mikadepe depo.

1 Tesalonika 2:5

Epo wua꞉ mape wua꞉malamana, wua꞉ta di hala dla matilipo depame isikimi mala-atlale yu mate po-opalina. Epammama di mani halowe yilo ka꞉dle yuye po-atlemdena. God ma koko iye ikadepe depo.

1 Timoti 2:7

Epedeme Godtapo na꞉ye sisilapame tane dle oko hamiwapo, na꞉tapo po-Yu so dla ka꞉dle yu hamtelepo depame yia꞉tapo ka꞉dle yuye dalepame mikadepe dlepo depame. Epedeme na꞉ta atlama yu iye ikadepepo.