1 Yon 4:7 - Kamula

⁷ Mikadepe dle so namkadulo, ka꞉dena, dita hapulomatapo ya꞉mkale asiyama bokotiyapo malama asiyama bokotiyapo malama demha꞉ha꞉loweye. Adipalati, bokotiyapo malamale kokoye God tle puapo. Epedeme oplami antapo ya꞉mkale bokotiyapo malamhalema꞉, ya꞉ye God ya꞉ maseyemalapo, epame ya꞉ye God kokoye ya꞉malamana.

1 Yon 4:7 Iomraidhean Croise

Ka꞉dle molo atlale yu Yonta ilimale 13:34

Epapedeme na꞉ ma molo atlale yu amkoye wua꞉ watle hamima. Wua꞉tapo wua꞉ amkaduloye asiyama bokotiyapo malama asiyama bokotiyapo malama demha꞉ha꞉lepo depame. Na꞉ta wua꞉ sikemte bokotiyapo malamhala epammama, wua꞉ amkale asiyama bokotiyapo malama asiyama bokotiyapo malama demha꞉ha꞉iya.

Ka꞉dle molo atlale yu Yonta ilimale 17:3

Epapedeme halepo halepo pasakalo kokoye wa꞉ koko malamolowe kokopo. Adipalati, wa꞉ye God ikadepe halapo. Epame halepo halepo pasakalo eye wa꞉ta tane dle oplami Yesu Keliso koko malamolowe kokopo.

1 Kolin 8:3

Amasiyama God sikemte malahallalo oplamiye, Godtapo ya꞉ kokoye malastepo halapo.

2 Kolin 4:6

Epedeme kotiyamale sitali dla Godtapo epo atluwapo, “Amtuwale dulu dla hela꞉dleta domelepe,” duwapo. Epapeleye God hatlo etapo di dupa dulu dla ya꞉ta hela꞉dle hamimama domuwapo, ditapo Godta hela꞉dle Yesu Keliso mila꞉pi dla elaye malamelepo depame.

Galasiya 4:9

Amasiyama wua꞉ watapo ikadepe Godye mo-malapo ha꞉ha꞉po. Amasiyama ipo atlowe tlo ka꞉pi, Godta wua꞉ye mo-malapo halapo. Epapele tlope wua꞉ ma adipalati God tle kokotipame biskapa god dla salladepo siyamolowedeme ilamtamalema꞉? Adipalati, koko eta koko ka꞉dle hale wua꞉ dla pohampuluwa. Wua꞉ adipalati matle upiyele koko eta wua꞉ dokopala depo hallowe solotama꞉?

Galasiya 5:22

Amasiyama Hela꞉dle Soko ya꞉ dlomokoye ipo, ya꞉mkale bokotiyapo malamolowe koko, epo siyele koko, epame sadepo hallowe koko, epo yimkadulo mate ka꞉depo hallowe koko, epame namkale dle koko, epo ka꞉dle koko, epame ikadepe koko tlo halowe malamale,

2 Timoti 1:7

Adipalati, Godta di watle Soko hamiwaye, wota꞉le soko pohamina. Amasiyama ya꞉tapo di watle Soko hamiwa etapo itiyamale mate epo bokotiyapo malamolowe koko mate epame batalimale koko dla tullala depame di moto hohomolowe koko mate hapimhalapo.

1 Pita 1:22

Epapedeme wua꞉ye watapo ka꞉dle yu dla salladepo ha꞉ha꞉ koko tle wua꞉ye mo-ullu pa꞉po ha꞉ha꞉po. Epedeme wua꞉ watapo bokotiyapo malamale dulu dla ha꞉ha꞉mama wua꞉ dupa dulu tle wua꞉ amkadulo mikadepe dle soye asiyama malama asiyama malama demha꞉ha꞉iya.

1 Yon 2:10

Amasiyama oplami antapo ya꞉mkadulo mikadepe dle soye bokotiyapo malamhallepiye, ya꞉ye hela꞉dle dulu dla halapo. Epedeme hela꞉dle dulu edla ya꞉ta batalimale dla tullupo depame kustame tlowe alisisiye hawapo.

1 Yon 2:29

Di Godye isikimi ka꞉ka꞉dle koko tlo halomhalemde dlepiye, eta di malamelepe, ka꞉ka꞉dle koko halomalalo soye God ya꞉ akimlalapo.

1 Yon 2:3

Epame dita Godta molo atlale yu dla salladepo siyamelepiye, eta dita ya꞉ye mikadepe dle kokoye nati-imama apelepe.

1 Yon 2:4

Amasiyama oplami haletapo atlemama, “Godye na꞉malamana,” depame ma ya꞉ta molo atlale yuye podolumalalo sela꞉lepiye, ya꞉ye isikimi mala-atlemama apelepe. Epedeme epapele oplami dla ikadepe kokoye hawapo.

1 Yon 2:7

Namkadulo, na꞉ta wua꞉ watle molo atlale yu ilipo hami iye po-amko. Amasiyama wua꞉ta ka꞉yapa mikadepe depame molo atlale yu hamuwaye e ipo. Adipalati, molo atlale yu takala iye wua꞉ta ka꞉yapa ma-daluwapo.

1 Yon 3:9

Epedeme opa anawolotapo mo-God ya꞉ akimlala depo ha꞉ha꞉ma꞉, yia꞉ matle batalimale koko dulu dla posiyamolowa. Adipalati, Godta hallalo pasakalo ikadepeye yia꞉ dulu dla halapo. Epedeme yia꞉tapo ma batalimale koko dulu dla siyamoloweye po-ala꞉lowa.

1 Yon 4:11

Mikadepe dle so namkadulo, Godta dia꞉ye adipo sikemte bokotiyapo malamuwa, di ma ka꞉dena, epo bokotiyapo malamale mate diamkadulo asiyama bokotiyapo malama asiyama bokotiyapo malama demha꞉ha꞉loweye.

1 Yon 4:12

Oplami haletapo Godye ponatina. Amasiyama dita ipo ya꞉mkale asiyama bokotiyapo malama asiyama bokotiyapo malama demha꞉ha꞉lepiye, eta Godye dia꞉ dulu dla hallepe. Epalati ya꞉ta bokotiyapo malamaleta dia꞉ dulu dla ma-ala꞉po hallepe.

1 Yon 4:16

Epedeme dimalamana, Godta adipo di bokotiyapo malamuwaye. Epapedeme di ya꞉ dla mikadepe depame ya꞉ dla hitaha꞉ha꞉po. Godye bokotiyapo malamalalo halapo. Epedeme oplami antapo bokotiyapo malamale ya꞉ dupa dulu dla elema꞉, ya꞉ye God mate hatlope depo hallati asiyama God mape ya꞉ mate hatlope depo halapo.

1 Yon 4:20

Epedeme oplami haletapo atlemama, “Na꞉ Godye sikemte malamde,” depame matle ya꞉mkaleye elle mate hallepiye, ya꞉ye isikimi mala-atlalo oplamipo. Adipalati, ipapele oplamitapo ya꞉mkale mikadepe dle oplami ya꞉ta natilaloye pobokotiyapo malamalalo hallepiye, ya꞉ ma ya꞉ta ponatilalo wekele Godye adipo malapa꞉?

1 Yon 4:8

Amasiyama oplami antapo ya꞉mkale pobokotiyapo malamalalo halema꞉, ya꞉ye God poya꞉malamana. Adipalati, Godye sikemte bokotiyapo malamalalo halapo.

1 Yon 5:1

Epedeme oplami antapo Yesuye Godta sale Keliso dlepiye, ya꞉ye God yamipo. Epame oplami antapo Aye sikemte malahallepiye, ya꞉ mape A Yamiye sikemte malahalapo.

2 Yon 1:5

Epedeme wai namkale, yu ilimale iye wa꞉ dla po-amko desema. Amasiyama dita ka꞉yapa daluwa bokotiyapo malamale kokoye e atlemama amma. Epedeme ka꞉dena, dita hapulomata asiyama bokotiyapo malama asiyama bokotiyapo malama demha꞉ha꞉loweye.