1 Yon 4:1 - Kamula

¹ Mikadepe dle so namkadulo, wua꞉ wolomape! Adipalati, biskapa God yu molo atlamalalo so hapuloma watapo ta꞉lamo pato dla ma-siyamapo. Epedeme oplami haleta puame wua꞉ dla atlemama, “Na꞉ta imale koko hamsela꞉ iye Soko tle puma,” dlati wua꞉ yipta ya꞉ yu dalepame ya꞉ dla tulumiyo. Amasiyama wua꞉ ya꞉ta imale hamsela꞉ye ikadepe God tle puma꞉ depame ya꞉ye woloma heheletimelepe.

1 Yon 4:1 Iomraidhean Croise

Maka 13:21

Oloma edla oplami haleta puame wua꞉ watle atlemama, ‘Iye Kelisopo,’ o ‘Huma natine, eye Kelisopo,’ dlatiye, ya꞉ yu dla mikadepe demiyo.

Ka꞉dle molo atlale yu Lukta ilimale 12:57

“Wua꞉ adipalati muwolo ka꞉ka꞉dle koko halomolowe tlo pomalamalalo ha꞉ha꞉ma꞉?

Ka꞉dle molo atlale yu Lukta ilimale 21:8

Amasiyama Yesuta ma yia꞉ watle epo atlaiyo, “Ka꞉e wolomape! Oplami haleta wua꞉ye ikadepe api tle ma alikili dla elemtullala. Adipalati, opa opitapo na꞉ hi mate puame atlamyemama yiskamu yia꞉ye Kelisopo demyelepe. Epamyemama yia꞉tapo God ya꞉ alilata mo-puapo demyelati yia꞉ yu dla dalepame edla tulumiyo.

Taiya dle so 17:11

Epapele dulu dla Polota Tesalonika dla halale oloma edla Yu so edla ha꞉ha꞉leta ya꞉ yu dallowe alliyo. Amasiyama Beleya mo hema Yu sota Polota God yu atlati hutulli mate ya꞉ yu hapame yu e ya꞉ dulu kokoye woloma totamdiyo. Epame yia꞉tapo Polota imaleye mikadepeta꞉ depame alila hapuloma dulu dla God yu buka sikemte sesa꞉mha꞉ha꞉mdiyo.

Taiya dle so 20:29

Na꞉malamana, na꞉ta ma-tlati opa opita moko esemala kakasilamale epapele some wua꞉ dulu dla puame wua꞉ haloye poyulupe.

1 Kolin 12:10

Epame matle Soko hatlo meta oplami hale dla ulugiyemale koko halomolowe itiyamaleye hamimdepo. Epame Soko hatlo meta oplami hale dla God tle yu hapame molo atlowe itiyamaleye hamimdepo. Epame ma Soko hatlo meta oplami hale dla God ya꞉ Soko mate epo soko opi mate malanatilowe itiyamaleye hamimdepo. Epame ma Soko hatlo meta oplami hale dla ulugiyemale yu mate yukamolowe itiyamaleye hamimdepo. Epame ma Soko hatlo meta oplami hale dla ulugiyemale yu mate yukamale ya꞉ dulu koko woloma hatostepo atlowe malamaleye hamimdepo.

1 Kolin 14:29

Epalati wua꞉ta inoma sumale dulu dla God tle yu hapame molo atlamalalo so alumale dulu dla isikimi opa dapiyamte o dapahatlope epapeleta God yu molo atlamha꞉ha꞉lowe tlo ka꞉pi. Epalati asiyama opitapo yia꞉ta atlama ya꞉ dulu kokoye hukullalo so ha꞉ha꞉lepe.

1 Tesalonika 5:20

Epammama God yu molo atlamalalo sota God tle yu hapame atlamale yuye isikimi koko demiyo.

1 Tesalonika 5:21

Amasiyama koko hapuloma dulu dla ikadepe God tle puma꞉e depame woloma heheletimala natiya. Epame koko ka꞉ka꞉dle tlo halopame e dolumha꞉ha꞉iya.

2 Tesalonika 2:2

Epedeme wua꞉ opa opita puame atlemama, “Lod ya꞉ alilaye mo-puwa,” dlati dalepame hapele yiyelepame dupa yulumama yia꞉ yu dla tulumiya. Epame yia꞉ta atlemama, “Sokota di watle koko iye momolo imuwa,” dlati yia꞉ yu dla mikadepe dlalimiyo. Epo ma yia꞉ta atlemama, “Polo wolota di watle yu ilimale hamimama ipo atluwa,” dlati e mape yia꞉ yu dla mikadepe dlalimiyo.

1 Timoti 4:1

Hela꞉dle Sokotapo haliyamale dla epo atlapo, “Mosukulu alila dla opa opita mikadepe dle kokoye memellepe. Epame yia꞉tapo isikimi mala-atlalo sokota imale koko mate epo bataliya yimlalata imale koko mate dla dolumelepe,” depo.

2 Timoti 3:13

Epapele dulu dla batalimale so mate epo isikimi kapala di dla mikadepe dlalo so mateye matle sikemte batalimale koko dulu dla ha꞉ha꞉lepe. Epame yia꞉tapo opa opiye eleme batalimale koko dla tulumama yia꞉ mate medla tulumellepe.

2 Pita 2:1

Amasiyama ka꞉yapa Isalael so dulu dla biskapa koko imalalo so opaye me-ha꞉ha꞉uwapo. Epapedeme biskapa koko imalalo so opa opiye wua꞉ dulu dla ma me-siyamelepe. Epedeme yia꞉tapo yia꞉ asiyama mate hohomale Lodye alimama hemele God kokoye batalipo imsiyamale tle mikadepe dle soye bobtalimelepe. Epedeme Godta yia꞉ watle asiyama hamiloweye podekellowa.

1 Yon 2:18

Na꞉ mamadulo wua꞉ daliya. Mosukulu alilaye mo-mateka꞉pi halapo. Epedeme Keliso dla humatlalo oplamita puluwe kokoye wua꞉ watle ma-atlamuwapo. Amasiyama Keliso dla humatlalo so opiye wata mo-wowoyapo siyamapo. Di epapele koko tle malanatipo, mosukulu alilaye mo-mateka꞉pi puapo depo.

1 Yon 2:7

Namkadulo, na꞉ta wua꞉ watle molo atlale yu ilipo hami iye po-amko. Amasiyama wua꞉ta ka꞉yapa mikadepe depame molo atlale yu hamuwaye e ipo. Adipalati, molo atlale yu takala iye wua꞉ta ka꞉yapa ma-daluwapo.

2 Yon 1:7

Epedeme biskapa koko imalalo so hapulomatapo wata ta꞉lamo pato hema me-siyamapo. Ipapele opatapo Yesu Kelisota ikadepe oplami moto hapame ta꞉lamo hema sela꞉uwaye po-imasemde. Oplami antapo ipapele koko imsela꞉lepiye, ya꞉ye elemala natilalo oplamipo, epame ya꞉ye Yesu dla humatlalo oplamipo.

3 Yon 1:11

Epapedeme namkale, batalimale oplami koko natipame ya꞉ koko dolumiya. Amasiyama koko adi tlo ka꞉deta꞉, etlo halomhalane. Oplami antapo ka꞉ka꞉dle koko tlo halomhalema꞉, ya꞉ye God mate hatlope depo halapo. Amasiyama oplami antapo batalimale koko halomhalema꞉, ya꞉ye God koko yeliyepo halapo.

Bobotimatimale 2:2

Wa꞉ta koko halomhala hapulomaye na꞉malamana. Epame wa꞉tapo upiyele dulu dla God oko hamhalemama hutulli mate hamhalaye na꞉malamana. Epame wa꞉ta batalimale koko halomha꞉ha꞉lalo so alimhalaye na꞉malamana. Epame opatapo yiskamu yia꞉ye Taiya dle so opa demsiyamalati asiyama wa꞉tapo yia꞉ye heheletimala natimama yia꞉ta isikimi mala-atlale koko natidemhalaye na꞉malamana.