1 Yon 3:7 - Kamula

⁷ Na꞉ mamadulo namkadulo, wua꞉ wolomape, opa opita imale tle wua꞉ye alikili dla elemtulu demiya. Ka꞉ka꞉dle koko tlo halomhallalo oplamiye, ya꞉ God mila꞉pi tle ka꞉dle oplami depo halapo. Epedeme ya꞉tapo Kelisota God mila꞉pi tle ka꞉dle oplami depo halaye ya꞉ ma epo hallepe.

1 Yon 3:7 Iomraidhean Croise

Ma꞉tiyu 5:20

Epedeme na꞉ ikadepe koko wua꞉ watle atlema. Wua꞉ta God dla salladleta aiyalma imalalo so mate epo Pa꞉lisi so mateta God dla salladleye potla꞉mtlalo wekelepiye, wua꞉ Pepele dimo dla po-ulatuluwa.”

Ka꞉dle molo atlale yu Lukta ilimale 1:75

Adipalati, ya꞉tapo dia꞉ye ya꞉ mila꞉pi tle mo-ullu pa꞉talo so dlepe.

Taiya dle so 10:35

Epame ta꞉lamo pato hema mo meyelope meyelope dle dulu dla oplami antapo God dla mikadepe depame ka꞉ka꞉dle koko halomhallepiye, Godta ya꞉ dla siyemhalapo.

Loum 2:13

Adipalati, Mosestapo ipo imuwapo, “Isikimi aiyalma koko tlo dalepo ha꞉ha꞉lalo soye Godtapo ya꞉ mila꞉pi tle po-ullu pa꞉talo so demhalasema. Amasiyama opa anawolotapo aiyalma koko dalepame yia꞉ moto mate koko halomha꞉ha꞉lalo soye Godtapo ya꞉ mila꞉pi tle ullu pa꞉talo so demhalapo.”

1 Kolin 6:9

Epapedeme wua꞉ powua꞉malamata꞉, batalimale koko halomalalo sotapo God ya꞉ mo koko dla po-u-ulapo tulalo wekeloweye? Wua꞉ koko iye woloma malamaiya. Adipalati, opa mate wola꞉ mate uhalomalalo so mate, epo biskapa god dla sisiyelalo so mate, epo opa yimkadulo halomalalo so mate,

Epeses 5:6

Epapedeme ipapele koko dla oplami haleta wua꞉ye mala-atla demha꞉ha꞉miya. Adipalati, batalimale koko hapuloma ipapele tle Godta kasilamale kokotapo ya꞉ yu dla posalladlalo wekele so dla puapo.

Epeses 5:9

Adipalati, hela꞉dle ya꞉ dlomokoye ipo. Eye namkale dle koko epame God mila꞉pi tle ka꞉depo hallowe koko epame ikadepe koko.

Pilipi 1:11

Epame na꞉ ma inoma sumale yu hale himima, wua꞉tapo Keliso tle ka꞉ka꞉dle koko halomoloweta wua꞉ dla poposatilipo ha꞉ha꞉lati Godta natipo siyelepo depame.

Hibulu 1:8

Amasiyama ya꞉tapo ya꞉ Maseyemala koko dla epo atluwapo, “God, wa꞉ mo kokotapo kokó elepo ellepe. Epame wa꞉tapo ka꞉dle api tle wa꞉ opaye woloma omhallepe.

Hibulu 7:2

Epalati asiyama A꞉iblahamtapo ya꞉ta opahale dla tepo pumama alisisi halopo pualeye alumale 10 dulu dla kolumtapame kolumale hatlope tlo Melkisedek watle hamiwapo. Melkisedek hi ya꞉ dulu kokoye ka꞉depo hallowe dokopala oplami. Epame Salem hi ya꞉ dulu kokoye sadle. Epapedeme ya꞉tapo sadle dokopala oplami haluwapo.

Yeims 1:22

Epapedeme wua꞉ God yu dalepame ya꞉ta atla koko eye halomha꞉ha꞉iya. Adipalati, wua꞉ God yu dalepame ya꞉ta atla koko e pohalomalalo ha꞉ha꞉lepiye, wua꞉ wuskamu elemala natimha꞉ha꞉mama apelepe.

Yeims 2:19

Epedeme wa꞉ta God hatlo dla mikadepe demde deye e ka꞉pipo. Amasiyama bataliya yimlala mape God hatlo medla mikadepe demama wowota꞉mdepo.

1 Pita 2:24

Epedeme Kelisotapo di batalimale hapuloma halopame dali yekelemhimili di dla eluwapo, ditapo batalimale koko hapuloma halomha꞉ha꞉ye memelepame matle God mila꞉pi tle ka꞉ka꞉dle koko tlo halomha꞉ha꞉lepo depame. Epapedeme ya꞉ moto dla ulu hutiye wotiyalletapo wua꞉ye ma-ka꞉ka꞉duwapo.

1 Yon 2:1

Na꞉ mamadulo namkadulo, wua꞉tapo batalimale koko dulu dla tutula꞉lala depame yu ilimale iye wua꞉ watle hamima. Amasiyama wua꞉ dulu dla haleta batalimale koko dulu dla tullupiye, wua꞉ malamaiya, oplami haletapo dia꞉ tiyama tle halemama God dla dia꞉ yilo otele himhalapo, eye ka꞉dle oplami Yesu Kelisopo.

1 Yon 2:26

Epapedeme opa opitapo biskapa imale koko hamsiyamalati na꞉tapo wua꞉ watle yia꞉ kokoye ilipo hamima.

1 Yon 2:29

Di Godye isikimi ka꞉ka꞉dle koko tlo halomhalemde dlepiye, eta di malamelepe, ka꞉ka꞉dle koko halomalalo soye God ya꞉ akimlalapo.

1 Yon 3:18

Na꞉ mamadulo namkadulo, poka꞉dena, ditapo isikimi di mati tle ya꞉mkale bokotiyapo malamolowe kokoye atlamha꞉ha꞉loweye. Amasiyama ka꞉dena, ditapo ya꞉mkale bokotiyapo malamolowe koko ikadepeye moto mate nati-imha꞉ha꞉loweye.

1 Yon 3:3

Epedeme koko hema opa anawolotapo dalemha꞉ha꞉mama omha꞉ha꞉ma꞉, ka꞉dena, yia꞉ta ullu pa꞉po Keliso some ha꞉ha꞉loweye.

1 Yon 4:17

Ditapo wowota꞉le pa꞉po itiyamale mate Godta koko gladlowe alila dla ha꞉ha꞉lepo depame ya꞉tapo bokotiyapo malamale kokoye dia꞉ dulu dla ma-ala꞉po himiwapo. Adipalati, dia꞉ye Keliso some ta꞉lamo hema ha꞉ha꞉po.