1 Yon 2:5 - Kamula

⁵ Amasiyama oplami antapo Godta molo atlale yu dla salladepo sela꞉lepiye, epapele oplamitapo ya꞉ dupa dulu tle God sikemte malamolowe kokoye pato elapo. Epame di ipapele koko tle dita ikadepe God mate hatlope dle kokoye malamdepo.

1 Yon 2:5 Iomraidhean Croise

Ka꞉dle molo atlale yu Lukta ilimale 11:28

Amasiyama Yesuta ya꞉ watle epo atlaiyo, “Hao, namkale, koko pe-epo elasema. Opa anawolotapo God yu dalepame salladepo siyama꞉, ewolo dla Godtapo siyele hapimhalapo,” diyo.

Ka꞉dle molo atlale yu Yonta ilimale 14:21

Epedeme oplami antapo na꞉ta molo atlale yu dla dalepame salladepo sela꞉lepiye, oplami etapo na꞉ye sikemte malahalapo. Epame na꞉ dla sikemte malahalalo oplami dla asiyama na꞉ Atapo ya꞉ye sikemte bokotiyapo malamhalapo. Epame na꞉ mape ya꞉ye sikemte bokotiyapo malamhalapo. Epame na꞉tapo ya꞉ dla na꞉ kokoye nati-iliwepo.”

Ka꞉dle molo atlale yu Yonta ilimale 14:23

Amasiyama Yesutapo asiyama epo atlaiyo, “Oplami antapo na꞉ye sikemte malahallepiye, ya꞉ na꞉ta imale koko dla ma salladepo sela꞉lepe. Epalati na꞉ Atapo ya꞉ye sikemte bokotiyapo malamhallepe. Epame na꞉ mate epo na꞉ A mate ya꞉ hala dla puame yimkata ya꞉ mate ha꞉ha꞉lepe.

Ka꞉dle molo atlale yu Yonta ilimale 15:5

Epedeme na꞉ye dlomoko dalipo. Epalati wua꞉tapo dlo ha꞉ha꞉po. Epapele dulu dla oplami antapo na꞉ dla puame gugoudepo hallepiye, na꞉ mape ya꞉ mate gugoudepo hallowepo. Epame ya꞉ dlomoko ma sikemte milipe. Amasiyama wua꞉ na꞉ dimi ha꞉ha꞉lepiye, wua꞉ isikimi koko pa꞉le ha꞉ha꞉lepe.

Ka꞉dle molo atlale yu Yonta ilimale 6:56

Epapele dulu dla opa anawolotapo na꞉ mo mate epo na꞉ omali mate dlomha꞉ha꞉ma꞉, yia꞉ye na꞉ dulu dla ha꞉ha꞉po. Epalati na꞉ mape yia꞉ dulu dla halapo.

Loum 8:1

Epapedeme opa anawolotapo Yesu Keliso dulu dla ha꞉ha꞉ma꞉, Godta yia꞉ watle yia꞉ batalimale asiyama poloweye pohamilowa.

1 Kolin 1:30

Hatlo Godta koko halë tle wua꞉tapo Yesu Keliso dulu dla ha꞉ha꞉po. Epame Godtapo Kelisoye dita ka꞉depo malamalalo sitali duwapo. Epame ma ya꞉tapo dia꞉ye ullu pa꞉talo so depame ka꞉ka꞉dena duwapo. Adipalati, Kelisotapo di batalimale yilo popame ma dia꞉ye God hala dla eleme puwapo.

2 Kolin 5:17

Epedeme oplami antapo Yesu Keliso dla mikadepe dlepiye, ya꞉ye ma-oplami amko depo. Ya꞉ta ka꞉yapa haluwa pasakalo takalaye ma-hamastlati ma asiyama pasakalo amkota ya꞉ dla mo-puwapo.

2 Kolin 5:21

Epapedeme Kelisotapo batalimale koko hale pohana. Amasiyama Godtapo ya꞉ye di batalimale asiyama dla ya꞉ta halepo duwapo, ditapo God mila꞉pi tle ullu pa꞉po ha꞉ha꞉lepo depame.

Yeims 2:22

Epapedeme wua꞉ natiya. A꞉iblahamtapo mikadepe dle mate epo moto mate koko halë matetapo woloma ka꞉pi ala꞉po eluwapo. Epame ya꞉ta moto mate koko halëtapo ya꞉ta mikadepe dleye ka꞉pi duwapo.

1 Yon 3:24

Opa anawolotapo Godta molo atlale yu dolumha꞉ha꞉ma꞉, yia꞉ye ya꞉ mate hatlope depo ha꞉ha꞉po. Epame asiyama ya꞉ye yia꞉ mate hatlope depo halapo. Di ma dimalamana, Godye dia꞉ mate hatlope depo halapo. Adipalati, ya꞉tapo ya꞉ Hela꞉dle Sokoye di watle hamiwapo.

1 Yon 4:17

Ditapo wowota꞉le pa꞉po itiyamale mate Godta koko gladlowe alila dla ha꞉ha꞉lepo depame ya꞉tapo bokotiyapo malamale kokoye dia꞉ dulu dla ma-ala꞉po himiwapo. Adipalati, dia꞉ye Keliso some ta꞉lamo hema ha꞉ha꞉po.

1 Yon 4:18

Amasiyama di Godta di watle di batalimale asiyama hamilowe dla wowota꞉mha꞉ha꞉lepiye, ya꞉ta bokotiyapo malamaleye dia꞉ dla ala po-ala꞉po halasema. Adipalati, bokotiyapo malamale dulu dla wota꞉le kokoye hawa. Epame bokotiyapo malamale kokotapo wota꞉le kokoye yumhalapo.

1 Yon 5:2

Di God sikemte malaha꞉ha꞉mama ya꞉ta molo atlale yu dla salladepo siyamelepiye, eta dita God ya꞉ akimlala dla bokotiyapo malaha꞉ha꞉ kokoye nati-imama apelepe.

1 Yon 5:20

Epame di ma dimalamana, God Yamitapo mo-puwapo. Epame ya꞉tapo di watle ka꞉depo malamaleye ma-hamiwapo, ditapo ikadepe God koko tlo malastlepo depame. Epedeme ditapo ikadepe God mate epo Yami Keliso mate hatlope depo ha꞉ha꞉po. Epedeme Yesuye ikadepe Godpo. Epapedeme ya꞉ dla halepo halepo hallowe pasakalo kokoye elapo.

2 Yon 1:6

Epapedeme bokotiyapo malamale ya꞉ dulu kokoye ipo. Ditapo Godta molo atlale yuye woloma dolumha꞉ha꞉loweye. Adipalati, ka꞉dena, wua꞉tapo God sikemte malamale mate ha꞉ha꞉mama ya꞉mkale asiyama bokotiyapo malama ya꞉mkale asiyama bokotiyapo malama demha꞉ha꞉loweye. Epedeme wua꞉ ka꞉yapa koko iye ma-daluwapo.

Bobotimatimale 12:17

Epalati Ilamatapo a꞉ya dla sikemte siyaladepame tame a꞉ya yimlala opi dla opahale ta꞉duwa. A꞉ya i ya꞉ yimlalaye Godta molo atlale yu dolumha꞉ha꞉mama Yesuta imale kokoye sikemte kikitilata hohopo ha꞉ha꞉lalo sopo.

Bobotimatimale 14:12

Ipapele koko natimama God ya꞉ opa Yesu dla mikadepe dlalo sotapo mikadepe dle dulu dla woloma kokalepo ha꞉ha꞉lowe ka꞉pi.”