1 Timoti 4:14 - Kamula

¹⁴ Epame sos dokopala sotapo wa꞉ dokopala dla hamame inoma sumama wa꞉ watle molo atlale oloma dla Hela꞉dle Sokota wa꞉ watle hamili oko hamiwa eye woloma itiyamale mate hamhalane.

1 Timoti 4:14 Iomraidhean Croise

Taiya dle so 11:30

Epame Banabas mate Sol mate watle hamilati yia꞉tapo Yelusalem sos dokopala so watle mani eye hamtaiyo.

Taiya dle so 13:3

Epalati yia꞉ta daya aiyalma depo ha꞉ha꞉po gudepame Banabas mate Sol mate dota hohopo inoma supame God oko dla taiya diyo.

Taiya dle so 19:6

Epame Polota yia꞉ dokopala dla hohopame inoma sumalati Hela꞉dle Sokota yia꞉ dla malaiyo. Epalati yia꞉tapo ulugiyemale yu meyelope meyelope dle mate yuhamyemama amile kokoye momolo atlamyaiyo.

Taiya dle so 22:5

Epapedeme aiyalma aya dokopala oplami mate Yu so dokopala so mate na꞉ koko iye me-yia꞉malamana. Adipalati, yia꞉tapo mikadepe dle so Damasko dla ha꞉ha꞉laloye hohopame amtuwale aya dla ka꞉ka꞉timelepo depame na꞉ watle yu ilimale hapimama epo atluwa, ‘Wa꞉ tame Damasko dokopala so dla yu ilimale i hapipame mikadepe dle so hohopo Yelusalem dla elempuane,’ duwa.

Taiya dle so 6:6

Yia꞉ opa 7 iwolo hohopame Taiya dle so hala dla elempuaiyo. Epalati Taiya dle sota opa iwoloye dokopala dla hohopo inoma sumaiyo.

1 Tesalonika 5:19

Epapedeme wua꞉ Hela꞉dle Soko okoye humatlemiya.

1 Timoti 1:18

Na꞉ maseyemala Timoti, God tle yu hapame molo atlamalalo sotapo wa꞉ watle yu hamiwaye malamane. Epedeme na꞉ mape yia꞉ta yu hamili malamama na꞉ta yu ilimale iye wa꞉ watle hamipo. Epedeme wa꞉tapo yu eye woloma kokata hamame halemama ka꞉dle yu yilo itiyamale mate opahale dene.

1 Timoti 4:15

Wa꞉ opa hapuloma mila꞉pi tle halemama na꞉ta atlama koko hapuloma iye woloma dolumhalane. Epame oko itiyamale mate hane, opata wa꞉ koko natipame ka꞉dena dlepo depame.

1 Timoti 5:17

Epedeme wua꞉ God yu buka dla yu hutiye iye daliya. “Wua꞉ bulumkiyawa aliyata oko hamsela꞉mama daya dlala depame ya꞉ matiye deata ketopolomiya.” Epame God yu bukata ma epo atlapo, “Ka꞉dena, oko halalo oplamitapo ya꞉ oko asiyama halowe ka꞉pi.” Epapedeme sos dokopala sotapo wua꞉ dla God yu imha꞉ha꞉mama oko pato hamdepo. Epedeme wua꞉ yia꞉ yu dla heodepame yia꞉ye woloma omha꞉ha꞉mama yia꞉ oko asiyama ma hapimha꞉ha꞉iya.

1 Timoti 5:19

Epame oplami hatlota puame wa꞉ watle atlemama, “na꞉ sos dokopala oplamita batalimale koko hamhala nati” dlati wa꞉ yipta ya꞉ yu dla dalepame mikadepe demiya. Amasiyama opa pasataletapo puame wa꞉ watle atlepiye, eta yia꞉ yu dla mikadepe dlepe.

1 Timoti 5:22

Epame wa꞉ hahapila꞉le mate opaye sos dokopala ha꞉ha꞉lepo depame hapele huhulupo yia꞉ dokopala dla do mate hohopo inoma suma demhalemiya. Epame opa opita batalimale koko dulu dla tullati wa꞉ mate tuludemhalemiya. Amasiyama wa꞉ wa꞉skamu wa꞉ motota batalimale koko dla tullala depame hamalalo halane.

1 Timoti 6:12

Epedeme Godta wa꞉ sisilamuwa kokó halepo halepo hallowe pasakalo e halowedeme woloma mikadepe dle koko dulu dla kokalepo halemama opahale dene. Adipalati, wa꞉tapo opa hapuloma mila꞉pi tle halemama wa꞉ta God dla mikadepe depo hallowe koko atlati Godtapo pasakalo eye wa꞉ watle hamilowedeme ma-sisilamuwapo.

2 Timoti 1:6

Epapele koko tle na꞉ta wa꞉ dla atlema. Adipalati, na꞉ta wa꞉ dokopala dla do mate hamame inoma sumalati Hela꞉dle Sokota wa꞉ watle oko hamiwaye, woloma itiyamale mate oko eye hamtane.