1 Timoti 3:2 - Kamula

² Epapedeme ka꞉dena, sos dokopala oplamitapo ka꞉depo hallalo oplami halemama a꞉ya hatlope tlo hamhallepe. Epame ya꞉ye ya꞉skamu ya꞉ moto hamalalo oplami hallepe. Epame ya꞉ye sadle oplami hallepe. Epame asepe so dla namkale dlalo oplami hallepe. Epame ka꞉dle yuye ka꞉pi imalalo oplami hallepe.

1 Timoti 3:2 Iomraidhean Croise

Ka꞉dle molo atlale yu Lukta ilimale 1:6

Epapeleye Sekalaya mate Elisabet mate God mila꞉pi tle woloma ka꞉ka꞉depo ha꞉ha꞉mama Godta molo atlale yu woloma dolumha꞉ha꞉iyo.

Ka꞉dle molo atlale yu Lukta ilimale 2:36

Oloma edla God tle yu hapame molo atlalo a꞉ya hale aiyalma aya dulu edla halaiyo, ya꞉ hiye Ana. Ya꞉ Asel elele halë a꞉yayo. Epame ya꞉ a hiye Panuwel. Ya꞉ ma-alluyemala halaiyo. Ya꞉ ka꞉yapa oplami hapame sokomoko 7 dulu dla oplami mate halepo depame ya꞉wolaliye mo-powaiyo.

Loum 12:13

Epapele dulu dla mikadepe dle sotapo adipo kokalle koko dulu dla tulume ha꞉ha꞉lepiye, wua꞉ yia꞉ye gadlepe. Epame mikadepe dle sota asepe pulati yia꞉ye woloma gadlepe.

Pilipi 2:15

Adipalati, wua꞉ta epapele koko pohalomalalo ha꞉ha꞉lepiye, eta wua꞉ye God ya꞉ akimlala depame ullu pa꞉le ikadepe ka꞉ka꞉dle so dlepe. Epame dulu edla wua꞉tapo ta꞉lamo hema ha꞉ha꞉mama batalimale so dulu dla tamili some salempopa꞉lepe.

1 Timoti 3:12

Epapele dulu dla dikon so opaye ka꞉dena, wola꞉ hatlo halopo ha꞉ha꞉loweye. Epame yia꞉ ka꞉dena, yia꞉ wola꞉ mate epo yia꞉ yimlala mate woloma ka꞉pi omha꞉ha꞉loweye.

1 Timoti 3:8

Dikon so mape ka꞉ka꞉dle so opata ha꞉ha꞉lowe ka꞉pi, opatapo yia꞉ natipame ka꞉dena dlepo depame. Epapedeme yia꞉ ka꞉dena, alila hapuloma dulu dla woloma ikadepe koko tlo atlamha꞉ha꞉loweye. Epame yia꞉ poka꞉dena, kawata yú dlopo yiyilamha꞉ha꞉loweye. Epame yia꞉ poka꞉dena, mani ma sikemte solotamha꞉ha꞉loweye.

1 Timoti 4:3

Epame yia꞉tapo wola꞉ halomolowe mate epo dlowe alisisi opi dlowe mate aiyalma demdepo. Amasiyama Godtapo dlowe alisisi hapulomaye mimita꞉puwapo, ditapo delepo depame. Epedeme ka꞉dena, mikadepe dle sotapo dlowe alisisi e dlowedeme ka꞉yapa God dla inoma sumale mate siyele yu atlowe ka꞉pi.

1 Timoti 5:10

Epame yia꞉ye opa hapulomata ka꞉ka꞉dle koko halomalalo so dlalo wola꞉. Epame yia꞉ye yia꞉ yimlala woloma ka꞉pi omha꞉ha꞉lalo wola꞉. Epame yia꞉ye asepe so gadlalo wola꞉. Epame yia꞉ye mikadepe dle so opi dla salladle oko halalo so wola꞉. Epame yia꞉ye wotiyalle dulu dla ha꞉ha꞉lalo so gadlalo wola꞉. Epame yia꞉ye ka꞉ka꞉dle koko hapuloma halomalalo wola꞉. Epapele sepeyamatalo so hi tlo halomolowe ka꞉pi.

1 Timoti 5:22

Epame wa꞉ hahapila꞉le mate opaye sos dokopala ha꞉ha꞉lepo depame hapele huhulupo yia꞉ dokopala dla do mate hohopo inoma suma demhalemiya. Epame opa opita batalimale koko dulu dla tullati wa꞉ mate tuludemhalemiya. Amasiyama wa꞉ wa꞉skamu wa꞉ motota batalimale koko dla tullala depame hamalalo halane.

1 Timoti 5:9

Epedeme sos dulu dla mikadepe dle sotapo sepeyamatalo woloma gadlepo depame wa꞉ta yia꞉ hi halomama isikimi ipapele sepeyamatalo so wola꞉ hi tlo halomelepe. Sokomoko 60 mo-tla꞉mtame ha꞉ha꞉ so, epo isikimi oplami hatlo tlo halomale so.

2 Timoti 2:24

Epapedeme God ya꞉ oko oplamitapo yu potopulolemhallowa. Amasiyama ya꞉tapo opa hapuloma mate woloma sadepo halemama pakasiyamalalo posiyalademhallowa. Epame ya꞉ye woloma ka꞉depo imalalo oplami hallepe.

Taites 2:2

Epammama wa꞉ toto opa imane, yia꞉tapo sadepo ha꞉ha꞉mama yiskamu yia꞉ moto hohomalalo so depo ha꞉ha꞉lepo depame. Epame yia꞉ imane, yia꞉tapo mikadepe dle dulu dla kokalepo ha꞉ha꞉mama opa hapulomaye sikemte bokotiyapo malamha꞉ha꞉lepo depame. Epame yia꞉tapo wotiyalle koko dulu dla kokalepo ha꞉ha꞉lepo depame. Yia꞉ta epo ha꞉ha꞉lepiye, eta opatapo yia꞉ye ka꞉ka꞉dle so dlepe.

Hibulu 13:2

Epame yimkadulo asepe so mape gademha꞉ha꞉lowe koko ma welimiya. Adipalati, opa opitapo ka꞉yapa epo asepe so gagademha꞉ha꞉mama God ya꞉ banakaka so ikadepeye yia꞉ta malamaleta semte opa ikadepe tepo depame yia꞉ aya dla eleme hetauwapo.

Hibulu 3:14

Epapele dulu dla dita ka꞉yapa mikadepe depame itiyamale mate ha꞉ha꞉uwa me-emte mosukulu dla tame gudlepiye, eta dia꞉ye Keliso mate hatlope depo ha꞉ha꞉mama apelepe.

1 Pita 4:7

Ta꞉lamo koko hapulomata puame gudlowe alilaye mo-mateka꞉pi halapo. Epapedeme wua꞉ woloma ka꞉dle malamale mate ha꞉ha꞉mama God dla inoma sumha꞉ha꞉iya.

1 Pita 4:9

Epame wua꞉ dupa dulu upiyele mate wua꞉ amkaduloye wua꞉ aya dla elemheta demha꞉ha꞉miya. Amasiyama siyele mate yia꞉ye elemhetame daya ilima demha꞉ha꞉iya.

1 Pita 5:8

Epedeme wua꞉ wolomape, wua꞉ wuskamu woloma omha꞉ha꞉iya. Adipalati, wua꞉ dla opahale dlalo oplami Saitenye wua꞉ podlowedeme alikili tle layon esemala some siyaladepo sela꞉po.