1 Timoti 1:8 - Kamula

⁸ Amasiyama dimalamana, dita aiyalma koko eye woloma ka꞉dle api tle imelepiye, eta aiyalma koko eye woloma ka꞉pi ellepe.

1 Timoti 1:8 Iomraidhean Croise

Loum 12:2

Epapedeme wua꞉ ta꞉lamo kokota wua꞉ta malamaleye meyelope de demiya. Amasiyama Godta wua꞉ta malamaleye meyelope de diya. Wua꞉ta epapelepiye, eta wua꞉ Godta solotamale kokoye sikemte malastlepe. Epame wua꞉ dla ka꞉dle koko malamolowe mate epo ya꞉ dla siyele hamilowe koko mate epame ka꞉depo hallowe koko mateta hutiyelepe.

Loum 7:16

Epame na꞉ na꞉ta koko halomhala iye batalimale koko depame sikemte wota꞉lepiye, eta aiyalma kokoye ka꞉pi dlepe.

Loum 7:18

Epedeme na꞉ batalimale oplami, ka꞉dle koko haletapo na꞉ dulu dla pe-elasema. Na꞉ solotamdepo, ka꞉ka꞉dle koko tlo halomolowedeme, amasiyama na꞉ koko iye pohalomasemde.

Loum 7:22

Amasiyama epapele dulu dla na꞉ na꞉ dupa dulu tle Godta aiyalma hatitimaleye ka꞉pi demde.

Galasiya 3:21

Epedeme aiyalma kokotapo Godta yu itiyapo himili koko mate opahale demhalema꞉? Hao, pe-epapesemde. Amasiyama aiyalma kokotapo di watle ikadepe pasakalo hallowe hamimatiye, eta dita aiyalma koko dolumha꞉ha꞉lati Godta dia꞉ye ya꞉ mila꞉pi tle ullu pa꞉talo so dlemla. Amasiyama pe-epapena.

2 Timoti 2:5

Epame wa꞉ ma natine, kukullalo oplamitapo kukulli dulu dla ya꞉ta yimkadulo tla꞉mtlowedeme solotamama aiyalma hapulomaye woloma ka꞉pi dolumdepo.