1 Tesalonika 2:8 - Kamula

⁸ Adipalati, dita wua꞉ye bokotiyapo malamale tle hatlo God tle puale ka꞉dle yuye wua꞉ dla pohampuana, hao. Di pasakalo mape wua꞉ dla hapilowedeme puwapo. Ame adipalati, wua꞉ye dita sikemte malaha꞉ha꞉ sopo.

1 Tesalonika 2:8 Iomraidhean Croise

Ka꞉dle molo atlale yu Lukta ilimale 7:2

Kapaniyem mo edla Loum opahale so omhallalo oplami halaiyo. Epeleye oloma edla ya꞉ oko oplami haleta a꞉mhalemama mo-polowe mateka꞉pi dla halaiyo. Amasiyama ya꞉ta ya꞉ oko oplami itlo sikemte malamdiyo.

Loum 1:1

Na꞉ye Polo, Yesu Keliso ya꞉ oko oplamipo. Epedeme Godtapo na꞉ye tane dle oplami hi hamipame na꞉ watle ya꞉ tle pua ka꞉dle yu atlamsela꞉lepo depame ma sauwapo.

Loum 10:1

Epedeme mikadepe dle so namkadulo, na꞉tapo na꞉ dupa dulu tle Isalael so yilo sikemte inoma sumale pato himhalemde, yia꞉tapo pasakalo gadle halepo depame.

Loum 15:29

Epedeme na꞉malamana, na꞉ta wua꞉ta hala dla pulupiye, Kelisota di watle siyele pato hamilipe.

2 Kolin 12:15

Epapedeme na꞉ sikemte solotama, na꞉ dla hutiye alisisi mate epo na꞉ moto mate wua꞉ yilo oko dla himilowedeme. Na꞉tapo wua꞉ye sikemte bokotiyapo malamhalapo. Ame wua꞉ adipalati na꞉ye pase bokotiyapo malamalalo ha꞉ha꞉ma꞉?

2 Kolin 6:1

Epedeme ditapo yimkata God mate oko hamha꞉ha꞉mama wua꞉ dla otele himima, Godta bokotiyapo malamale wua꞉ta hamuwatapo isikimi koko pa꞉le ellala depame.

Galasiya 4:19

Mikadepe dle so namkadulo, na꞉ta wua꞉ye mamisika꞉ Keliso some ha꞉ha꞉lepo depame wua꞉ gadlowe yilo a꞉yata owayemala hammama wotiyalle hamdiye, epo amma.

Pilipi 1:8

God ya꞉malamana, na꞉ta wua꞉ natilowedeme solotamale pato himme hala kokoye. Adipalati, na꞉tapo wua꞉ye Yesu Kelisota bokotiyapo malamale mate wua꞉ye sikemte malahalema.

Pilipi 2:17

Wua꞉ta mikadepe dleye alinepi poyupo God dla hapimdiye epapele some halapo. Epapedeme e tama di tle opata na꞉ yumpo na꞉ omaliye simelepiye, ka꞉dena. Adipalati, epapele koko dla na꞉tapo ka꞉dena demama wua꞉ mate hatlo siyepo.

Pilipi 2:20

Epele dulu dla na꞉ dla wua꞉ gadlowe oplami hale hawa ikadepe, hatlo Timotipo. Hatlo ya꞉tapo wua꞉ gadloweye sikemte solotama.

Pilipi 4:1

Namkadulo, na꞉ wua꞉ sikemte malamama wua꞉ tame natilowe solotama. Epame wua꞉ta na꞉ dla siyele pato hamima. Epedeme wua꞉ Lod dulu dla ha꞉ha꞉mama woloma kokalepo ha꞉ha꞉iya.

Kolosi 1:28

Epedeme ditapo malamale ka꞉dle mate Keliso kokoye opa hapuloma dla imsiyamama molo atlamsiyamapo, yia꞉tapo Keliso dulu dla ikadepe opa depo ha꞉ha꞉lepo depame.

Kolosi 1:7

Epedeme wua꞉tapo ka꞉dle yuye dita sikemte malamalalo oplami Epaplas tle ma-daluwapo. Oplami itapo yimkata dia꞉ mate Lod okoye hamdepo. Epedeme ya꞉tapo wua꞉ gadlowedeme wua꞉ dulu dla Keliso okoye ka꞉pi hauwapo.

Kolosi 4:12

Epalati wua꞉ abo oplami Epaplas mape ya꞉ta namkale dle yuye wua꞉ dla hamima. Oplami i mape Keliso ya꞉ oko oplamipo. Epedeme ya꞉tapo wua꞉ yilo inoma sumale pato himhalemde, wua꞉tapo Keliso dulu dla kokalepo ha꞉ha꞉mama ikadepe opa depo ha꞉ha꞉lepo depame. Epame wua꞉tapo Godta solotamale koko hapulomaye malastlepo depame.

Palimon 1:1

Na꞉ye Polopo, Yesu Keliso koko yilo amtuwale aya dulu dla hallalo oplamipo. Na꞉tapo di ei Timoti mate yu ilimale iye hamima. Ditapo diamkale dia꞉ mate oko hatlo halalo oplami Palimon wa꞉ dla epame mikadepe dle so wa꞉ aya dulu dla inoma sumalalo so dla yu ilimale iye hamima. Epame yu ilimale hatlo iye di nana Apiya wa꞉ mate epame ka꞉dle yu yilo kokalepo hallalo oplami Alkipus wa꞉ mate dla ma hamima.

Hibulu 13:17

Epedeme wua꞉ sos dokopala so yu dla salladepame siyamama yia꞉ yu dla hutullu dle mate ha꞉ha꞉iya. Adipalati, yia꞉tapo wua꞉ pasakalo omha꞉ha꞉lalo ha꞉ha꞉po. Epame mosukulu alila dla yia꞉tapo wua꞉ omha꞉ha꞉uwa kokoye woloma God dla bobotimatimelepe. Epapele koko tle yia꞉tapo siyele mate yia꞉ oko woloma ka꞉depo halomelepo depame wua꞉tapo yia꞉ yu dla salladle mate siyamaiya. Amasiyama wua꞉ta pe-epapalalo wekelepiye, asiyama yia꞉tapo upiyele mate ha꞉ha꞉mama wua꞉ye woloma pogadlowa.

1 Yon 3:16

Epapedeme di ipapele koko tle ikadepe bokotiyapo malamolowe kokoye malamapo. Yesu Kelisotapo dia꞉ yilo ya꞉ pasakaloye polowe dla himiwapo. Epedeme di ma ka꞉dena, dita diamkadulo mikadepe dle so yilo di pasakaloye alikili dla hatitimoloweye.