1 Pita 2:6 - Kamula

⁶ Epedeme God yu bukata epo atlapo, “Na꞉ta sale alumitiye Sayon mo dla hitomollowepo. Amasiyama oplami antapo ya꞉ dla mikadepe dlepiye, ya꞉ wota꞉le ponatimhallowa,” depo.

1 Pita 2:6 Iomraidhean Croise

Yeneses 49:24

Amasiyama epapele tlope wa꞉tapo woloma kokalepo halemama to hinale tlo woloma kokata hama demhallepe. Adipalati, Yokob ya꞉ God itiyamaletapo wa꞉ gadlepe. Ame adipalati, Godtapo aliya halo omhallalota ya꞉ aliya woloma omhalemdiye, epapele some wa꞉ye omhallepe. Ya꞉ye Isalael so yia꞉ molopa kestale depo halapo.

Ma꞉tiyu 12:18

“Na꞉ oko oplami natiya. Ya꞉ye na꞉ta sale oplamipo. Na꞉ ya꞉ye sikemte malamama ya꞉ dla siyema. Na꞉tapo na꞉ Sokoye ya꞉ watle hamilowepo. Epalati ya꞉tapo ikadepe kokoye po-Yu so hapuloma dla atlamelepe.

Maka 12:10

Epedeme wua꞉ God yu bukata atlama kokoye posesa꞉lalo wekemdi? Adipalati, edla ipo atlapo, ‘Aya halalo sota alumiti allimama alumiti hamastaletapo ma wata aya duka dla molopa kestale some halapo.

Ka꞉dle molo atlale yu Lukta ilimale 20:17

Amasiyama Yesuta yia꞉ dla omhalemama epo atlaiyo, “Ame adipalati God yu bukata ipo atlema꞉? ‘Aya halalo sota alumiti allimama alumiti hamastaletapo ma aya duka dla molopa kestale some halapo.’

Ka꞉dle molo atlale yu Lukta ilimale 23:35

Opa hapulomatapo alikili tle omha꞉ha꞉lati Yu so dokopala sota Yesuye tepelemale mate tetlemyemama epo atlamyaiyo, “Ya꞉ opa opi tlo gagademsela꞉mduwapo. Epedeme ya꞉ye ikadepe Godta sale oplami Keliso dlepiye, ya꞉ ya꞉skamu ya꞉ gadlowe ka꞉pi,” demyaiyo.

Ka꞉dle molo atlale yu Yonta ilimale 7:38

Epame God yutapo epo atlapo, ‘Oplami antapo na꞉ dla mikadepe dlepiye, pasakalo halemhala yútapo ya꞉ dulu tle alowamhallepe.’”

Taiya dle so 1:16

“Mikadepe dle so namkadulo, na꞉ta wua꞉ watle Yudas kokoye atlowepo. Ya꞉ye di alumale dulu dla dia꞉ mate oko hatlo hamsela꞉uwapo. Epapele tlope ya꞉tapo Yesuye opahale so dla hamame iwapo. Epalati asiyama aiyalma aya dokopala sota ya꞉ watle mani hamiwapo. Epalati Yudastapo mani e hamtame ta꞉la hauwapo. Epedeme ya꞉ ta꞉la edla tame teyumama kokota hopostepo elepalota gowala tulumama pouwapo. Epalati Yelusalem so hapulomata koko i dalepo, ta꞉la iye yia꞉ yu mate hi ipo sauwapo, ‘Akeledama.’ Hi i ya꞉ dulu kokoye omali ta꞉la demama apopo. Epapedeme God yu bukata atlale yuye mo-mikadepe duwapo. Adipalati, Hela꞉dle Sokota imale tle Deibidita Yudas kokoye mo-powataliya God yu buka dla ilimuwapo. Epapele tle ya꞉ Sam buka dla yu eye ipo ilimuwapo, ‘Ya꞉ ayata aya siyapo hallepe, oplami haleta pohallowa.’ Epame ma epo ilimuwapo, ‘Oplami haletapo ya꞉ oko ipiye halepe.’”

Loum 10:11

Adipalati, God yu bukatapo epo atlapo, “Oplami antapo Keliso dla mikadepe dlepiye, ya꞉ wota꞉le ponatimhallowa,” depo.

Epeses 1:4

Ta꞉lamo ala pohallalo hallati ya꞉tapo dia꞉ye mo-hohomuwapo, ditapo Keliso dulu dla ha꞉ha꞉mama ya꞉ mila꞉pi tle batalimale pa꞉po aiyalma depo ha꞉ha꞉lepo depame.

Epeses 2:20

Epedeme wua꞉ye Godta aya halë some halapo. Epapedeme aya hema Taiya dle so mate epo God tle yu hapame molo atlamalalo so opa matetapo saka some ha꞉ha꞉po. Epalati asiyama Yesu Keliso meyelo molopa kestale alumiti some halapo.

2 Timoti 3:16

Epedeme God yu bukaye, e God yu ikadepepo. Epapedeme God yu bukatapo opaye imhalemama opata api hotlati matle ikadepe api dla elempua demhalapo. Epame God yu bukatapo opata ka꞉depo ha꞉ha꞉lowe kokoye imhalapo, God ya꞉ opata ka꞉ka꞉dle koko siyapo tlo halomha꞉ha꞉lowe ala꞉po ha꞉ha꞉lepo depame.

1 Pita 2:4

Wua꞉ Yesu Keliso hala dla puaiya. Adipalati, ya꞉ye pasakalo halemhala alumitipo. Epame Godtapo ya꞉ye solotapame sale oplamipo. Epapele tlope opatapo ya꞉ye alimama hamastauwapo.

1 Pita 2:8

Epame God yu bukata ma epo atlapo, “Opatapo alumiti edla kustamtame teteyumha꞉ha꞉lepe,” depo. Epedeme opata God yu dla allimama posalladlalo siyama koko tle yia꞉tapo alumiti hema kustamtame teteyumha꞉ha꞉lepe. Eye Godtapo yia꞉ dla mepapelepo depame dinapopo himili kokopo.

2 Pita 1:20

Epedeme koko patoye ipo elapo. Oplamitapo isikimi ya꞉ta itiyamale tle God yu buka dla molo atlale yu gladloweye po-ala꞉na.

2 Pita 3:16

Epedeme ya꞉tapo yu ilalimale hapuloma dulu dla koko hatlo metlo ilalimuwapo. Amasiyama koko opi Polota ilalimale dulu dla kokalalimale ma me-hutiyepo. Epedeme koko yeitamale so mate epo malamale tatlamale so matetapo Polota yu ilalimale ya꞉ dulu kokoye batalipo hukulumdepo. Epame God yu opi mape mepo batalipo hukulumdepo. Epapele koko tle yiskamu miyelo yia꞉ dla koko gladleye hame pumdepo.