1 Pita 2:12 - Kamula

¹² Epedeme wua꞉ alikili so dulu dla ha꞉ha꞉mama woloma ka꞉pi ha꞉ha꞉iya. Epame dulu edla yia꞉tapo wua꞉ye allimama wua꞉ dla batalipo atlamyelati asiyama wua꞉tapo isikimi ka꞉ka꞉dle koko tlo halomha꞉ha꞉iya. Adipalati, yia꞉tapo wua꞉ta ka꞉ka꞉dle koko halomha꞉ha꞉la natili koko tle Godta yia꞉ pasakalo gadlowedeme puluwe oloma edla yia꞉tapo God hiye di dla ta꞉dlepe.

1 Pita 2:12 Iomraidhean Croise

Ma꞉tiyu 10:25

Epapele dulu dla yia꞉ imalalo oplami dla apa kokota woyamelepiye, ya꞉ alotle tlalo so ma ma-dinapopo ha꞉ha꞉lepe, mepapele kokota yia꞉ dla woyamalala depame. Epame dokopala oplami dla apa kokota woyamelepiye, ya꞉ oko halalo oplami ma ma-dinapopo hallepe, ya꞉ dla mepapele kokota woyamalala depame. Epedeme aya ya꞉ ata hi batalimale hapo hallepiye, aya dulu edla ha꞉ha꞉lalo so ma hi batalimale halopo ha꞉ha꞉lepe.”

Ma꞉tiyu 5:11

Epedeme opatapo na꞉ koko yilo wua꞉ putlopame hopolemyemama wua꞉ hi mate mala-atlamyelepiye, wua꞉ sisiyeiya.

Ma꞉tiyu 5:16

Epapele tle ka꞉dena, wua꞉tapo ta꞉lamo so dla hela꞉depo ha꞉ha꞉loweye. Epapelepiye, opatapo wua꞉ta koko ka꞉dle halomha꞉ha꞉ natipame yia꞉tapo wua꞉ A God Pepele di dla hala hi di dla ta꞉dlepe.”

Ma꞉tiyu 9:8

Epame opa hapulomata koko i natipo yiyelepame God hi di dla ta꞉demyaiyo. Adipalati, Godta itiyamale iye opa dla hamili natipame.

Ka꞉dle molo atlale yu Lukta ilimale 1:68

“Isalael so yia꞉ Lod God hi di dla ta꞉diya. Adipalati, ya꞉tapo puame asiyama mate dia꞉ye ya꞉ hala dla elempulupe.

Ka꞉dle molo atlale yu Lukta ilimale 19:44

Epame yia꞉tapo wua꞉ aya dodokotipame opa hapulomaye poyulupe. Epame wua꞉ mo dodokotimale dulu edla ewala haletapo ma woloma yimkadulo tama di dla popopa꞉lowa. Epapedeme ipapele kokotapo woyamelepe. Adipalati, Godtapo wua꞉ gadlowedeme puwaye wua꞉ta e woloma pomalanatina.”

Ka꞉dle molo atlale yu Lukta ilimale 6:22

Epedeme Opa Yami koko tle opata wua꞉ye allimama ayalemyelepiye, wua꞉ sisiyeiya. Epame yia꞉tapo wua꞉ye batalimale so depame wua꞉ putlomyelepiye, wua꞉ oloma edla sisiyele pato mate ha꞉ha꞉iya. Adipalati, Pepele di dla wua꞉ta halowe asiyama patoye wua꞉ hi mate ma-dinapopo elapo. Epapedeme wua꞉ malamaiya, wua꞉ dla wotiyalle hapimha꞉ha꞉ so yia꞉ mamadulotapo ka꞉yapa ha꞉ha꞉uwa God yu molo atlamalalo so dla wotiyalle mepapeleye halopimha꞉ha꞉uwapo.”

Ka꞉dle molo atlale yu Yonta ilimale 13:31

Yudasta ma-alikili a꞉ma ulatale hallati Yesutapo epo atlaiyo, “Epedeme Opa Yamita hela꞉dleye wata mo-botomastapo. Epame Godta hela꞉dleye Yami tle mo-botomastapo.

Taiya dle so 15:14

Saimon Pitata di watle ma-atlalepo, Godta ka꞉yapa po-Yu soye ya꞉ta bokotiyapo malamale tle ya꞉ akimlala depo hohomale kokoye.

Taiya dle so 24:13

Epedeme Yu so hema ha꞉ha꞉ta na꞉ kokoye wa꞉ dla yu meyelope meyelope dle atlamyale hapulomaye pomikadepe.

Taiya dle so 25:7

Epalati opata Poloye koko gladlalo aya dla semhetlati Yelusalem tle pumulale Yu so dokopala sota Poloye hallati alikili tle sillidepo ha꞉ha꞉mama Polo koko dla yu meyelope meyelope dle atlamyemama Poloye pta batalimale oplami demyaiyo. Amasiyama yia꞉ta Polo hi mate yu meyelope meyelope dle atlamyale dulu dla Pestusta ikadepe kokoye ponatiyo.

Taiya dle so 28:22

Amasiyama di solotama, wa꞉ta imsela꞉ kokoye di watle atlamelepo depame. Adipalati, mo hapuloma dulu dla opata imale koko iye allimde,” duwa.

Loum 12:17

Epedeme opa opitapo wua꞉ watle batalimale koko halati asiyama yia꞉ watle batalimale kokoye nati-idemha꞉ha꞉miya. Amasiyama opa mila꞉pi tle isikimi ka꞉ka꞉dle koko tlo halomha꞉ha꞉iya.

Loum 13:13

Epedeme di woloma alila hela꞉dle dla ha꞉ha꞉lalo so some woloma ka꞉depo ha꞉ha꞉lowa. Amasiyama poka꞉dena, ditapo kawata yú dele dulu dla, epo wola꞉ uhalomolowe koko dulu dla, epo yu topulolle mate epo nalatimale koko dulu dla, epo ya꞉mkale ellewe koko dulu dla ha꞉ha꞉loweye.

Loum 14:18

Epedeme oplami antapo Keliso dla salladepo sela꞉mama ipapele koko dulu dla hallepiye, Godtapo oplami edla siyemhalapo. Epame opa opi mape ya꞉ watle ka꞉depo hallalo oplami demha꞉ha꞉lepe.

Loum 15:9

Epame po-Yu sotapo Godta yia꞉ watle bokotiyapo malamale himili koko dla ya꞉ hi di dla ta꞉dlepo depame. Adipalati, God yu bukata epo atlapo, “Epedeme na꞉tapo po-Yu so dulu dla halemama wa꞉ hi di dla ta꞉demhallowepo. Epame sala dodolumhalemama wa꞉ hi tlo di dla ta꞉demhallowepo.”

2 Kolin 1:12

Epedeme di diskamu dita atlama koko hema ikadepe demama epo atlema. Eye ditapo diskamu woloma keketiyapo ha꞉ha꞉mama wua꞉ dulu dla epo opa hapuloma dulu dla ikadepe koko tle Godta solotamale koko tlo ala꞉mha꞉ha꞉uwapo. Dita ipo ha꞉ha꞉uwaye bidulo malamale tle po-apena, amasiyama Godta gadle tle ha꞉ha꞉mama apuwapo.

2 Kolin 13:7

Epedeme di God dla inoma sumale yu himima, wua꞉tapo ma batalimale koko pohalomalalo wekelepo depame. Epapele dulu dla opatapo dia꞉ye ka꞉dena dlepo depame inoma sumale yu iye pohimisema. Amasiyama wua꞉tapo ma woloma ka꞉depo ha꞉ha꞉lepo depo apopo.

2 Kolin 8:21

Adipalati, di solotama, Lodta ka꞉dena dle koko mate epo opata ka꞉dena dle koko mate ala꞉mama mani iye woloma omha꞉ha꞉lowama.

Epeses 2:3

Epedeme ka꞉yapa dita hapulomatapo epapele so some ha꞉ha꞉mama mota solotamale koko halomolowe kokota dia꞉ye dokopala depo haluwapo. Epapele koko tle batalimale sotapo Godta kasilamale umula tamaluwa api edla di ma medla tamaluwapo.

Epeses 4:22

Epapedeme wua꞉ta ka꞉yapa ha꞉ha꞉uwa pasakalo batalimale eye alikili a꞉ma pololiya. Adipalati, pasakalo batalimale epapeletapo wua꞉ye batalimolowedeme eleme tamdepo.

Pilipi 1:27

Epedeme koko patoye ipo, wua꞉ta ha꞉ha꞉le pasakalo dulu dla Keliso ya꞉ ka꞉dle yu mate ala꞉po ha꞉ha꞉iya. Epele dulu dla na꞉ta puame wua꞉ natilowe dla ta꞉, o isikimi na꞉ mo dla halemama dallowe dla ta꞉, na꞉ solotama, wua꞉tapo woloma malamale hatlope depame yimkata opa hapuloma mila꞉pi tle ka꞉dle yu dulu dla kokalepo ha꞉ha꞉lepo depame.

Pilipi 4:8

Epedeme mikadepe dle so namkadulo, na꞉ yu mosukulu dla tamama koko iye wua꞉ watle atlema. Wua꞉ta malamale dulu dla ipapele koko tlo sikemte malamha꞉ha꞉iya. Eye ikadepe kokopo, epo sadepo hallowe kokopo, epo God mila꞉pi tle ka꞉depo hallowe kokopo, epame ullu pa꞉po hallowe kokopo, epame opa dla siyele hamilowe kokopo. Epedeme ipapele koko tlo sikemte momalamha꞉ha꞉iya.

1 Tesalonika 4:12

Wua꞉ta ipapele koko halomha꞉ha꞉lepiye, alikili sota wua꞉ koko natipame ka꞉pi dlepe. Epame wua꞉tapo wuskamu gadlowedeme wua꞉ amkadulo dla pohitaha꞉ha꞉lowa.

1 Timoti 2:2

Epame ka꞉dena, ditapo gamani dokopala so mate epame mo dulu dla itiyamale hohopo ha꞉ha꞉lalo so mateye God dla inoma sumale mate ta꞉ta꞉demha꞉ha꞉loweye. Adipalati, ditapo yimkata sadle dulu dla ha꞉ha꞉mama God mila꞉pi tle ka꞉depo ha꞉ha꞉lepo depame.

1 Timoti 4:12

Epedeme wa꞉ta ala amkota꞉le oplami depo hala koko dla opata wa꞉ye yimka꞉mala de demiya. Amasiyama opata wa꞉ koko natipo dolumelepo depame woloma ka꞉ka꞉dle koko tlo halomhalane, wa꞉ta yukamale tle, epo wa꞉ta halale pasakalo tle, epame wa꞉tapo yimkadulo bokotiyapo malamale tle, epame wa꞉ta mikadepe dle koko tle, epame wa꞉ta wa꞉skamu wa꞉ moto hamale koko tle.

1 Timoti 5:10

Epame yia꞉ye opa hapulomata ka꞉ka꞉dle koko halomalalo so dlalo wola꞉. Epame yia꞉ye yia꞉ yimlala woloma ka꞉pi omha꞉ha꞉lalo wola꞉. Epame yia꞉ye asepe so gadlalo wola꞉. Epame yia꞉ye mikadepe dle so opi dla salladle oko halalo so wola꞉. Epame yia꞉ye wotiyalle dulu dla ha꞉ha꞉lalo so gadlalo wola꞉. Epame yia꞉ye ka꞉ka꞉dle koko hapuloma halomalalo wola꞉. Epapele sepeyamatalo so hi tlo halomolowe ka꞉pi.

Hibulu 13:18

Epapedeme wua꞉tapo dia꞉ yilo God watle inoma sumale himme ha꞉ha꞉ kokoye melemiya. Epame di ma mikadepe dema, dita malamale sitalita dia꞉ dla dita batalimale koko halë halaye po-atlasema. Adipalati, di solotamde, alila hapuloma dulu dla woloma ka꞉ka꞉dle koko siyapo tlo halomha꞉ha꞉lowedeme.

Hibulu 13:5

Epame wua꞉ mani sikemte solotamale mate ha꞉ha꞉miya. Amasiyama wua꞉ dla alisisi hutiyeye etlo wua꞉ mate ma-ala꞉na demha꞉ha꞉iya. Adipalati, God meyelo epo atluwapo, “Na꞉tapo wua꞉ye posaliyome tlowa, epame na꞉tapo wua꞉ye powelilowa.”

Yeims 3:13

Epedeme wua꞉ dulu dla oplami antapo ka꞉depo hallowe malamale mate halema꞉? Ya꞉ ka꞉dena, ya꞉ta ka꞉depo hallowe malamale etle ya꞉ moto mate koko halë nati-iliwe ka꞉pi. Epammama ya꞉tapo ya꞉skamu di dla hamhetlowe malamale mate pohallowa.

1 Pita 2:15

Epedeme Godta solotamapo, wua꞉tapo ka꞉ka꞉dle koko halomha꞉ha꞉lepiye, eta koko yeitalimale sotapo wua꞉ dla batalipo atlamolowe apiye ponatilowa.

1 Pita 3:16

Epame wua꞉ta batalimale koko dulu dla poha꞉ha꞉lalo wekelepiye, wua꞉ dla batalipo atlamha꞉ha꞉lalo sotapo wua꞉ta Keliso dulu dla ha꞉ha꞉mama woloma ka꞉pi ha꞉ha꞉ natipame wowota꞉lepe.

1 Pita 4:11

Epapedeme Godta wa꞉ dla ya꞉ yu atlowe oko hamili hallepiye, wa꞉ woloma God yuye atlamsela꞉ne. Epame wa꞉ dla yimkadulo gadlowe oko hamili hallepiye, wa꞉ woloma Godta itiyamale tle yimkaduloye gademhalane. Epapedeme ipapele koko hapuloma dulu dla wua꞉tapo woloma ka꞉depo halomha꞉ha꞉lepiye, koko eta Yesu Keliso tle God hiye di dla ta꞉dlepe. Epapedeme itiyamale mate epo hela꞉dle mateta ya꞉ dla kokó elepo ellepe. Koko iye ikadepepo.

2 Pita 3:11

Epapedeme ka꞉e! Koko hapulomaye dlapata epo hamdepo hamastlepe dlepiye, wua꞉ ka꞉dena, aiyalma depo ha꞉ha꞉mama God mila꞉pi tle woloma ka꞉depo ha꞉ha꞉iya.