1 Pita 2:1 - Kamula

¹ Epapedeme wua꞉ batalimale koko hapuloma tle epame isikimi mala-atlowe koko tle epo ya꞉skamu pepemhallowe koko tle epo ya꞉mkale ellewe koko tle epame ya꞉mkale yu ballowe koko tle alikili dla wowoyamaiya.

1 Pita 2:1 Iomraidhean Croise

Ma꞉tiyu 15:7

Wua꞉ wuskamu pepemalalo sopo. God tle yu hapame molo atlalo oplami Aisayata ikadepe koko atluwapo, wua꞉ epapele so dla. Adipalati, ya꞉ta ipo ilimuwapo,

Ma꞉tiyu 23:28

Epammama wua꞉ opa mila꞉pi tle wuskamu wua꞉ye ka꞉ka꞉dle so demsiyamdepo. Amasiyama wua꞉ isikimi wuskamu pepeyalimalalo sopo. Adipalati, wua꞉ opasi duluye batalimale kokota poposatilipo hutiyepo.

Ma꞉tiyu 24:51

Epalati ya꞉ dokopala oplamitapo puame ya꞉ye sikemte hopolepame alikili dla ka꞉stlepe, ya꞉tapo yiskamu pepemalalo so mate hallepo depame. Epalati ya꞉tapo edla tame halemama amale mate a꞉pe tetekelemhallepe.”

Ma꞉tiyu 7:5

Wa꞉ ikadepe wa꞉skamu pepemalalo oplamipo. Adipalati, wa꞉ ka꞉dena, wa꞉ inoma dla sokotalo pato ela e tatle holamastloweye. Eta wa꞉ amkale inoma dla hakaka yemala elaye woloma natipo holamastlepe.

Maka 12:15

Epedeme wa꞉ di atlane, di ka꞉deta꞉, Loum dokopala oplami Sisa watle ta꞉kis mani halopiliweye?” diyo. Yesu yia꞉ta ya꞉ elemala natiliye malanatipo epo atlaiyo, “Wua꞉ adipalati na꞉ye elemala natima꞉? Elo mani hema hampuaiya, na꞉ natili,” diyo.

Ka꞉dle molo atlale yu Lukta ilimale 11:44

Ka꞉e, Pa꞉lisi so, wua꞉ wolomape! Adipalati, wua꞉ye wabasi some ha꞉ha꞉po. Opata wabasi pomalanatilalo di metle me-siyamde, wua꞉ epapele some ha꞉ha꞉po.”

Ka꞉dle molo atlale yu Lukta ilimale 12:1

Oloma edla opa hapulomatapo Yesu hala dla sikemte alumtumama kustipo tame elaiyo. Epalati Yesuta ka꞉yapa ya꞉ alotle tlalo so watle epo atlaiyo, “Wua꞉ wolomape! Pa꞉lisi sota yiskamu pepeyalimde kokotapo daya haka꞉le epapele some halapo. Adipalati, daya amko ka꞉dleye daya haka꞉le mate dukumelepiye, daya amko ka꞉dleye batalimelepe.

Ka꞉dle molo atlale yu Lukta ilimale 6:42

Epame wa꞉ inoma dla sokotalo pato elaye ponatilalo, wa꞉ ma adipalati wa꞉ amkale dla atlemama, ‘Wa꞉ inoma dla hakaka yemala elaye holahamastali,’ demdi? Wa꞉ ikadepe wa꞉skamu pepemalalo oplamipo. Adipalati, wa꞉ ka꞉dena, wa꞉ inoma dla sokotalo pato ela tatle holamastloweye. Eta wa꞉ amkale inoma dla hakaka yemala elaye woloma natipo holamastlepe.”

Ka꞉dle molo atlale yu Yonta ilimale 1:47

Epalati Nataniyolta Yesu mateka꞉pi dla pulati Yesuta ya꞉ natipame epo atlaiyo, “Wua꞉ natiya, oplami iye Isalael oplami ikadepepo. Ya꞉ye ikadepe koko atlalo oplamipo,” diyo.

Loum 1:29

Epapedeme yia꞉ye batalimale koko ipapeletapo yia꞉ dulu dla poposatilipo ha꞉ha꞉po. Eye ullu walle kokopo, epame alisisi sikemte solotamolowe kokopo, epame alliwe koko mate siyaladlowe koko matepo, epame ya꞉mkale ellewe kokopo, epame ya꞉mkale yumuluwe kokopo, epame ya꞉mkale mate nalatimolowe kokopo, epame mala-atlowe kokopo, epame ya꞉mkale dla batalipo malamolowe kokopo, epame ya꞉mkale yu ballowe kokopo,

1 Kolin 14:20

Epapedeme mikadepe dle so namkadulo, wua꞉ ase akimlalata malamale some ha꞉ha꞉miya. Amasiyama wua꞉ta malamale tle mo-opa dle some ha꞉ha꞉iya. Epame wua꞉ bobtalimale koko halomolowe dla owayimlala some ha꞉ha꞉iya. Adipalati, yia꞉ dla batalimale koko momalamoloweye poyia꞉malamana.

1 Kolin 5:8

Epapedeme di ka꞉dena, batalimale koko mate epo poka꞉ka꞉dle koko mateye alikili dla pololepame ma ullu pa꞉le koko mate epo ikadepe koko mate dulu dla ha꞉ha꞉loweye.

Epeses 4:31

Epedeme wua꞉ dulu dla ipapele koko hapuloma hutiyeye alikili dla pololiya. Eye ya꞉mkale elle mate hallowe koko, epame siyaladle koko, epame ya꞉mkale dla itiyamale yu mate sisikayuluwe koko, epame yimkadulo dla putlopo atlowe koko, epame ya꞉mkale polowamale pa꞉le koko.

1 Tesalonika 2:3

Adipalati, dita imale kokoye mala-atlale tle popuasema, epame ullu walle koko tle popuasema. Epedeme dita wua꞉ye pomala-atlowa, hao.

1 Timoti 3:11

Epapedeme dikon so wola꞉ hohomolowe mape koko hatlo mepapena. Yia꞉ mape opa opita yia꞉ natipame ka꞉ka꞉dle so wola꞉ dlalota ha꞉ha꞉lepe. Epame yimkadulo yu poballalo wekelalo so wola꞉ta ha꞉ha꞉lepe. Epame yia꞉ mape yiskamu yia꞉ moto hohomalalo so wola꞉ta ha꞉ha꞉lepe. Epame yia꞉ta oko halë dulu dla yia꞉ woloma oko ka꞉pi hutulli mate halalo sota ha꞉ha꞉lepe.

Taites 2:3

Epame toto wola꞉ ma ipo imane, yia꞉tapo God yu dla mikadepe depame moto mate koko halomha꞉ha꞉lepo depame. Epame yia꞉ atlamane, yia꞉tapo yimkadulo yuye poballalo ha꞉ha꞉lepo depame. Epame yia꞉tapo kawata yú dlopo yiyilamsiyamalala depame yia꞉ye atlamane. Epame yia꞉ta ka꞉ka꞉dle koko halomha꞉ha꞉lati wola꞉ opita yia꞉ natipame yia꞉ dolumelepo depame yia꞉ye imane.

Hibulu 12:1

Epedeme opa hapuloma iwolota mikadepe dle kokotapo dia꞉ dla imapo, ditapo batalimale koko hapuloma pololepame itiyamale mate mosukulu dla ullumtlepo depame. Adipalati, batalimale kokotapo dia꞉ye hohopame hopeyamale hapimhalapo.

Yeims 1:21

Epedeme wua꞉ dulu dla batalimale koko hapuloma mate epo ullu walle koko hapuloma mate alikili dla pololiya. Epame wua꞉ta God yu dalepame hamuwa koko eye hutulli mate kikitilata hamame ha꞉ha꞉iya. Adipalati, yu edla itiyamale elapo, wua꞉ta pasakalo hallowe haloweye.

Yeims 3:14

Amasiyama wa꞉ hemele wa꞉ dupa dulu dla ya꞉mkale ellewe koko mate epo ya꞉mkale pomalamalalo wekelowe koko mate me-hutiyelati wa꞉skamu wa꞉ye ka꞉depo malamalalo oplami demiya. Adipalati, wa꞉ta epo atlaye wa꞉ ikadepe koko po-atlasema.

Yeims 4:11

Epapedeme mikadepe dle so namkadulo, wua꞉ dulu dla wua꞉ amkadulo isikimi mala-atlamiya. Epedeme oplami antapo ya꞉mkale kokoye isikimi mala-atlepame ya꞉ koko glademama ya꞉ye batalimale oplami dlepiye, ya꞉ God aiyalmaye batalimana depo. Epedeme epapele oplamiye God aiyalma woloma podolumasemde. Amasiyama ya꞉ ya꞉skamu koko gladlalo oplami demhalapo.

Yeims 4:5

Epedeme wua꞉ God yuta ipo atlaye pomikadepe desema꞉? Adipalati, God yuta ipo atlapo, “Godtapo di watle Soko hamiwatapo dita hatlo God tlo malasiyamelepo depame sikemte solotamhalapo,” depo.

Yeims 5:9

Epapedeme mikadepe dle so namkadulo, wua꞉ amkadulo watle atlamha꞉ha꞉mama “wua꞉ta batalimale kokota amma,” demha꞉ha꞉miya. Adipalati, wua꞉ta epamha꞉ha꞉lepiye, Godta wua꞉ kokoye gladepo batalimale asiyama hamilipe. Epedeme wua꞉ natiya. Koko gladlalo oplamiye mo-kokoloma tala dla halapo.

1 Pita 2:16

Epapele dulu dla wua꞉ ka꞉yapa Saitenta itiyamale dulu dla ha꞉ha꞉uwapo. Amasiyama Kelisota itiyamale tle wua꞉ye dulu etle ma alikili dla eleme woyamuwapo. Epedeme wua꞉ta epo ha꞉ha꞉ kokotapo wua꞉ye ma batalimale koko dla elemtulu demiya. Amasiyama wua꞉ God dla salladlalo so depo ha꞉ha꞉iya.

1 Pita 2:22

Adipalati, God yu bukata epo atlapo, “Ya꞉ye batalimale koko hale pohana. Epame ya꞉ mati tle bobokolomale yu hale po-atlemsela꞉mdena,” depo.

1 Pita 3:10

Adipalati, God yu bukata epo atlapo, “Oplamitapo alila hapuloma dulu dla siyele mate hallowe solotamelepiye, ya꞉ ka꞉dena, ya꞉ mati tle batalimale yu mate epo mala-atlowe yu mate po-atlamhallowa.

1 Pita 4:2

Epapele koko tle wua꞉ matle ta꞉lamo solotamale koko podolumha꞉ha꞉lowa. Amasiyama wua꞉ Godta solotamale koko tlo dolumha꞉ha꞉lepe.

1 Pita 4:4

Epapedeme wua꞉ta ipapele koko tle alikili dla wowoyapo ha꞉ha꞉la natipame alikili so wua꞉ mate siyamduwatapo wua꞉ye tepelemyemama wua꞉ hi mate putlopo atlamyapo.

Bobotimatimale 14:5

Epame yia꞉tapo yia꞉ mati tle bobokolomale yu po-atlamasemde. Epapedeme yia꞉ dla batalimale koko hale pe-elasema.