1 Pita 1:3 - Kamula

³ Epedeme ditapo di Lod Yesu Keliso ya꞉ A God dla siyele ta꞉dlowe ka꞉pi. Adipalati, ya꞉ta di bokotiyapo malamama Yesu Kelisota popo sila꞉tili koko tle dia꞉ye ma-amko so duwapo. Epedeme Pepele dimo dla ka꞉dle kokota di omela e halowedeme dalemha꞉ha꞉mama omha꞉ha꞉po.

1 Pita 1:3 Iomraidhean Croise

Ekesedes 34:6

Epame ya꞉tapo Mosesye me-hallati tla꞉mtamama epo atlaiyo, “Na꞉ye Godpo. Na꞉ dla polowamale koko mate epo sadle koko mate epo bokotiyapo malamale koko mate hutiyepo. Epapele dulu dla na꞉ na꞉ta yu itiyapo hatitimale hapulomaye pohauwokokomasemde.

Yona 4:2

Epame ya꞉ siyalademama inoma sumale yu mate God dla epo atlaiyo, “God, na꞉ta na꞉ mo dla halemama malamuwaye, wa꞉tapo Niniba mo so watle yia꞉ batalimale asiyama pohamilowe tepo duwa. Epedeme na꞉ Talsis mo dla teletauwa. Adipalati, na꞉malamana, wa꞉ dla bokotiyapo malamale pato mate epo polowamale pato mate halapo. Epame wa꞉ sadle mate halemama ma hapele posiyaladesemde, epame batalimale asiyama hamiloweye alimdepo.

Ka꞉dle molo atlale yu Yonta ilimale 1:13

Epapedeme yia꞉tapo God ya꞉ akimlala duwaye, opa ikadepeta owayimlala hohomde api tle po-apena. Amasiyama Godta solotamale tle yia꞉ye God ya꞉ akimlala duwapo.

Loum 12:12

Epapedeme Godtapo wua꞉ watle hamilowe pasakalo dla sisiyele mate dalemha꞉ha꞉mama omha꞉ha꞉iya. Epame wotiyalle upiyele dulu medla kokalalipo ha꞉ha꞉iya. Epame alila hapuloma dulu dla inoma sumha꞉ha꞉iya.

Loum 15:13

Epedeme na꞉ inoma sumale yu himima, wua꞉ dla pasakalo hamilalo Godtapo wua꞉ye sadle mate epo siyele mateta poposatilipo mellepo depame. Epame Hela꞉dle Sokota itiyamale tle wua꞉tapo Godta wua꞉ dla pasakalo hamilowe dla dalemha꞉ha꞉mama omha꞉ha꞉lati wua꞉ dla siyele elatapo pasatamama alowamelepe.

Loum 4:25

Epedeme Godtapo Yesuye di batalimale dla polopo depame hamiwapo, ya꞉ta popo sila꞉tili kokotapo dia꞉ye God mila꞉pi tle ullu pa꞉talo so dlepo depame.

Loum 5:10

Epedeme dia꞉ye God mate ala me-opahale demha꞉ha꞉lati ya꞉tapo dia꞉ye Yami Yesu Kelisota powale koko tle me-ya꞉mkadulo duwapo. Epapedeme dia꞉ye ma ya꞉mkadulo ikadepe depame Kelisota pasakalo halë etle ma di pasakaloye gadlepe.

Loum 8:11

Amasiyama Godtapo wua꞉ta palilati ya꞉ Hela꞉dle Soko tle wua꞉ palli motoye ma pasakalo dlepe. Adipalati, Yesu Kelisoye powale tle ma pasakalo duwa God ya꞉ Sokoye wua꞉ dulu dla halapo.

Loum 8:24

Epapedeme di watapo dita God ya꞉ akimlala depo ma-ha꞉ha꞉ kokoye isikimi dita mikadepe dle tle malamapo. Amasiyama alotle alila eta pulupiye, koko iye haliyamale dla natilipe.

1 Kolin 13:13

Epapedeme mikadepe dle koko mate epo koko dla dalemhalemama omhallowe koko mate epame ya꞉mkale bokotiyapo malamolowe koko matetapo kokó me-hutiyelepe. Amasiyama dapahatlope koko dulu hema koko ikadepe sikemte patoye ya꞉mkale bokotiyapo malamolowe kokopo.

1 Kolin 15:20

Amasiyama Godtapo Kelisoye powale tle ma pasakalo dla ta꞉dleye mikadepepo. Epedeme koko itapo dia꞉ye imapo, opa anawolotapo mo-palipo hutiyema꞉, yia꞉ mape palli tle ma pasakalo dla sillipe.

2 Kolin 1:3

Epapedeme di Lod Yesu Keliso ya꞉ A God hi di dla ta꞉diya. Adipalati, ya꞉tapo polowamale koko mate epo gadlalo koko mate sitali halapo.

Galasiya 6:16

Epapedeme opa anawolotapo koko i dolumha꞉ha꞉lepiye, yia꞉ mate epo God ya꞉ opa hapuloma mate dla sadle koko mate epo bokotiyapo malamale koko mateta yia꞉ dulu dla hutiyelepe.

Epeses 1:17

Epame na꞉ta wua꞉ yilo di Lod Yesu ya꞉ A God dla inoma sumhalemde, ya꞉tapo Soko tle wua꞉ watle malamale ka꞉ka꞉dle hapilati wua꞉tapo God kokoye sikemte malastepo ha꞉ha꞉lepo depame.

Epeses 1:3

Epedeme ka꞉dena, ditapo Lod Yesu Keliso ya꞉ A God dla siyele ta꞉dloweye. Adipalati, dita Keliso dulu dla ha꞉ha꞉lati ya꞉tapo ya꞉ Soko tle ka꞉ka꞉dle koko hapulomaye Pepele dimo tle dia꞉ watle ma-hapiwapo.

Epeses 1:7

Epapedeme Kelisota ya꞉ omali asiyama mate dia꞉ye elepame di bobtalimaleye me-hihiyotipo weliwapo. Koko iye Godta di bokotiyapo malamale tle apuwapo.

Epeses 2:4

Amasiyama God dla ya꞉mkale polowamale kokoye pato elapo. Epapedeme ya꞉tapo dia꞉ye bokotiyapo malamama dita di batalimale dulu dla palipo ha꞉ha꞉lati natipame Keliso mate palli tle ma pasakalo duwapo. Epedeme Godta bokotiyapo malamaletapo wua꞉ pasakaloye gaduwapo.

Epeses 3:20

Epedeme Godta itiyamaleta dia꞉ dulu dla oko hamhallepiye, Godta dia꞉ tle koko patoto hapuloma halomoloweye ala꞉na. Adipalati, ya꞉ dla koko patoto halomolowe itiyamaleye elapo. Itiyamale eye dita ya꞉ dla atlamde koko mate epo dita malamale mateye tla꞉mtana.

Kolosi 1:23

Epedeme wua꞉ ka꞉dena, mikadepe dle dulu dla woloma kokalepo ha꞉ha꞉iya. Epame wua꞉ta ka꞉dle yu dalepame mikadepe depo ha꞉ha꞉mama Godta wua꞉ pasakalo gadlowe dla dalemha꞉ha꞉mama omha꞉ha꞉ye melemiya. Ka꞉dle yu iye ta꞉lamo pato dla ma-atlampuwapo. Epedeme Godtapo na꞉ dla oko i hamilati na꞉tapo ka꞉dle yu iye hame sela꞉lalo halapo.

Kolosi 1:27

Epedeme hemele hatiyomeleme elale koko eye ipo, Kelisota wua꞉ dulu dla halapo. Epapedeme ya꞉tapo wua꞉ta God hala dla hetloweye api dlepe. Epapedeme Godtapo solotamale tle hemele hatiyomeleme elale ka꞉dle yu iye ma po-Yu so wua꞉ dla mo-botomastauwapo.

1 Tesalonika 1:3

Epammama wua꞉ta mikadepe depame oko hauwa mate epo ya꞉mkale bokotiyapo malapame moto mate koko hauwa mate epo wua꞉ta Yesu Keliso dla dalemha꞉ha꞉mama omha꞉ha꞉ koko mateye dita di A God dla inoma sumha꞉ha꞉mama powelisemde.

1 Tesalonika 4:13

Namkadulo mikadepe dle so, di posolotamasema, wua꞉tapo palli so kokoye yeitapo ha꞉ha꞉loweye. Alikili sotapo palli so yilo dupa kolomama sikemte a꞉lemdepo. Adipalati, yia꞉ palli sota ma-silliwe kokoye yeitamana. Amasiyama wua꞉tapo alikili so some palli so yilo sikemte dupa kolle mate ha꞉ha꞉miya.

2 Tesalonika 2:16

Epedeme di inoma sumale yu himima, di Lod Yesu Keliso mate epo di A God mate wua꞉ gadle tle wua꞉ye itiyamale hamilipe, wua꞉tapo ka꞉ka꞉dle koko halomsiyamama ka꞉ka꞉dle yu tlo yuhamsiyamelepo depame. Adipalati, di A Godtapo dia꞉ye bokotiyapo malapame dia꞉ watle kokó elepo ellalo gadleye hamiwapo, ditapo siyele mate ya꞉ta hapilowe pasakalo dla dalemha꞉ha꞉mama omha꞉ha꞉lepo depame.

1 Timoti 1:14

Epame di Lodta ya꞉ta polowamale kokoye na꞉ dla sikemte pasatepo hamiwapo. Epapele koko tle na꞉tapo Yesu Keliso dulu dla halemama ya꞉ dla mikadepe dlowe koko mate epame yimkadulo bokotiyapo malamolowe koko mate hauwapo.

Taites 2:13

Epedeme dita hapulomatapo pasakalo gadlalo Yesu Kelisota Godta hela꞉dle mate ta꞉lamo hema puluwe dla woloma dalemha꞉ha꞉mama omha꞉ha꞉lowa. Ya꞉ye ikadepe Godpo.

Hibulu 3:6

Amasiyama God Yami Kelisotapo God ya꞉ opaye dokopala depo halemama oko ka꞉pi hamhalapo. Epedeme ditapo mikadepe dle dulu dla me-kokalepo ha꞉ha꞉mama dita dalemha꞉ha꞉mama omha꞉ha꞉ kokoye pomellalo wekelepiye, eta dia꞉ye ikadepe God ya꞉ opa dlepe.

Yeims 1:18

Epapedeme Godtapo meyelo yu himili dolumama ya꞉ yu ka꞉dle tle di watle pasakalo hallowe kokoye ma-hamiwapo, ya꞉ta mimita꞉ple alisisi hapuloma dulu dla ditapo itapu so depo ha꞉ha꞉lepo depame.

1 Pita 1:13

Epedeme wua꞉ hahamale mate ha꞉ha꞉mama wua꞉ moto hohomalalo so depo ha꞉ha꞉iya. Epame Yesu Kelisota puluwe oloma edla Godta wua꞉ watle bokotiyapo malamale hapilowe kokota woyamolowe koko dla dalemha꞉ha꞉mama omha꞉ha꞉iya.

1 Pita 1:21

Epedeme wua꞉tapo Keliso tle ya꞉ A Godye mikadepe demdepo. Adipalati, ya꞉tapo Kelisoye powale tle ta꞉depame ma ya꞉ watle hela꞉dle mate epo itiyamale mate halopiwapo. Epapedeme wua꞉tapo God dla mikadepe depame ya꞉ tle kokó halepo halepo pasakalo halowedeme dalemha꞉ha꞉mama omha꞉ha꞉po.

1 Pita 1:23

Epedeme pasakalo halemhala God yutapo wua꞉ dla pasakalo amkoye ma-hamiwapo. Pasakalo amko iye wua꞉ adulotapo wua꞉ watle halopiwa pasakalo pe-epapena. Adipalati, yia꞉tapo wua꞉ watle pasakalo hapili iye pa꞉lepe. Amasiyama God yuta wua꞉ watle hapili pasakaloye popa꞉lowa.

1 Pita 2:2

Wua꞉ watapo Lodta halale ka꞉dle kokoye natipame mo-malamuwapo. Epedeme wua꞉ owayemalatapo ya꞉ wai meme dlowedeme sikemte ta꞉mhalemdiye, epammama wua꞉tapo God yuye sikemte dallowe tlo solotamha꞉ha꞉iya. Adipalati, wua꞉ta God yu dalemha꞉ha꞉lepiye, etapo wua꞉ye Keliso dulu dla teta꞉pame pasakalo gadlowe kokoye halepe.

1 Pita 3:15

Amasiyama Kelisota wua꞉ dokopala oplami depo hallepo depame wua꞉ dupa dulu dla hamaiya. Epame opatapo wua꞉ta mikadepe dle ya꞉ dulu kokoye dallati yia꞉ watle asiyama yu atlowe dla ma dinapopo ha꞉ha꞉iya. Epame wua꞉ta yia꞉ watle wua꞉ta mikadepe dle ya꞉ dulu koko atlemama ya꞉mkale malamale mate epo sadle mate atellepe.

1 Pita 3:21

Epapedeme koko itapo mikadepe dle sota yú tutula꞉lowe kokoye imapo. Yú tutula꞉lowe koko itapo di kapala dla ullu hutiyeye howahalepo depame po-aposemde. Amasiyama yú tutula꞉lowe koko itapo dita Yesu Kelisota popame ma pasakalo dle tle ma dita pasakalo halowe kokoye imapo. Epedeme oplamita yú tulluwe kokoye ipapena. Oplamita God mila꞉pi tle ka꞉depo hallowe yilo yú tulumdepo.

1 Pita 3:5

Epapedeme ipapele api tle ka꞉yapa ha꞉ha꞉uwa God dla mikadepe dle so wola꞉tapo yia꞉ dupa dulu tle ka꞉depo dinapomha꞉ha꞉mama yia꞉wolalidulo yu dla salladepo siyamduwapo.

1 Yon 2:29

Di Godye isikimi ka꞉ka꞉dle koko tlo halomhalemde dlepiye, eta di malamelepe, ka꞉ka꞉dle koko halomalalo soye God ya꞉ akimlalapo.

1 Yon 3:3

Epedeme koko hema opa anawolotapo dalemha꞉ha꞉mama omha꞉ha꞉ma꞉, ka꞉dena, yia꞉ta ullu pa꞉po Keliso some ha꞉ha꞉loweye.

1 Yon 3:9

Epedeme opa anawolotapo mo-God ya꞉ akimlala depo ha꞉ha꞉ma꞉, yia꞉ matle batalimale koko dulu dla posiyamolowa. Adipalati, Godta hallalo pasakalo ikadepeye yia꞉ dulu dla halapo. Epedeme yia꞉tapo ma batalimale koko dulu dla siyamoloweye po-ala꞉lowa.

1 Yon 4:7

Mikadepe dle so namkadulo, ka꞉dena, dita hapulomatapo ya꞉mkale asiyama bokotiyapo malama asiyama bokotiyapo malama demha꞉ha꞉loweye. Adipalati, bokotiyapo malamale kokoye God tle puapo. Epedeme oplami antapo ya꞉mkale bokotiyapo malamhalema꞉, ya꞉ye God ya꞉ maseyemalapo, epame ya꞉ye God kokoye ya꞉malamana.

1 Yon 5:1

Epedeme oplami antapo Yesuye Godta sale Keliso dlepiye, ya꞉ye God yamipo. Epame oplami antapo Aye sikemte malahallepiye, ya꞉ mape A Yamiye sikemte malahalapo.

1 Yon 5:18

Epedeme dimalamana, oplami antapo God yami depo halema꞉, ya꞉ matle batalimale koko dulu dla posela꞉lowa. Adipalati, God Yamitapo ya꞉ye woloma omhalapo. Epalati batalimale oplami Saitentapo ya꞉ye pobatalimolowa.

1 Yon 5:4

Epedeme God ya꞉ akimlalatapo yia꞉ta mikadepe dle tle ta꞉lamo kokota itiyamaleye ma-tla꞉mtame ha꞉ha꞉po.