1 Kolin 7:31 - Kamula

³¹ Epedeme dita ta꞉lamo hema ha꞉ha꞉ oloma dla koko hapuloma halomha꞉ha꞉tapo oplamita God oko halowe dla api himomolloweye poka꞉dena. Adipalati, ta꞉lamo pato i mate epo dulu edla ha꞉ha꞉ alisisi mateta pa꞉loweye mo-mateka꞉pi halapo.

1 Kolin 7:31 Iomraidhean Croise

Ka꞉dle molo atlale yu Lukta ilimale 21:34

“Epapedeme wua꞉ wuskamu woloma omha꞉ha꞉iya. Epame wua꞉ ase daya mate yú mate dlomha꞉ha꞉mama ta꞉lamo koko malamaletapo wua꞉ta malamale dla sikemte poposatilimiya. Ame adipalati, aliyatapo dea susumale dulu dla godemdiye, epammama na꞉ta puluwe alilata wua꞉ dla epo yiyelle hamilala.

1 Kolin 7:29

Epedeme mikadepe dle so namkadulo, Yesuta puluwe alilatapo mo-kiyempulati na꞉tapo wua꞉ dla yu ipo atlema. A꞉ya ma-halë oplamitapo God oko tlo sikemte malamama a꞉ya pohalalo wekele some hallowe ka꞉pi.

1 Kolin 7:30

Epame siyele koko mate epo dupa kolle koko mate epo alisisi pasatepo hallowe koko matetapo oplamita God oko halowe dla api himomolloweye poka꞉dena.

1 Kolin 9:18

Epedeme na꞉ oko asiyamaye apata꞉? Na꞉ oko asiyamaye na꞉tapo opa dla ka꞉dle yuye asiyama dimi isikimi atlamsela꞉ta na꞉ dla siyele hampuluwe kokopo.

Hibulu 12:27

Epedeme Godta ipo atluwa ya꞉ dulu kokoye ipapena. Ya꞉ta ya꞉ do mate mimita꞉ple alisisi hapulomaye mosukulu batalipo polollepe. Amasiyama kokó ha꞉ha꞉lalo alisisi hapulomatapo kokó mepo ha꞉ha꞉lepe.

Yeims 4:14

Adipalati, wua꞉ powua꞉malamana, iyela dla koko woyamoloweye. Wua꞉ pasakaloye wuala some halapo. Adipalati, wuala yimka꞉malata elepo depo ma pakasiyamalalo halemtamdiye epapele some halapo.

1 Pita 1:24

Epapedeme God yu bukata epo atlapo, “Opa hapulomaye osamokolota palimdiye, epapele some ha꞉ha꞉po. Epame matle dali hahata u-uplatipo ha꞉ha꞉po ma hapele balladepo tulumdiye, epapele some ha꞉ha꞉po. Epapedeme osamokolo mate epo dali haha matetapo palimha꞉ha꞉po.

1 Pita 4:7

Ta꞉lamo koko hapulomata puame gudlowe alilaye mo-mateka꞉pi halapo. Epapedeme wua꞉ woloma ka꞉dle malamale mate ha꞉ha꞉mama God dla inoma sumha꞉ha꞉iya.

1 Yon 2:17

Epedeme ta꞉lamo koko mate epo ya꞉ta halopo pua koko hapuloma mate pa꞉lepe. Amasiyama Godta solotamale koko halomalalo so tlo kokó ha꞉ha꞉po ha꞉ha꞉lepe.