1 Kolin 6:1 - Kamula

¹ Epedeme mikadepe dle so wua꞉ dulu dla oplami haletapo ya꞉mkale mate yu topulolepame ma adipalati koko eye hame alikili so koko gladlalo so dla koko gladla tamdi? Amasiyama wua꞉ isikimi ka꞉dena, mikadepe dle so siyapota koko i ka꞉dloweye.

1 Kolin 6:1 Iomraidhean Croise

Ma꞉tiyu 5:45

Epedeme wua꞉ta ipapele koko hamha꞉ha꞉lepiye, eta wua꞉ye Pepele di dla hala A God ya꞉ akimlala ikadepe dlepe. Epapele dulu dla Godtapo ka꞉ka꞉dle so dla epo bobtalimale so dla sali ka꞉depo silaple mate epo tiyo mate hapimhalapo.

Taiya dle so 19:38

Epedeme Damatliyos, wua꞉ mate epo wua꞉ta alli so mate koko gladlalo aya dla tame wua꞉ koko gladlowe ka꞉pi. Adipalati, koko gladlalo so me-ha꞉ha꞉po. Epedeme wua꞉ edla tame wua꞉ koko gladiya.

1 Kolin 1:2

Na꞉tapo God ya꞉ opa Kolin mo dla ha꞉ha꞉ so wua꞉ dla yu iye ilipo hamima. Adipalati, Godtapo Yesu Keliso tle wua꞉ye ya꞉ opa dlepo depame sisilamuwapo. Epedeme Godtapo wua꞉ sisilamuwa, epammama ya꞉tapo mo hapuloma dulu dla opaye ma-sisilamuwapo. Epame ma yia꞉tapo di Lod Yesu Keliso hiye sisilamha꞉ha꞉po. Adipalati, hatlo ya꞉tapo yimkata yia꞉ mate epo dia꞉ mate di Lod halapo.

1 Kolin 14:33

Adipalati, Godye kokota batalipo telepo depame sosoka꞉lipo mellalo Godta pohalasema. Amasiyama ya꞉ye kokota woloma ka꞉depo telepo depame ka꞉depo dinapolalo Godta halapo. Mo hapuloma dla sos popa꞉mta dulu dla ela koko e dolumama wola꞉tapo wua꞉ta inoma sumale dulu dla yu dimi sadle mate popa꞉lowe ka꞉pi. Adipalati, Mosesta aiyalma hatitimale mape hatlo mepo atlapo.

1 Kolin 16:1

Epedeme wua꞉ta mikadepe dle so gadlowe dla namkale dle alisisi kolumolowe koko dla na꞉ta Galasiya so sos hapuloma dla imuwa kokoye epo haiya.

1 Kolin 16:15

Epedeme mikadepe dle so namkadulo, Stepanas aya dulu dla ha꞉ha꞉lalo so yia꞉ kokoye mo-wua꞉malamana. Yia꞉ye Akaya mo dulu dla yia꞉ tatle mikadepe dle dulu dla matimoluwapo. Epame yia꞉ mape yiskamu yia꞉ motoye mikadepe dle so gadlowe oko halomolowe dla hatitipo ha꞉ha꞉po.

1 Kolin 5:12

Epedeme alikili so koko gladloweye pona꞉ koko. Adipalati, hatlo Godtapo yia꞉ kokoye gladlepe. Amasiyama mikadepe dle so alumale wua꞉ dla itiyamale elapo, wua꞉ dulu dla oplami haleta batalimale koko halati ya꞉ koko gladloweye. Adipalati, God yu bukata epo atlapo, “Batalimale koko halomalalo oplami wua꞉ dulu dla halaye alikili dla dodolomaiya,” depo.

1 Kolin 6:5

Wua꞉ wowota꞉lowe ka꞉pipo. Adipalati, mikadepe dle so wua꞉ dulu dla ka꞉dle oplami hale hawata꞉, wua꞉ koko gladloweye?