1 Kolin 4:10 - Kamula

¹⁰ Keliso yilo ditapo yiyilamale so some ha꞉ha꞉lati asiyama wua꞉ta atlemama, “dia꞉ tlo Keliso dulu dla malamale ka꞉ka꞉dle so,” demha꞉ha꞉mdepo. Epame ditapo hopeyalimale so some ha꞉ha꞉lati asiyama wua꞉tapo atlemama, “dia꞉ tlo itiyamale so,” demha꞉ha꞉mdepo. Epame opata wua꞉ tlo sikemte ka꞉ka꞉dle so demama asiyama dia꞉ tlo allimdepo.

1 Kolin 4:10 Iomraidhean Croise

Ma꞉tiyu 24:9

Epapele dulu dla opatapo wua꞉ dla wotiyalle hapipame potimolowe dla eleme telepe. Epame wua꞉ta na꞉ dla mikadepe dle koko tle opa hapulomatapo wua꞉ dla elle pato himha꞉ha꞉lepe.

Ma꞉tiyu 5:11

Epedeme opatapo na꞉ koko yilo wua꞉ putlopame hopolemyemama wua꞉ hi mate mala-atlamyelepiye, wua꞉ sisiyeiya.

Ka꞉dle molo atlale yu Lukta ilimale 10:16

Epapedeme oplami antapo wua꞉ yuye dalepame halepiye, ya꞉ na꞉ yuye hamama apelepe. Amasiyama oplami antapo wua꞉ yu dalepame wua꞉ye sikemte allipiye, ya꞉ na꞉ye alimama apelepe. Amasiyama oplami antapo na꞉ye allipiye, ya꞉ na꞉ A na꞉ tane duwa oplamiye alimama apelepe.”

Ka꞉dle molo atlale yu Lukta ilimale 18:9

Opa opitapo yiskamu yia꞉ tlo ka꞉ka꞉dena depame asiyama opa opi tlo bobtalimana dlalo so dla Yesutapo wayu iye atlaiyo.

Ka꞉dle molo atlale yu Lukta ilimale 6:22

Epedeme Opa Yami koko tle opata wua꞉ye allimama ayalemyelepiye, wua꞉ sisiyeiya. Epame yia꞉tapo wua꞉ye batalimale so depame wua꞉ putlomyelepiye, wua꞉ oloma edla sisiyele pato mate ha꞉ha꞉iya. Adipalati, Pepele di dla wua꞉ta halowe asiyama patoye wua꞉ hi mate ma-dinapopo elapo. Epapedeme wua꞉ malamaiya, wua꞉ dla wotiyalle hapimha꞉ha꞉ so yia꞉ mamadulotapo ka꞉yapa ha꞉ha꞉uwa God yu molo atlamalalo so dla wotiyalle mepapeleye halopimha꞉ha꞉uwapo.”

Taiya dle so 17:18

Epalati Epikuliya alumale dla ha꞉ha꞉lalo malamale patoto so mate epo Sitoiki alumale dla ha꞉ha꞉lalo malamale patoto so mateta puame Polo mate esemama yu dlomaiyo. Epame Polota Yesu koko mate epo palli sota ma palli tle silliwe koko mateye yia꞉ watle atlati dalepame asiyama yia꞉tapo epo atlamyaiyo, “Oplami iye ya꞉ta atla ya꞉ dulu kokoye yeliyena. Ya꞉ apa koko imolowedeme amsela꞉ma꞉?” demyaiyo. Epo opita epo atlamyaiyo, “Ya꞉ di watle mo opi yia꞉ god kokoye imolowedeme amsela꞉mama apeyo,” demyaiyo.

Taiya dle so 17:32

Polota imale koko tle opata Yesuta powale tle sila꞉tili dalepame opita eimelemyaiyo. Amasiyama opita Polo watle epo atlamyaiyo, “Di koko iye mamisika꞉ dallowe solotama,” demyaiyo.

Taiya dle so 26:24

Amasiyama Polo ala yu atlemhallati Pestusta yu teta꞉le mate ya꞉ watle epo atlaiyo, “Polo, wa꞉ yiyilamale koko hama. Wa꞉ta malamale koko patotapo wa꞉skamu wa꞉ye yiyilamale hamipo,” diyo.

Taiya dle so 9:16

Epo na꞉tapo ya꞉ta na꞉ hi tle wotiyalle pato haloweye ya꞉ watle nati-iliwepo,” diyo.

1 Kolin 1:21

Epedeme Godta malamaleye pta ka꞉pi. Epapedeme God meyelo opata ta꞉lamo malamale koko tle ya꞉ koko malamolowe apiye himomeluwapo. Amasiyama ya꞉tapo opata ta꞉lamo malamale tle natimama yiyilamale koko demde koko tle mikadepe dle so hapuloma dla yia꞉ pasakalo gadloweye hampuwapo.

1 Kolin 1:23

Epapedeme ditapo Kelisota dali yekelemhimili di dla powale kokoye imsiyamalati Yu sota dalepame hala allimdepo. Epalati asiyama po-Yu sotapo dali yekelemhimili koko eye yiyilamale koko demdepo.

1 Kolin 1:25

Epele dulu dla opatapo yiyilamale koko dlaloye Godta e hapame ma yia꞉ta malamale kokoye ma-tla꞉mtauwapo. Epame opatapo hopeyalimale koko dlaloye Godta e hapame ma yia꞉ta itiyamale kokoye ma-tla꞉mtauwapo.

1 Kolin 10:12

Epapedeme oplami antapo ya꞉skamu ya꞉ye kokalepo halemama batalimale koko dulu dla potulusemde dlepiye, ya꞉ye wolomape. Adipalati, ya꞉ mape batalimale koko medla tullala.

1 Kolin 2:14

Amasiyama pomikadepe dlalo wekele sotapo God ya꞉ Sokota imale koko halomoloweye allimdepo. Adipalati, yia꞉ta malamaletapo God ya꞉ Sokota imale kokoye yiyilamale koko demdepo. Epele dulu dla yia꞉tapo koko iye woloma pomalamolowa. Adipalati, yia꞉ dla God ya꞉ Soko pohalasema.

1 Kolin 2:3

Epapedeme na꞉tapo puame wua꞉ mate haluwa oloma edla na꞉ dla wota꞉leta hamama hopeyamale mate epo eseselalle mate haluwa.

1 Kolin 3:18

Epedeme wua꞉ koko iye woloma haiya. Adipalati, oplamitapo woloma ka꞉depo malamale mate halli dlepiye, ya꞉ ka꞉yapa ta꞉lamo malamale sota natili tle ya꞉ye yiyilamale oplami some hallepe.

1 Kolin 3:2

Epedeme wua꞉tapo daya kokalalimale dloweye ala po-ala꞉lalo ha꞉ha꞉la natipame na꞉tapo isikimi wua꞉ dla meme ilimuwapo. Amasiyama ma wata oloma hema wua꞉ ala meme siyapo tlo me-dlomha꞉ha꞉po.

1 Kolin 4:8

Wua꞉ta malamaletapo wua꞉ye koko hapuloma mo-malastale so demha꞉ha꞉po. Epame wua꞉ ma wuskamu wua꞉ye Sokota isikimi hapimhala kokoye mo-poposatilipo ha꞉ha꞉ma demha꞉ha꞉po. Epame wua꞉ ma dita gadle dimi dokopala hi mo-halomuwa demha꞉ha꞉po. Wua꞉ta epapeleta ammatiye, ka꞉dena, na꞉ mape dokopala hi ma halë hallemla.

2 Kolin 10:10

Adipalati, opa opitapo epo atlamyapo, “Polotapo pateka꞉mu tle dia꞉ dla yu ilimale hamimama yu itiyamale mate ilipo hami demhalema. Amasiyama ya꞉tapo dia꞉ mate hala oloma edla ya꞉ sikemte hopeyamale mate halemama yu pase itiyamale mate po-atlamhalasemde,” demyapo.

2 Kolin 11:19

Epapele dulu dla wua꞉ye wuskamu sikemte momalamale so demdepo. Amasiyama wua꞉ye ikadepe yiyilamale so some ha꞉ha꞉po. Adipalati, wua꞉tapo sikemte sisiyele mate yiyilamale so yu dallowe tlo solotamdepo.

2 Kolin 11:29

Epapele dulu dla mikadepe dle oplamitapo hopeyamale natilipiye, na꞉ ma hopeyamale hatlo meye natimdepo. Epame oplami haletapo ya꞉mkaleye batalimale dla semtullati natimama asiyama na꞉ dla wotiyalle hamimdepo.

2 Kolin 13:9

Epame dita hohopeyamale oloma edla ma asiyama wua꞉ta itiyamalati di koko edla sikemte sisiyemde. Epedeme koko hema di inoma sumale yu himima, wua꞉tapo Lod dulu dla mo-opa depo ha꞉ha꞉lepo depame.

2 Kolin 4:12

Epedeme ditapo wua꞉ yilo oko hamama palila yakomatapo wua꞉ dla pasakaloye hampuapo.

2 Kolin 6:8

Epame opa opitapo di watle siyele hamilati asiyama opitapo di yu balemdepo. Epame opa opitapo di hi mate batalimale yu atlamyelati asiyama opitapo di hi mate ka꞉ka꞉dle koko atlamyemdepo. Epo opa opitapo di watle atlemama isikimi mala-atlamalalo so demyemdepo. Amasiyama di ikadepe koko tlo atlamsiyamdepo.

1 Tesalonika 4:8

Epapedeme oplami antapo yu iye dolumolowe allipiye, ya꞉ oplami yu dla alimama po-aposema. Amasiyama ya꞉ God, wua꞉ dla Hela꞉dle Soko hapimhala yu dla alimama apopo.

1 Pita 4:14

Wua꞉ta Keliso dla mikadepe dle koko dla opata wua꞉ye tepelemyemama putlomale yu mate atlamyelepiye, wua꞉ asiyama isikimi sisiyeiya. Adipalati, God ya꞉ Hela꞉dle Sokotapo wua꞉ mate hallepe.