1 Kolin 14:15 - Kamula

¹⁵ Epapedeme na꞉ apa koko hapa꞉? Na꞉ ka꞉dena, ulugiyemale yu mate inoma suma epo na꞉ yu ikadepe mate inoma suma dloweye. Epammama na꞉tapo ulugiyemale yu mate siyele sala doluma epo na꞉ yu ikadepe mate siyele sala doluma dloweye.

1 Kolin 14:15 Iomraidhean Croise

Taiya dle so 21:22

Epedeme di koko i adipapopa꞉? Adipalati, yia꞉ wa꞉ta mo dulu hema hala kokoye ma-dallepe.

Loum 1:9

Epame God ma me-ya꞉malamana, na꞉ta alila hapuloma wua꞉ yilo inoma sumale yu himhala kokoye. God eye na꞉tapo na꞉ dupa dulu tle sikemte malahalemama ka꞉dle yu Yami kokoye atlamsela꞉po.

Loum 3:5

Epapedeme dita batalimale koko halomha꞉ha꞉ etapo Godta ikadepe koko tlo halomhala kokoye nati-imdepo. Epedeme di adipo atlepa꞉? God di batalimale asiyama hamilowe poka꞉dena depa꞉?

Loum 8:31

Epapedeme di koko hema adipo atlepa꞉? Godta dia꞉ mate halema dlepiye, oplami antapo dia꞉ mate opahale demama dia꞉ye tla꞉mtapa꞉? Hawa.

1 Kolin 10:19

Epedeme biskapa god dla namkale dle alisisi hapiloweye ka꞉pita꞉? Hao. Epame biskapa godye ikadepe godta꞉?

1 Kolin 14:14

Adipalati, na꞉tapo ulugiyemale yu mate God dla inoma sumelepiye, na꞉ soko mape God dla inoma sumelepe. Amasiyama na꞉ta malamale tlo woloma pohatostlowa.

1 Kolin 14:19

Amasiyama na꞉ta mikadepe dle so imolowedeme isikimi yia꞉ta malamale yu mate imolowe tlo ka꞉pi. Asiyama yu ulugiyemale mate imoloweye poka꞉dena.

1 Kolin 14:26

Epapedeme mikadepe dle so namkadulo, wua꞉ta inoma sumha꞉ha꞉le dulu dla wua꞉ ipapele koko tlo dolumha꞉ha꞉lowe ka꞉pi. Epedeme wua꞉ta yimkata inoma sumale dulu dla haleta sala dolumalalo hallepe. Epalati haleta God yu atlalo hallepe. Epalati haleta God tle amko kokota puaye bobotimatimalalo hallepe. Epalati ma haleta ulugiyemale yu mate yukamalalo hallepe. Epalati ma haleta yu e ya꞉ dulu kokoye opa dla hatostepo atlalo hallepe. Epapele dulu dla koko meyelope meyelope dle hapuloma itapo wua꞉ta mikadepe dle kokota ta꞉lepo depo ammdepo.

Epeses 6:18

Koko hapuloma iye inoma sumale tle halomha꞉ha꞉iya. Epame alila hapuloma dulu dla Sokota itiyamale tle inoma sumha꞉ha꞉iya. Epammama wua꞉ta solotamale koko hapulomaye inoma sumale tle God dla otele himme ha꞉ha꞉iya. Epame wua꞉ dinapopo ha꞉ha꞉mama God ya꞉ opa hapuloma yilo inoma sumale yu himme ha꞉ha꞉iya.

Pilipi 1:18

Epapele dulu dla opa opitapo batalipo malamale tle God yu atlamsiyamalati opa opitapo ka꞉dle momalamale tle Keliso kokoye atlamsiyamapo. Amasiyama epapele dulu dla na꞉ koko e posesa꞉sema. Adipalati, hatlo Keliso koko tlo opa dla atlowe kokota pato halapo. Epedeme ipapele koko dla na꞉ sikemte siyema. Epele dulu dla na꞉ ma sikemte siyema.

Kolosi 3:16

Epame Kelisota imaletapo wua꞉ dupa dulu dla pasatepo hallepe. Epedeme wua꞉ malamale ka꞉dle mate epo siyele sala mate ya꞉mkale asiyama gade asiyama gade demha꞉ha꞉iya. Epame wua꞉ dupa dulu tle God dla inoma sumale sala mate sisiyele sala mate dodolalimha꞉ha꞉iya.

Yeims 5:13

Epapedeme wua꞉ta ha꞉ha꞉le dulu dla oplami antapo ya꞉ dla upiyele koko ellepiye, ka꞉dena, ya꞉tapo inoma sumale yu God dla otele himilipe. Epame oplami antapo siyele mate hallepiye, ka꞉dena, ya꞉tapo siyele sala mate God hi di dla ta꞉demhallepe.

Yuda 1:20

Amasiyama mikadepe dle so namkadulo, wua꞉ pasakaloye wua꞉ta mikadepe dle tama di dla aya some haiya. Epame Sokota itiyamale tle inoma sumha꞉ha꞉mama Godta bokotiyapo malamale dulu dla ha꞉ha꞉iya. Epame Lod Yesu Kelisota bokotiyapo malamale tle wua꞉ dla hamili kokó ellalo pasakaloye halowedeme dalemha꞉ha꞉mama omha꞉ha꞉iya.