1 Kolin 11:5 - Kamula

⁵ Epame a꞉ya antapo inoma sumolowedeme epo God tle yu hapame atlowedeme ya꞉ dokopalaye pobopudlalo apelepiye, ya꞉tapo ya꞉wolali dla wota꞉le hamipo. Adipalati, a꞉yatapo ya꞉ dokopala pobopudlalo wekelowe koko mate epo kokosase tamolowe koko mate yia꞉ dulu kokoye pomeyelope.

1 Kolin 11:5 Iomraidhean Croise

Ka꞉dle molo atlale yu Lukta ilimale 2:36

Oloma edla God tle yu hapame molo atlalo a꞉ya hale aiyalma aya dulu edla halaiyo, ya꞉ hiye Ana. Ya꞉ Asel elele halë a꞉yayo. Epame ya꞉ a hiye Panuwel. Ya꞉ ma-alluyemala halaiyo. Ya꞉ ka꞉yapa oplami hapame sokomoko 7 dulu dla oplami mate halepo depame ya꞉wolaliye mo-powaiyo.

Taiya dle so 2:17

‘Godta epo atluwapo, Mosukulu alila dla na꞉ta Hela꞉dle Sokoye opa hapuloma watle hamilowepo. Epalati wua꞉ akimlala mate wua꞉ utukaka mate amile kokoye momolo atlamsiyamelepe. Epame wua꞉ kiptalo mape yia꞉ inomata meyelope demama God tle pua koko tlamelepe. Epalati wua꞉ opolatalota God tle pua kokoye milamalo tlamha꞉ha꞉lepe.

Taiya dle so 21:9

Epapele dulu dla Pilipi ya꞉ utukaka dapiyamte dapiyamte dle iwolo mape God tle yu hapame molo atlalo so ha꞉ha꞉iyo.

1 Kolin 11:4

Epapedeme oplami antapo opa inoma dali dla inoma sumolowedeme epo God tle yu hapame atlowedeme ya꞉ dokopalaye bopudepo halemama apelepiye, ya꞉ye ya꞉ dokopala oplami Keliso dla wota꞉le hamipo.

1 Kolin 11:6

Epedeme a꞉yatapo ya꞉ dokopala bopudlowe allipiye, ya꞉ ka꞉dena, isikimi ya꞉ kokosase tlo tamelepe. Amasiyama a꞉yata kokosase tamolowe wota꞉lepiye, ya꞉ ka꞉dena, isikimi ya꞉ dokopala tlo bopudloweye.