1 Kolin 10:7 - Kamula

⁷ Epame ma ditapo yia꞉ta biskapa god dla sisiyemha꞉ha꞉uwa epapalala depame. Adipalati, God yu bukata epo atlapo, “Yia꞉tapo biskapa god dla sisiyemama daya mate yú mate dlomolowedeme popa꞉uwapo. Epame ma sillipame siyaluwapo,” depo.

1 Kolin 10:7 Iomraidhean Croise

Ekesedes 32:17

Moses ala tulumhallati ya꞉ gadlalo oplami Yosuwata api duka dla ala me-ompolomama dallati opata siyalle yu daliyo. Epame Moses watle epo atlaiyo, “Na꞉ opahaleta di opaye hustepo kotlomale yuye dalesema,” diyo.

Ekesedes 32:19

Epedeme Mosesta kimna꞉ya dla tulume natilati biskapa god dota mita꞉pele bulumkiyawa aliya mila꞉pi sepele mate epo opata siyalle koko mate natipame sikemte siyaladiyo. Epammama ya꞉tapo ewala dapiyamteye medla pololemama susupolatalemaiyo.

Ekesedes 32:4

Epalati ya꞉tapo eye halopame dlapa dla holopo potollati bulumkiyawa aliya mila꞉pi sepeleye mita꞉piyo. Epame opatapo i natipame epo atlamyaiyo, “Isalael so, iye di godpo. God itapo dia꞉ye Isip mo tle eleme alikili a꞉ma woyamuwapo,” demyaiyo.

Taiya dle so 15:20

Amasiyama di isikimi yu ilimale tlo po-Yu so watle hamimama epo atlowepo, ‘Wua꞉ biskapa god watle hamili dlowe alisisi halopo podlowa. Adipalati, dlowe alisisi eye mo-batalimalepo. Epame batalimale koko opa uhalomolowe mate wola꞉ uhalomolowe mate pohalomolowa. Epame omali podlowa, epammama mo ma ala omali mate hallati podlowa.’

1 Kolin 10:14

Epapedeme mikadepe dle so namkadulo, wua꞉ biskapa god dla sisiyelowe koko tle alikili dla potaiya.

1 Kolin 5:11

Amasiyama na꞉tapo wua꞉ watle yu ilipo hamiwa ya꞉ dulu kokoye ipo elema. Oplami haletapo ya꞉skamu ya꞉ye mikadepe dle oplami depame matle batalimale koko ipapele halomhalemama matle ya꞉mkale putlomolowe koko mate epo kawata yú sikemte dlowe koko mate epo uhalowe koko mate halomhallepiye, epapele mate hatlope demiya.

1 Kolin 6:9

Epapedeme wua꞉ powua꞉malamata꞉, batalimale koko halomalalo sotapo God ya꞉ mo koko dla po-u-ulapo tulalo wekeloweye? Wua꞉ koko iye woloma malamaiya. Adipalati, opa mate wola꞉ mate uhalomalalo so mate, epo biskapa god dla sisiyelalo so mate, epo opa yimkadulo halomalalo so mate,

1 Kolin 8:7

Epapele dulu dla mikadepe dle so opitapo koko iye woloma sikemte pomalastepo ha꞉ha꞉sema. Adipalati, yia꞉tapo biskapa god opiye semte god ikadepe tepo demdepo. Epammama yia꞉tapo biskapa god dla namkale dle alisisi hapili halopo demama semte batalimale koko hamapo depame sikemte wowota꞉mdepo.

1 Yon 5:21

Epedeme na꞉ mamadulo namkadulo, wua꞉ wuskamu woloma omha꞉ha꞉mama biskapa god dla mikadepe dlalimiya.