Титке 3:2 - Наа Молҷағ

² ачығ тілге салынмасха, перінмеске, амыр тудынарға, прай кізее чахсы хылынарға чоохтапчат.

Титке 3:2 Iomraidhean Croise

Ефестегілерге 4:31

Полған на ыдырғахтаныс алай ӧкпеленіс, тарыныс алай аахтас, чабалланып чоохтанған хомай сӧс сірерде чох ползын.

Ефестегілерге 4:2

Постарыңны пазымнығ паза нымзах тудыныңар, тоозылбас тыстаныстығ полыңар. Удур-тӧдір, хыртыстаныспин, хыныс турыңар.

1 Тимофейге 3:3

ізеечі нимес, холын пос салбас, тімелбес, чаптанмас, че амыр, тартыспас, ахчаа чабдыланмас поларға кирек.

1 Петрның 3:10

Кем чуртасха хынча паза чахсы кӱннерні кӧрері килче, ол кізі ахсын чабал сӧстердең, тілін чой чоохтардаң тудынып одырзын.

1 Петрның 3:8

Ол оңдайнаң сірер прайларың пір сағыстығ, кізее ачынаачы, харындас-пиҷее хынаачы, паарсах, чалахай, пазымнығ поларға кирексер.

Иаковтың 4:11

Харындастар, удур-тӧдір хоп сығарыспаңар. Харындазының соона тӱсчеткен алай аны ӱзӱрчеткен кізі чахығны хоптапча. Чахығны ӱзӱрчетсең, син аны толдырбинчазың, че чарғылапчазың.

Галат чиріндегілерге 5:22

Худай Худы пирчеткен ниме, тізең, мындағ: хыныс, ӧрініс, амыр хоных, тыстаныс, паарсас, айас, киртініс,

Матфей 11:29

Мин нымзах паза пазымнығ чӱректігбін, аннаңар, Минің чӱгімні постарыңа артынып, Миннең ӱгреніңер, іди сірер тынағ табарзар.

1 Петрның 2:1

Ол оңдайнаң хайдағ даа чабал нимені, хайдағ даа алаахтырысты, чой хылынысты, чой чоохты постарыңнаң хыйа идіңер.

Иаковтың 3:17

Кізінің ӧӧртін килген хыйғазы – иң пурнада, арығ, анаң амыр, тың тапсабас, сӧс истеечі, паарсасха паза чахсы киректерге толдыра, кізілерні талластырбас паза чойырхабас ниме.

Галат чиріндегілерге 6:10

Ол оңдайнаң, тузыбыс ханҷа пар, анҷох прайларына чахсы ниме итчедербіс. Уламох пір киртіністегілерібіске.

Галат чиріндегілерге 6:1

Харындастар! Кізі пірее чазыхтың холына кір парза, сірер, Худай Худынаң устанчатхан кізілер, постарыңны пазынып, аны тӱзетчедіңер. Пос постарыңны, пірее хынығысха тартыл парыбыспасха тіп, сизініп одырыңар.

1 Тимофейге 3:11

Ипчілері дее аарласта ползыннар, хоп чайдырбас, сах сағыстығ, ноо даа нимеде киртістіг тудынзыннар.

1 Фессалониктегілерге 2:7

Піс, Христос илҷілері полчадып, улуғ кӧӧліг чиде тӱзер полғабыс. Че піс, сірернің араңарда полғаныбыста, сірерге, іҷе палаларына чіли, сағыссыраабыс.

Филипптегілерге 4:5

Сірернің амыр хылыхтарыңнаңар прай чон пілзін. Хан-пигібіс чағын килді.

1 Коринфтегілерге 9:19

Мин пос кізібін, хул нимеспін. Че оларны Худайға кӧбдин тартып алар ӱчӱн, мин позымны прайзына хул иттім.

2 Коринфтегілерге 12:20

Мин нимедең хорыхчам? Сірерзер килзем, минің кӧңніме кірбес кізілер пол парарларыңнаң хорыхчам. Минің дее тудынғаным сірернің кӧңнілеріңе кірбин парҷаң полбазын. Мин сірерге тоғассам, тартыстарны, істі чохтанысты, ӧкпеленісті, посха ла хынғанын, сӧклесчеткенін, чой чоохтар таратханын, кӧкеесімненісті, ай-пораан полчатханын кӧрерім килбинче.

2 Коринфтегілерге 10:1

Мин, Павел, сірернің араңарда полғанда, тідінмес, ырахтаң, тізең, сірерні хатығлаачы тіп тітірчеткен кізі, сірердең сурынчам. Христос чіли, амырнаң паза чахсынаң сірерге алданчам:

Илҷілернің 23:5

Аның иң улуғ абыс полчатханын мин, харындастар, пілбеем. Худай Пічиинде пазылған нооза: «Чоныңда устап-пастап парчатханын хомайлаба», – нандырған Павел.

Иуданың 1:10

Пу кізілер постары пілбинчеткен нимені хырысчалар. Аңнар чіли, нимені пілінмин итчелер, пос постарын чох иттірерлеріне ағылчалар.

Иуданың 1:8

Пу сын нимес азых чоохтарға сабыл парыбысхан кізілернең ідӧк полар. Олар ит-ханнарын ардатчалар, Худай ӱлгӱзіне тоғырланчалар паза ӧӧркі пастыхтарны сӧклепчелер.

2 Петрның 2:10

Пу чарғы кӱні улам ит-ханның кірліг хыҷыхтаныстарына салынчатхан паза Худай ӱлгӱзінең хыйа полчатхан кізілерні сағыпча. Андағ чой ӱгретчілер иртінчелер, ниме хынза, аны итчелер. Олар сабланыстығ ангеллерні дее, нимее салбин, сӧклепчелер.

1 Петрның 4:4

Амды сайбахха паза кӱлетке хада салынминчатханнарыңа хахап, олар сірерні сӧклеп чӧрчелер.

1 Коринфтегілерге 6:10

оғырларға даа, азымахчыларға даа, іскіҷілерге дее, чабал чоохтығларға даа, кӱҷӱрлерге дее Худай хан-чирі пирілбес.