Марк 7:9 - Наа Молҷағ

⁹ Анаң теен оларға: – Худай чахиин хыйыстырып, пос кибірлеріне тудынчатханнарың чахсы ба ол?

Марк 7:9 Iomraidhean Croise

Марк 7:13

Іди сірер, пос салған чозахтарыңа тудынып, Худай сӧзінең хыйа полчазар. Андағ ниме кӧп идедірзер.

Марк 7:3

Фарисейлер паза пасха даа иудейлер, пурунғылар кибірінең, хол иптеп чууп албаанда, азыранмаҷаңнар.

Марк 7:5

Анаң фарисейлер паза Моисей Чахии пілігҷілері Иисустаң сурғаннар: – Ноға синің ӱгренҷілерің, пурунғыларның кибірін сайбап, хол чуғбин халас чіпчелер?

Римдегілерге 3:31

Ол оңдайнаң піс киртінізібіснең чахығны чох итчебіс пе? Андағ нимес. Піс чахығны пик турғызарға полысчабыс.

2 Коринфтегілерге 11:4

Сірерзер піреезі киліп, піс ӱгретпеен Иисустаңар ӱгретчетселер, пістең албаан хутты ағылчатсалар алай пірее пасха «чахсы хабарнаң» килчетселер, сірер оларны кӧңнілеріңе алчазар.

Галат чиріндегілерге 1:14

Пістің сӧӧктегі пір кіримнерімнің аразында иудей чозахтарын мин прайзынаң артых толдырғам, ағаларыбыстың чахығларын кӧмес тее хыйыстырбасха кӱстенгем.

Галат чиріндегілерге 2:21

Худайның паарсазын хыйа итпинчем. Че ахтанғаны Моисей Чахииның пастыра иділчетсе, Иисус тикке ле ӧл парғанға килісче.

2 Фессалониктегілерге 2:4

Ол, Худайға тоғырланып, кізілер пазырчатхан прай нимедең пӧзік ӧӧрлир. Худай храмында ол, позын худай аданып, одыр салар.