Марк 7:4 - Наа Молҷағ

⁴ Садығдаң ниме ал килзелер, сырай-хол чайыбыспаанда, чирге пастабаҷаңнар. Тудынчатхан пасха даа кибірлері илееде полған: айах-чірче нимені, хазаннарын, сіреелерін чуғлабыспаанда, тудынмаҷаңнар.

Марк 7:4 Iomraidhean Croise

Матфей 23:25

Хыйал сірерге, Моисей Чахии пілігҷілері паза фарисейлер! Чойырхостар! Сірер чірче-айахтың тастын на арығлап салчазар, оларның істінде, тізең, азымахтаныс паза сын нимес нимелер толдыра.

Матфей 23:26

Харах чох фарисей! Пастап айахнаң чірченің істін арығлап сал, андада аның тасты даа арығ полар.

Матфей 27:24

Пилат, пір дее ниме полыспинчатханын, че сууластың улам тыыпчатханын кӧріп, суғ алып, холын чонның кӧзіне чуубызып, теен: – Пу арығ чӱректіг Кізінің ханы тӧгілерінде минің пыром чоғыл, сірер нандырығ тударзар. –

Марк 7:8

Сірер, Худай чахиин тасти, кізі кибірінең устанчазар: чірче-айахтарың чуупчазар, пасха даа андағох ла нимелер итчезер.

Иоанн 2:6

Анда тастаң иділген алты ідіс турған. Ол ідістерде иудейлер постарын арығланҷаң кибірде тузаланчатхан суғны тутчаңнар. Полған на ідіске ікі-ӱс синегҷе суғ кір парҷаң. –

Иоанн 3:25

Пірсінде Иоанның ӱгренҷілері иудейлернең посты арығланҷаң кибірдеңер талас сыхханнар.

Еврейлерге 9:10

Моисей Чахииның чарадығлары чиилчеткен, ізілчеткен нимелердеңер, аймах чууныстардаңар чоохтапчалар. Олар ідӧк кізінің істін алыстырбинчатхан чахығлардаңар чоохтапчалар. Олар Худай прай нимені наа оңдайнаң идібізер тусха теере пиріл парғаннар.

Иаковтың 4:8

Худайға чағдаңар – сірерге Ол чағдирох. Чазыхтығлар, холларың арығлабызыңар, ікі сағыстанғаннар, чӱректерің тӱзедібізіңер.

1 Иоанның 1:7

Худай чарыхта чӧрчеткен чіли, піс тее чарыхта чӧрчетсебіс, андада прайзыбыс пір палғалыстығ пол парчабыс, Худай Оолғының Иисус Христостың ӧлімі, тізең, полған на чазыхтаң пісті арығлапча.