Марк 4:6 - Наа Молҷағ

⁶ Кӱн сых килгенде, тізең, олар, чилегелері чох полып, салығып, хуруп чӧрібіскеннер.

Марк 4:6 Iomraidhean Croise

Матфей 13:6

Кӱн сых килгенде, тізең, хулғалар, чилегелері чохта, салығып, хуруп парғаннар.

Марк 4:5

Хайзы тастығ, тобырағы ас чирге тӱскен паза, тобырағы халын ниместеңер, табырах ӱт килген.

Марк 4:7

Пасхазы тігенек аразына тӱскен. Тігенек кӱс алыныбысханда, ӱренні пас парыбысхан, анзы паза ӧӧрлен полбаан.

Ефестегілерге 3:17

Христос чӱрееңерде киртіністерің пастыра ползын тіп, алданчам.

Колоссадағыларға 2:7

Христоста тамырларыңны салыңар, Анда постарыңны пӱдіріңер. Киртіністе, сірерні ӱгреткен хоостырох, пик турыңар. Чӱректерің алғыстасха толынзын.

2 Фессалониктегілерге 2:10

Арачыланыс пирчеткен сын сӧстерге хынмааннаңар паза алынмааннаңар, ӧлімге парчатхан кізілерні алаахтырып алар ӱчӱн, ол аймах чабал оңдайларнаң тузаланар.

Иаковтың 1:11

Кӱн сыхса, ізіг пол килче, кӱн ізиине от хурупча, чахайах салыхча, сілиин чідірче. Ідӧк пай кізі дее позының чолында салых парыбысча.

Иуданың 1:12

Сірер хада азыранчатхан чыылығларда олар суғ алтындағы хайалар осхас хорғыстығлар. Чоо сабыныбызарға ӱр нимес. Олар чил сӱр чӧрген, наңмырлары чох пулуттарға, кӱскӱде дее чистек пирбинчеткен, чирдең ходырыл парған ағастарға тӧӧйлер – тірілбеске ӧліглер.

Азых чоох 7:16

Ӱлгӱ сіреезінің ортызында турчатхан Хураған, оларны хадарып, тіріг хара суғзар ал чӧрер. Аннаңар олар паза ӧзӧкпестер, сухсабастар, кӱн паза хайдағ даа ізіглер оларны ӧртебестер. Худай, тізең, оларның полған на харах чазын чызыбыс турар.