Марк 2:8 - Наа Молҷағ

⁸ Иисус, аны сах андох піл салып, оларға теен: – Чӱректеріңе ноға андағ сағыс алынчазар сірер?

Марк 2:8 Iomraidhean Croise

Матфей 12:15

Аның соонҷа кӧп чон парған. Ол ағырығларынаң прайзын имнебіскен.

Матфей 16:7

Анзын халас албааныбыстаңар тіпче полар, – чоохтасханнар ӱгренҷілері постары аразында.

Матфей 9:4

Иисус, оларның сағыстарын піл салып, теен: – Ноға чӱректеріңде іди хомай сағынчазар?

Марк 2:9

Чадығдағы кізее ниме тирі оой? «Синің чазыхтарың позыдылчалар» алай «Тур, тӧзегің алып, пар?»

Марк 7:21

Кізінің істінең, чӱреенең сыхча чабал сағыс, чӧреес хылых, оғырлас, ӧдіріс,

Лука 24:38

Че Иисус оларға теен: – Нимее хорых пардыңар? Ноға андағ сағыстар чӱректеріңе кірче?

Лука 5:22

Иисус, оларның сағыстарын сизініп, теен: – Ноға чӱректеріңде андағ сағыстар ал чӧрчезер?

Лука 6:8

Че Иисус, оларның сағыстарын піліп, холы хуруп парған кізее теен: – Турып, чон алнына сых! Ол кізі, турып, алнынзар сыххан.

Иоанн 21:17

Иисус ӱзінҷі хати сурған: – Ионаның оолғы, Симон! Син Мағаа хынчазың ма? Іди Иисус «Мағаа хынчазың ма» ӱзінҷізін сурғанда, Пётр, хомзын парып, Иисусха нандырған: – Хан-пигім! Сағаа хынчатханымны, Син пілчезің. – Минің хойларымны хадар.

Иоанн 6:64

Че сірернің араңарда киртінминчеткеннер парлар. Иисус, Позына киртінминчеткеннерні паза Позын садыбызар кізіні пастабох пілгеннеңер, мыны чоохтаан.

Илҷілернің 5:3

Че Пётр теен: – Ананий! Ноға син, садығ ахчазының пір чардығын харанға чыып салып, Худай Худын алаахтырардаңар сағысты чӱрееңе кирерге сайтанға чараттың?

Илҷілернің 8:22

Аннаңар, пу чазығың ӱчӱн пыросынып, Хан-пиге пазыр: арса, Ол пу чӱрееңнең сыххан сағызыңның пырозын тастир.

Еврейлерге 4:13

Худайдаң пір дее ниме чазыр полбассың. Прай чайалған ниме Аның хараа алнында паза Ағаа азых. Аның алнында піс иткен киректерібіс ӱчӱн нандырығ тударбыс.

Азых чоох 2:23

Мин аның палаларына ӧлім ызарбын. Кізілер чӱректерінің паза сағыстарының сыныхтағҷызы полчатханымны прай тигіриблер піліп аларлар. Сірерге, полғаныңарға ла, иткен киректерің хоостыра тӧлеп пирербін.