Марк 13:8 - Наа Молҷағ

⁸ Чон чоннаң, хан ханнаң тоғыр кӧдірілер. Анда-мында чир тітірир, хорылыс, ӧзӧгіс пол сығар. Прай пу нимелер пала тӧрирде пасталчатхан тулғахтар осхастар.

Марк 13:8 Iomraidhean Croise

Матфей 24:8

Прай пу нимелер пала тӧрідерде пасталчатхан ағырығлар осхастар.

Марк 13:7

Чағынғы паза ыраххы чаалардаңар ис салзаңар, хорыхпаңар. Прай ол полҷаң ниме, че анзы ам даа тӱгенҷізі нимес.

Марк 13:9

Сірер, тізең, китеніңер. Сірерні ах сағалларның чарғызына тартарлар паза синагогаларда соғарлар. Миннең ӱчӱн сірерні хан-пиглернің алнында Миннеңер киречілирге турғызарлар.

Илҷілернің 11:28

Оларның пірсі Агав, Худай Худы тол парып, тӱрче полза, прай чир ӱстӱнде илбек ӧзӧгіс полар тіп, ухаанҷылаан. Ол ӧзӧгіс сыннаң даа Клавдий хаған тузында полған.

1 Фессалониктегілерге 5:3

Хаҷан «Ізестіг амыр паза хорығыс чох тус» тіпчетселер, пала таапчатхан ипчінің толғахтары пасталғанни, кинетін сайбағлар тузы чиде тӱзер – аннаң пірдеезі ос полбас.

Азых чоох 6:4

Анаң чигрен ат сых килген. Атха мӱн салған кізее, удур-тӧдір ӧдіріссіннер тіп, амыр хоныхты чир ӱстӱнең чох идібізерге ӱлгӱ пирілген. Ідӧк ағаа улуғ хылыс пирілген.