Марк 1:21 - Наа Молҷағ

²¹ Анаң олар Капернаумзар читкеннер. Тӱрче поларынаң, суббота кӱнде, Иисус, синагогазар киліп, анда ӱгреткен.

Марк 1:21 Iomraidhean Croise

Матфей 4:13

Ол, Назареттең сығып, Завулон паза Неффалим чирлерінзер киліп, Галилей кӧлінің хазындағы Капернаум саарда чуртап сыххан.

Матфей 4:23

Иисус, синагогаларда ӱгредіп, Тигір хан-чирінеңер Чахсы Хабарны чоохтап, аймах-пасха ағырығлардаң ағырчатхан алай сағ чохтанчатхан кізілерні имнеп, прай Галилей чирінҷе чӧрген.

Марк 1:20

Оларны сах андох хада парарға хығырыбысхан. Олар даа, Зеведей пабаларын тоғынҷыларынаң хада кимеде артыс салып, Иисустың соонҷа пар сыхханнар.

Марк 1:29

Аның соонаң олар, Иаковнаң паза Иоаннаң хада синагогадаң сығып, Симоннаң Андрейнің ибіне килгеннер.

Марк 1:33

Ол тураның ізии алнында прай саар чоны чыыл парған.

Марк 1:39

Анаң Ол, тиксі Галилей чирінҷе чӧріп, синагогаларда кізілерні ӱгреткен паза чабал хуттарны сығара сӱрген.

Марк 10:1

Иисус, андартын чол сығып, Иордан суғның озаринзар, Иудей чирінзер, килген. Иисуссар пазох кізілер чыылысханнар. Ол пазох оларны ӱгреде чоохтаан.

Марк 2:1

Нинҷе-де кӱн пазынаң Иисус пазох Капернаумзар килген. Аның хайда тӱскенінеңер сағба чонға тараан.

Марк 3:1

Иисус пазох синагогазар килген. Анда холы хуруп парған кізі полған.

Марк 6:2

Суббота кӱн читкенде, Иисус синагогада ӱгредіп пастаан. Аны кӧп кізі искен. Олар, чапсызып, чоохтасханнар: – Анзы чи хайдаңдыр анда? Хайдағ хыйға пирілді ағаа? Пу хайхастар аның холларынаң хайди иділчелер ни зе?

Лука 10:15

Син дее, Капернаум, тигірзер ӧӧрлеттірерзің ме? Чох, чир тӱбінзер тастаттырарзың!

Лука 13:10

Суббота кӱнде Иисус пір синагогада кізілерні ӱгреткен.

Лука 4:16

Иисус ӧскен чирінзер, Назарет саарзар, айлан килген, субботада, мының алнындағох чіли, синагогазар парып, Худай Пічиин хығырарға турған.

Лука 4:23

Иисус оларға теен: – Сірер Мағаа «Имҷі! Позыңны имнеп ал!» тіп сӧспекті хайди даа чоохтирзар. Ідӧк сірер Мағаа тирзер: «Капернаумда иткен нимелеріңні искебіс, мында даа, позыңның тӧреен чиріңде, ит оларны».

Илҷілернің 17:2

Павел позының оңдайынҷа синагогазар кіріп, ӱс суббота изере кізілернең Худай Пічиин ӱзӱрген.

Илҷілернің 18:4

Суббота сай Павел синагогада иудейлернең паза гректернең чоохтазып, оларны киртіндірерге кӱстенген.