Иоанн 5:3 - Наа Молҷағ

^3-4 Ол коридорларда харах чох, ахсах, пас чӧр полбинчатхан уғаа кӧп ағырығ кізілер чатханнар. Худай ангелі, чуунҷаң орынзар пірее-пірее тӱзіп, суғны пулғабыс турҷаң. Іди пулғалған суға иң пурун кірген кізі хайдағ даа ағырығдаң чазыл парҷаң. Аннаңар ағырығ кізілер суғның чайхаларын сағааннар.

Иоанн 5:3 Iomraidhean Croise

Матфей 15:30

Анаң кӧп чон, постарынаң хада ахсахтарны, харах чохтарны, тіл чохтарны, кинектерні паза даа пасха ағырыға пастырчатханнарны Иисуссар ағылып, оларны Аның азағын алдыра салғаннар. Анзы, тізең, оларны имнебіскен.

Матфей 4:24

Иисустаңар хабар прай Сирий чирінҷе тараан. Андар чадығдағыларны, аймах ағырығларға пастырчатханнарны, талчатханнарны, айна кіргеннерні, алҷаахханнарны, чӱллері пос кізілерні – прайзын ағыл килҷеңнер. Иисус прайзын чазылдырған.

Лука 7:22

Иисус, тізең, оларға нандырып, теен: – Парыңар, Иоаннға кӧрген паза искен нимелердеңер чоохтап пиріңер: харах чохтар кӧр сыхчалар, ахсахтар пас сыхчалар, чызығ палығлығлар арығланып алчалар, туныхтар ис сыхчалар, ӧліглер тіріл килчелер, чох кізілерге Чахсы Хабарны искірчелер.

Иоанн 5:2

Иерусалимде «Хой Хаалхазы» хыринда ӱстӱ чабых пис коридорлығ, еврей тілінең «Вифезда» тіп адалчатхан чуунҷаң орын пар полған.

Римдегілерге 8:25

Кӧрінминчеткен нимее ізенчетсебіс, андада тыстанып ала сағыпчабыс.

Иаковтың 5:7

Че, харындастар, Хан-пиг килерін тыстаныснаң сағыңар. Мына хыраҷы чирдең аарлығ ниміс сахтапча. Аны алар ӱчӱн, ол наңмыр чаарын часхы-кӱскӱзін тыстанып сағыпча.