Иоанн 13:4 - Наа Молҷағ

⁴ Прай пу нимені піліп, столдаң турып, тастындағы кип-азаан суурыбызып, чызынҷах алып алып, хурчаныбысхан.

Иоанн 13:4 Iomraidhean Croise

Лука 12:37

Часкалығлар нымысчылар, хаҷан, ээзі нандыра айланып, оларның узубинчатханнарын кӧрзе. Сынны чоохтапчам сірерге, ол пай кізі, хурын хурчанып, нымысчыларын стол кистіне одыртып, оларның алнында хайынар.

Лука 17:7

Сірернің хайзыңар, хыра тартхан алай хой хадарған соонда, чазыдаң ибзер айланған чалҷыны «Табырах кил, стол кистіне одыр» тіп хығырар?

Лука 17:8

Іди чоохтанар орнына «Чіҷең ниме тимнеп пир, анаң, арығ сӱбӱрек алныңа палғанып алып, чіп-ізіп алғанымҷа, хыримда хайын чӧр, соонаң позың чіп-ізіп аларзың» тібес пе ни?

Лука 22:27

Хайзы улуғ: стол кистінде одырчатханы ба алай аның ибіре хайын чӧрчеткені бе? Стол кистінде одырчатханы нимес пе зе? Мин, тізең, сірернің араңарда нымысчы осхаспын.

Иоанн 13:12

Иисус, ӱгренҷілерінің азахтарын чууп салып, Позының кип азаан кизіп алып, пазох одыр салған. Анаң чоохтанған: – Сірерге ниме ит пиргенімні піл полдыңар ба?

2 Коринфтегілерге 8:9

Хан-пигібіс Иисус Христостың паарсазын пілчезер нооза. Ол Позы, пай полчадып, сірернің ӱчӱн чох-чоос полыбысхан. Позы чох-чоос полыбысханынаң сірерні пай ит саларға хынған.

1 Иоанның 3:11

Сірер Иисус Христосха киртініп пастаан туста искен чахсы хабар мындағ: піс удур-тӧдір хынызарға кирекпіс.