Иоанн 10:3 - Наа Молҷағ

³ Ағаа хадағҷы ізік ас пирче. Хойлар аның ӱнін исчелер, ол, хойларны аттарынаң адап, сығарча.

Иоанн 10:3 Iomraidhean Croise

Иоанн 10:14

Мин чахсы хадарҷыбын, позымның хойларымны пілчем, олар, тізең, Мині пілчелер.

Иоанн 10:16

Минің пасха даа хойларым пар, олар пу хазаадаң ниместер. Оларны даа пеер ағыл килерге кирекпін. Олар даа Минің ӱнімні истерлер. Андада пір ӧӧр паза пір Хадарҷы полар.

Иоанн 10:4

Ол, хойларын сығарып, алнында парча. Хойлар, аның ӱнін таныпчатханнаңар, соонҷа парчалар.

Иоанн 10:9

Мин ізік полчам. Миніңҷе кірчеткені арачылан халар. Ол, кіріп, сығар паза пӱк табар.

Иоанн 6:37

Пабамның Мағаа пирчеткен кізілері прайзы Минзер килерлер. Минзер килчеткен кізіні Позымнаң хыйа сӱрбеспін.

Иоанн 6:45

Ухаанҷылар піди пасханнар: «Худай оларның полғанын на ӱгрет салар». Пабамны искен паза Аннаң ӱгреніп алған кізінің полғаны ла Минзер киледір.

Римдегілерге 8:30

Кемні турғыс салған, тізең, оларныох хығыртхан. Кемні хығыртхан, оларныох ахтаан. Кемні ахтаан, тізең, оларныох саблаан.

1 Коринфтегілерге 16:9

Минің мында тӱзімніг тоғынып алар оңдайым пар, че ыырҷыларым кӧп.

Филипптегілерге 4:3

Синнең дее, сын хабасчымнаң, сурынчам, полыс пир оларға. Олар миннең, Климентнең паза аттары чуртас киндезіне киріл парған пасха даа тоғынҷыларнаң хада Чахсы Хабарны тарадарында араласханнар.

Колоссадағыларға 4:3

Пістеңер дее ідӧк пазырчадыңар. Худай піске Христостың чазыдынаңар сӧсті чарлирға чол ас пирзін. Пу чазыттың ӱчӱн мин кинҷедебін нооза.

2 Тимофейге 2:19

Че тӧзінде салылған Худай тазында мындағ таңма: «Хан Худай Позының чонын пілче» паза «Хан Худайның адын алынған кізінің полғаны ла чой киректең тӧдір пассын».

1 Петрның 1:12

Ухаанҷылар, постарының нимес, сірернің ӱчӱн анзын итчеткенін Худай оларға ас пирген. Амды, тізең, ол ниме сірерге Чахсы Хабардаңар чоохтаан кізілердең пастыра чарлал парды. Ухаанҷылар тигірдең ызылған Худай Худының хоостыра анзын сірерге чарлааннар. Ангеллер дее пу хабарның ниме полчатханын оңарып аларға хынчалар.

1 Иоанның 4:6

Піс Худайдаңмыс. Худайны пілчеткен кізі пісті исче, че кем Худайдаң нимес, ол пісті испинче. Мына піди піс сын Хутты паза тайма хутты піліп алчабыс.

3 Иоанның 1:14

Тӱрчедең сағаа тоғазып, кӧстең кӧске чоохтазып аларыма ізенчем.

Азых чоох 20:15

Кемнің ады-солазы чуртас пічиинде пазылбаан полған, ол кӧйчеткен кӧлзер тастатхан.

Азых чоох 3:20

Мына Мин, ізік алнында турып, тохлатчам. Кем, ӱнімні ис салып, ізік ас пирер, Мин, андар кіріп, аннаң хада азыранарбын, ол даа Миннең хада азыранар.