Иоанн 1:4 - Наа Молҷағ

⁴ Сӧсте чуртас полған, чуртас, тізең, кізілернің чарии полған.

Иоанн 1:4 Iomraidhean Croise

Матфей 4:16

Харасхыда одырчатхан чон илбек чарыхты кӧр салған, ӧлім кӧлек тӱзірген чирде чуртапчатхан чонға таң чарып килген».

Лука 2:32

Ол Синің Израиль чоныңа сабланыс ағылар паза прай пасха чоннарға піліс пирчеткен чарых полар.

Иоанн 11:25

Мин ӱрееннерні тірілдірчем паза чуртас Ээзі полчам. Мағаа киртінчеткен кізі, ӱреп тее парза, чуртир.

Иоанн 12:35

Чарых сірернең хада ӱр полбас. Чарых мындада, харасхы сірерге тӱспезін тіп, чарыхта чӧріңер. Харасхыда чӧрчеткен кізі хайдар парчатханын пілбинче.

Иоанн 12:46

Мин Чарыхпын. Мағаа киртінчеткен кізі харасхыда халбазын тіп, чир-чалбахсар килгем.

Иоанн 14:6

Чол, Сын паза чуртас – Минмін. Мағаа киртінчеткен кізі ле Пабамзар пар полар, Мин чох пірдеезі пар полбас.

Иоанн 3:19

Ноға олар чарғылатыртханнар? Чир-чалбахха Чарых килген, че кізілернің иткен киректері чабал полғаннаңар, олар харасхаа Чарыхтаң артых хынғаннар.

Иоанн 5:21

Хайди Пабазы ӧліглерге, тірілдіріп, чуртас пирче, Оолғы даа, кемге пирерге хынза, ағаа чуртас пирче.

Иоанн 5:26

Хайди Пабазы Позы чуртастың хара-суу полча, Оолғына даа Позына чуртастың хара-суу поларға оңдай пирген.

Иоанн 8:12

Иисус пазох кізілерге чоохтанған: – Мин чир ӱстӱнің Чарии полчам. Минің ӱгредиимҷе чуртапчатхан кізі харасхыда чӧрбес, аның чуртас пирчеткен Чарии пар полар.

Иоанн 9:5

Сағам Мин пу чир ӱстӱндеде чирнің Чарии Мин полчам.

Илҷілернің 26:23

Иудейлерге паза пасха чоннарға арачыланыстаңар чарыхты искірер ӱчӱн, Мессий ирееленіп ӧл парғаннарның аразында тірілгеннернің пастағызы полған.

1 Коринфтегілерге 15:45

Худай Пічиинде пазылых: пастағы кізі Адам чуртапчатхан тын полған, тӱгенҷі Адам, тізең, тірілдірчеткен хут полча.

Ефестегілерге 5:14

Аннаңар тидірлер: «Тур, узупчатхан кізі, ӧлімнең тіріл кил, сині Христос чарыдыбызар».

Колоссадағыларға 3:4

Сірернің чуртазыңар полчатхан Христос азылза, сірер дее Анынаң хада сабланыстығ азыларзар.

1 Иоанның 1:1

Чуртас пирчеткен Сӧстеңер сірерге пасчабыс. Ол чир чайалғалахтох пар полған, піс, тізең, Аны искебіс, харахтарыбыснаң кӧргебіс, кӧрглеп, холларыбыснаң теңебіс.

1 Иоанның 1:2

Чуртас пирчеткен Сӧс іле сыхханда, піс Аны кӧргебіс. Кӧріп, Аннаңар киречілепчебіс. Пабабыснаң хада полған паза піске кӧрінген мӧгі чуртастаңар сірерге искірчебіс.

1 Иоанның 5:11

Мына Аның киречілезі: Худай піске мӧгі чуртас пирген, ол чуртас, тізең, Аның Оолғынаң килче.

Азых чоох 22:1

Анаң ангел мағаа Худайның паза Хурағанның ӱлгӱ сіреезінең ахчатхан, кристалл осхас чарых, чуртастың арығ ағын суун кӧзіт пирген.

Азых чоох 22:16

Мин, Иисус, мыны сірерге тигіриблерде киречілир ӱчӱн, Позымның Ангелімні ызыбысхам. Мин Давид ханның чилегезі паза тӧлібін. Мин иртенгі чарых чылтыспын.