Иаковтың 5:16 - Наа Молҷағ

¹⁶ Чазыхтарыңны удур-тӧдір сығарынызыңар. Чазыл парар ӱчӱн, пірсі пірсінің ӱчӱн пазырыңар. Арығ чӱректіг кізінің пазырғаны улуғ кӱстіг ниме.

Иаковтың 5:16 Iomraidhean Croise

Матфей 21:22

Киртініп ала, Худайдаң ниме дее сурзаңар, ол нимені аларзар.

Матфей 3:6

Иоанн оларны, чазыхтары ӱчӱн пыросынған соонда, Иордан суғда кіреске тӱзірҷең.

Марк 1:5

Прай Иудей чирінің паза Иерусалимнің чуртағҷылары иоаннзар килгеннер, чазыхтары ӱчӱн пыросынғаннар, Иоанн оларны Иордан суғда кіреске тӱзірген.

Лука 9:6

Ӱгренҷілері аалларҷа чӧр сыхханнар. Олар, Чахсы Хабардаңар чоохтап, полған на чирде кізілерні имнееннер.

Иоанн 9:31

Худайның чазыхтығ кізілерні испинчеткенін пілчебіс. Ол Позын улуғлапчатхан паза Аның кӧңнін толдырчатхан кізіні ле исче.

Илҷілернің 10:38

Хайди Худай Позының Худын паза кӱзін Назареттегі Иисусха пиргенін, пілчезер. Иисус, тізең, Худай Анынаң хада полғаннаңар, кізілер аразынҷа чӧріп, чахсы нимелер иткен паза сайтанға хаптырғаннарның прайзын имнебіс турған.

Илҷілернің 19:18

Киртін парғаннарның кӧбізі, тізең, Павелзер киліп, постарынаңар паза иткен чазыхтарынаңар кӧні чоохтааннар.

Илҷілернің 8:24

Сірер дее, чоохтаан нимелеріңнің пірдеезі мағаа тӱспезін тіп, миннең ӱчӱн Хан Худайға пазырыңар, – нандырған Симон.

Римдегілерге 3:10

Пазылых нооза: «Орта чоллығ пір дее кізі чоғыл».

Римдегілерге 5:19

Пір кізінің чоох испеені ӱчӱн кӧп кізі чазыхтығ пол парған. Сах ідӧк пір кізі чоох искенінің ӱчӱн кӧп кізі ахтанып алар.

Колоссадағыларға 1:9

Аннаңар піс тее, мыны ис салған кӱннең сығара, сірердеңер тохтағ чох пазырчабыс. Худай Позының пӧгіннерінеңер сірерге толдыра піліс пирзін тіп, Аннаң сурынчабыс. Іди сірер хайдағ даа нимеде хыйға тудынарзар паза Худай Худынаң пирілчеткенні оңар пілерзер.

1 Фессалониктегілерге 5:17

сыбыра пазырыңар,

1 Фессалониктегілерге 5:23

Амыр пирчеткен Худайыбыс Позы сірерні тооза ах-арығ ит салзын. Хан-пигібіс Иисус Христостың килеріне сірернің худыңар, кӧңніңер, идіңер пырозы чох хайраллал халзыннар.

1 Фессалониктегілерге 5:25

Харындастар, пістеңер пазырыңар,

Еврейлерге 11:4

Авель Худайға киртінген. Аннаңар аның тайии Каиннинең артых полған. Авельнің киртінізін кӧріп, Худай аның арығ чӱректіг полчатханын киречілеен. Аннаңар Худай аның тайиин алған. Авель ӧл тее парған полза, аның киртінізі пӱӱнгі кӱнге теере піске кӧзідім полча.

Еврейлерге 11:7

Ной Худайға киртінген. Худай хайдағ ниме поларын сизіндіргенде, Ной анзын пос хараанаң кӧргелек тее полза, Худайның чооғын истіп, керіп пӱдір салған. Ол керіпте позын паза сӧбірезін ал халған. Пу оңдайнаң Ной тилекейні чарғылаан. Ол, киртінгеннеңер, ахтатхан.

Еврейлерге 12:13

Кӧні чолларҷа чӧрінер: ахсапчатхан кізі частыхпазын, че айдас пол парзын.

Еврейлерге 13:18

Пістің ӱчӱн пазырыңар. Піс хаҷан даа орта идерге кӱстенчебіс. Аннаңар пістің сағыстарыбыс пісті чарғылабинчалар.

1 Петрның 2:24

Пістің чазыхтарыбысты Ол Позының иді-ханынаң ӧӧре кӧдірібіскен паза кіреске хазатырт салған. Ол анзын пістің чазыхха ӧл парарыбыстың, орта чуртасха, тізең, айлан парарыбыстың ӱчӱн иткен. Аның палығлары сірерні чазылдыр салғаннар.

1 Иоанның 3:22

Худайның чахығларын толдырчатханыбыс паза Аның кӧңніне кірчеткен нимелерні итчеткенібіс ӱчӱн, Худайдаң ниме дее сурзабыс, аны алчабыс.