Иаковтың 4:5 - Наа Молҷағ

⁵ Алай сірер Худай Пічиинде «пісте чуртапчатхан хут кӱннеенҷе хынча» теенін тик нимее санапчазар ба?

Иаковтың 4:5 Iomraidhean Croise

Иоанн 10:35

Худай Пічиинде пазылғанын, тізең, пірдеезі саба тіп чоохтап полбас. Худай, Позының сӧзін кізілерге ызып, оларны «худайлар» тіп адапчатса, ноға «Худай Оолғыбын» тіп чоохтанчатханыма, «Худайны хомайлапчазың» тіпчезер Мағаа, Кемні Пабам, чарыдып, чир ӱстӱнзер ысхан.

Иоанн 19:37

Худай Пічиинде хоза піди пазылған: «Чыданаң састырған кізіні кӧрерлер».

Иоанн 7:42

«Мессий-Христос Давид ханның тӧлі полар паза Вифлеемде, Давидтің аалында, тӧрир» тіп, Худай Пічиинде пазылған нимес пе зе?

Илҷілернің 7:9

Иаковтың ооллары, атархап, Иосиф харындастарын Египетсер садыбысханнар, че Худай анынаң хада полған.

Римдегілерге 1:29

Олар сын нимес нимее, оралысха, кӧйтіктеніске, чаптанысха, чабалланысха, істі чохтанысха, ӧдіріске, тартысха, чойланысха, чабал хылыхха, пат парғаннар.

Римдегілерге 9:17

Худай Позының Пічиинде фараонға тіпче нооза: Мин сағаа Позымның кӱзімні кӧзідерімнің паза Минің Адым прай чир ӱстӱне сабланарының ӱчӱн сині турғыс салғам.

1 Коринфтегілерге 6:19

Алай иді-ханыңар пісте чуртапчатхан сірерге Худайдаң пирілген Худай Худының храмы полчатханын пілбинчезер бе? Аннаңар сірер постарыңни нимессер нооза.

2 Коринфтегілерге 6:16

Худай храмында обаалар турғызар ба? Піс, тізең, тіріг Худайның храмы полчабыс. Худай піди теен нооза: «Мин оларның аразында Позыма тура пӱдіріп аларбын паза оларнаң хада чуртирбын. Оларның Худайы поларбын, олар, тізең, Минің чоным поларлар».

Галат чиріндегілерге 3:8

Худай киртініс пастыра пасха чоннарны ахтап салар тіп, Худай Пічиинде азынадох чоохталған полған. Авраамға даа Чахсы Хабарның пастыра азынада чарлалған: синнең прай чоннар алғас аларлар.

Титке 3:3

Хаҷан-да піс тее, ырах сағынмин, сӧс испин, астых чӧрген полғабыс. Хыҷаланыстарға, чуртас хыниина салынған хуллар полғабыс, чабалласта, істі чохтаныста, удур-тӧдір хырт кӧрізіп чуртаабыс.