Иаковтың 2:6 - Наа Молҷағ

⁶ Сірер, тізең, чохты нимее салбин полдар. Пайлар сірерні хыйыхтапча ниместер бе? Сірерні чарғаа тартчатханнар олар ниместер бе?

Иаковтың 2:6 Iomraidhean Croise

Иоанн 8:49

Минде айна чоғыл. Мин Пабамны улуғлапчам, сірер, тізең, Мині улуғлабинчазар, – нандырған Иисус. –

Илҷілернің 13:50

Че иудейлер Худай кибірліг паза чонға улуғлатчатхан иудей нимес ипчілерні, ідӧк саардағы устағҷыларны Павелнең Варнавадаң тоғыр кӧӧктіріп, оларға истіг чуртас пирбинібіскеннер, соонаң оларны постарының чирлерінең сығара сӱрібіскеннер.

Илҷілернің 17:6

Че оларны таппин, иудейлер Иасонны паза киртінчеткен харындастарның хай піреезін, хаап алып, саар пастыхтарынзар апарғаннар. – Прай чирні ай-пораан итчеткеннер пеер читтірлер!

Илҷілернің 18:12

Ахай чирінің пастығына Галлионны турғыс салғаннарында, иудейлер, пос аразында чӧптезіп алып, Павелні тудып алғаннар, анаң аны чарғаа ағыл килгеннер.

Илҷілернің 8:3

Савл, тізең, тигіриб чонын сайбаан; турадаң тураа кіріп, иреннернең ипчілерні хаап, харибге чаптыр салып одырған.

1 Коринфтегілерге 11:22

Иблерің чоғыл ба, чіп-ізіп аларға? Алай Худай тигірибін нимее салбин, чохтарны пазынҷыхтапчазар. Ниме чоохтирбын сірерге? Аның ӱчӱн махтим ма? Чох, махтабаспын.

Иаковтың 2:3

сірер, пай тонанғанына кӧріп, «тӧрзер иртіп одырыңар», чох-чоозына, тізең, «син тігде тур сал» алай «мында, азаам хыринда одыр» тіп салзаңар,

Иаковтың 5:4

Мына хыраларыңда ас тоғынғаннардаң хыза саап алған чал ахчазы аахтапча, ас саапчатханнарның даа аахтааны прайзынаң кӱстіг Хан Худайның хулаана читті.

Иаковтың 5:6

Сірер ах-арығ кізіні, чарғылап, ӧдір салғазар. Ол сірерге тоғырланмаан.