Иаковтың 2:23 - Наа Молҷағ

²³ Пічікте «Авраам Худайға киртінгеннеңер, Ол аны ахталған тіп санаан паза Худайның арғызына адаан» тіп пазылғаны толдырылған.

Иаковтың 2:23 Iomraidhean Croise

Марк 12:10

Нӧӧс сірер Худай Пічиинде «Пӱдірігҷілернің хыйа тастаан тазы соонаң, тура пулиин тутчаң иң кирек тас пол парған» теенін хығырбаазар?

Марк 15:27

Иисуснаң хада ікі тонағҷыны хазааннар: пірсін Аның оң саринда, пірсін, тізең, сол саринда.

Лука 4:21

Ол, тізең, кізілерге теен: – Пічікте пазылған паза сірер искен ниме пӱӱн сірернің алныңарда тол парды.

Илҷілернің 1:16

(Ол чыылығда пір чӱс чибіргіҷе кізі полған.) – Харындастар! Худай Худы Иудадаңар, Иисусты хаап алғаннарның устағҷызынаңар, Худай Пічиинде Давидтең пастыра ухаанҷылаан полған. Ол ухаанҷылас тол парарға кирек полған.

Римдегілерге 11:2

Худай Позының азынада пілген чонын хыйа сӱрбеен. Алай Худай Пічиинде Илия ухаанҷыдаңар ниме пазыл парғанын пілбинчезер бе? Илия Израиль чонын Худайға піди хоптаан:

Римдегілерге 9:17

Худай Позының Пічиинде фараонға тіпче нооза: Мин сағаа Позымның кӱзімні кӧзідерімнің паза Минің Адым прай чир ӱстӱне сабланарының ӱчӱн сині турғыс салғам.

Галат чиріндегілерге 3:22

Че Худай Пічии прайзын чазыхтығ тіп чарлаан. Аннаңар Худай молҷаа Иисус Христосха киртініс пастыра киртінчеткеннерге пирілче.

Галат чиріндегілерге 3:6

Авраам Худайға киртін парған. Аннаңар Худай аны ахталғанға санаан.

2 Тимофейге 3:16

Прай Ызых Пічиине Худай тын кирче, Ол ӱгредіге, чӧп пиреріне, читпестерні іле сығарарына, орта чуртирына ӱгретче.

Иаковтың 2:24

Кӧрчезер бе, кізі киртініснең не нимес, че киректерінең дее ахтанчатханын.

1 Петрның 2:6

Худай Пічиинде піди пазыл парған нооза: Мына Мин Сион тағның пазында тура тӧзін тутчатхан тасты салчам. Ол таллаан аарлығ тас. Ағаа киртінчеткен кізі уйатха кірбес.