Иаковтың 1:25 - Наа Молҷағ

²⁵ Сірерні пос итчеткен Худайның чахсы чахиин тирең ӱгреніңер, аны толдырчатсаңар паза искен нимені ундубинчатсаңар, Худай сірернің прай киректеріңні алғап пирер.

Иаковтың 1:25 Iomraidhean Croise

Лука 11:28

Худай сӧзін дее, истіп, толдырчатханнар, часкалығлар! – нандырған Иисус.

Иоанн 13:17

Сірер, пу нимені пілчетсер паза толдырчатсар, часкалығзар.

Иоанн 8:36

Оолғы сірерні осхырып алза, андада сірер сыннаң даа пос чуртастығ кізілер пол парарзар.

Илҷілернің 13:43

Чыылған чон таразыбысханда, кӧп иудейлер паза иудейлерге хозылған иудей ниместер Павелнің паза Варнаваның соонҷа парғаннар. Павелнең Варнава, кізілернең чоохтазып, оларны Худай паарсазында поларға чӧптееннер.

Илҷілернің 2:42

Олар, тӧреміл илҷілернің ӱгредіглерінде полып, тоғазығларда аралазып, хада чиис чіп, пазыр турҷаңнар.

Илҷілернің 26:22

Пӱӱнгі кӱнге теере Худай мағаа полысхан. Мин, турып, мындағ ниме поларынаңар ухаанҷыларның паза Моисейнің чоохтааннарынаң артых пір дее ниме чоохтабин, улуғ-кічіге киречілепчем:

Римдегілерге 11:22

Худайның паарсах таа, хатығ даа хылынчатханын сизініп одыр: Позынаң хыйа полыбысханнарға хатығ хылынча, Худайның паарсазында чӧрерге кӱстенчетсең, паарсах полар. Андағ полбаза, син дее кизіл парарзың.

Римдегілерге 2:13

Худай чахығны исчеткен кізілерні орта чоллығ кізілер тіп санабинча, че чахығны толдырчатхан кізілерні ахтапча.

Римдегілерге 7:12

Чахығ ызых ниме, чахығ сӧзі дее ызых, орта паза чахсы ниме полча.

Римдегілерге 8:15

Хул итчеткен паза хорығып ала чуртатчатхан хутты сірер албаазар. Сірерні Худай палалары итчеткен Худай Худын алғазар. Пу Хуттың пастыра піс хығырчабыс: Авва Пабам!

Римдегілерге 8:2

Христос Иисустың пастыра чуртасты пирчеткен Худай Худының чахии мині чазыхтың паза ӧлімнің ӱлгӱзінең позытхан.

1 Коринфтегілерге 15:58

Аннаңар, хынған харындастарым, пик сағыстығ, тӧдір пазынмас полыңар. Хан-пигнің алнында сірер итчеткен кирееңер тик полбинчатханын пілчеткеннеріңде, Хан-пигнің киреенде маңнанысха чидіңер.

2 Коринфтегілерге 13:5

Киртіністігзер бе тіп, постарыңны сынаңар. Постарыңны сыныхтаңар. Христос сірернің полғаныңарда чуртапча тіп чоохтап полбинчатсаңар, сірер сынағны ирт полбаанға килісче.

Галат чиріндегілерге 2:4

Анзын харындастарыбыс пол чӧрген кізілер хысханнар. Олар, Иисус Христостың пастыра алған пос чуртазыбысты китирге сыынып алып, пісті пазох хулларға айландыр саларға пӧгінгеннер.

Галат чиріндегілерге 5:1

Христос пирген пос чуртасха пик тудыныңар. Хул чуртазына пазох хатап пазындырбаңар.

Галат чиріндегілерге 6:2

Кізінің аар-чӱгін посха артыныңар. Іди сірер Христостың чахиин толдырарзар.

Колоссадағыларға 1:23

Итсе, сірер киртіністе пик паза ікінҷілебес полыңар. Сірер искен Чахсы Хабарның ізенізінең хыйа полбаңар. Ол Чахсы Хабар тигір алтында прай чайалған нимее чарлалған. Мин, тізең, Павел, ол хабарның нымысчызы пол парғам.

1 Тимофейге 2:15

Итсе, ипчі кізі киртіністе, хыныста паза ах-арығ сағыста чуртаза, пала тапханы пастыра арачыланар.

1 Тимофейге 4:16

Позыңны паза ӱгредииңні сына. Мин чоохтаан нимені сыбыра итчет. Іди итсең, позыңны даа, сині исчеткеннерні дее арачылап халарзың.

Еврейлерге 12:15

Кӧріңер, Худайның паарсазынаң сірернің пірдеезі хал парбазын. Сірернің араңарда ачығ тамырлар ӧс парбазын. Олар ӧсчеткен чирлерде кӧп кізі ооларына оох парча.

Иаковтың 2:12

Аннаңар кізіні пос итчеткен чахығнаң амоғох чарғыладар кізі чіли чоохтанчат паза хылынчат.

1 Петрның 2:16

Сірер пос кізізер. Че сірер Худайның хулларызар. Пос кізілер полчатханнарыңнаң чабал киректеріңні ахтабаңар.

1 Иоанның 2:24

Иисус Христосха киртініп пастаан тустох искен нимелер чӱрееңерде ползын. Ол тустох искен нимелер чӱрееңерде полза, сірер Оолғында даа, Пабада даа поларзар.

Азых чоох 14:13

Анаң тигірдең чоохтанған ӱнні ис салғам: – «Амғы тустаң сығара, Хан Худайға киртініп, ӧлім алчатханнар часкалығлар» тіп, пас сал. – Йа, – тіпче Худай Худы, – олар постарының аар тоғыстарынаң тынанарлар, оларның киректеріне паалағ полар.

Азых чоох 22:14

Худайның чахығларын толдырчатхан кізілер часкалығлар. Олар чуртас ағазынаң азыранарға паза саарзар хаалхаларҷа кірерге турыстыра поларлар.