Иаковтың 1:22 - Наа Молҷағ

²² Посты алаахтырып, сӧсті истееҷік полбаңар, че аны толдырчатхан кізі полыңар.

Иаковтың 1:22 Iomraidhean Croise

Матфей 12:50

Кем Тигірдегі Пабамның кӧңнін толдырча, ол Минің харындазым, пиҷем паза іҷем полча.

Лука 11:28

Худай сӧзін дее, истіп, толдырчатханнар, часкалығлар! – нандырған Иисус.

Иоанн 13:17

Сірер, пу нимені пілчетсер паза толдырчатсар, часкалығзар.

Римдегілерге 2:13

Худай чахығны исчеткен кізілерні орта чоллығ кізілер тіп санабинча, че чахығны толдырчатхан кізілерні ахтапча.

1 Коринфтегілерге 15:33

Пос посты алаахтырынмаңар: «чабал кізілернең нанҷыласханы чахсы хылыхтарны ардатча».

1 Коринфтегілерге 3:18

Пос посты пірдеезі алаахтырбазын. Кем пу тустарда хыйға чӧрерге сағынчатхан полза, ол, хыйға полары ӱчӱн, сағызы чох ползын.

1 Коринфтегілерге 6:9

Алай киртініс чохтарға Худай хан-чирі пирілбезін пілбинчезер бе? Пос посты алаахтырбаңар. Сайбахтарға даа, кізі холынаң иділгенге пазырчатханнарға даа, чӧреечі кізілерге дее, ир ирнең хонысчатханнарға даа,

Галат чиріндегілерге 6:3

Пір дее нимее чарабинчадып, позын кӧдірчеткен кізі позы позын алаахтырча.

Галат чиріндегілерге 6:7

Алаахтырынмаңар: Худайға пірдеезі кӱл полбас. Кізі позы таарыпчатхан нимені чыып алча.

Филипптегілерге 4:8

Тӱгенҷізінде, харындастар, сын, ах сағыстығ, орта, арығ, хыныстығ, турыстығ чахсы паза махтағлығ ла нимедеңер сағыныңар.

Колоссадағыларға 3:17

Ниме дее итчетсеңер, чоохтапчатсаңар, Хан-пигібіс Иисус Христостың адынаң итчедіңер. Аның пастыра Худай Пабабысты алғаңар.

2 Тимофейге 3:13

Чабаллар, чойлар, тізең, алаахтырып, алаахтыртып, чабалның тӱбіне тӱзерлер.

Титке 3:3

Хаҷан-да піс тее, ырах сағынмин, сӧс испин, астых чӧрген полғабыс. Хыҷаланыстарға, чуртас хыниина салынған хуллар полғабыс, чабалласта, істі чохтаныста, удур-тӧдір хырт кӧрізіп чуртаабыс.

Иаковтың 1:26

Худайға орта пазырчам тіп сағынып ала, олох туста тіліңе сыданминчатсаң, син позың позыңны алаахтырчазың паза синің пазырғаның пір дее нимее турбинча.

Иаковтың 4:11

Харындастар, удур-тӧдір хоп сығарыспаңар. Харындазының соона тӱсчеткен алай аны ӱзӱрчеткен кізі чахығны хоптапча. Чахығны ӱзӱрчетсең, син аны толдырбинчазың, че чарғылапчазың.

Иаковтың 4:17

Чахсыны ит полар кізі аны итпинчетсе, ағаа ол чазыхха саналар.

2 Петрның 2:13

Олар постары иткен сайбағларының ӱчӱн хатығладарлар. Кӱн хараанаң чалтанмин, постарының хыҷыхтаныстарына салынчалар, кӧңнілерін тосхырчалар. Олар сірерні уйатха сухчалар паза, сірернең хада азыранып, сірернӧк кірнең порап салчалар. Олох туста сірерні алаахтырып алғаннарына ӧрінчелер.

1 Иоанның 1:8

Пісте чазых чоғыл тіпчетсебіс, андада піс позыбысты алаахтырчабыс, паза пісте сын ниме чоғыл.

1 Иоанның 2:3

Худайны пілчеткенібісті хайди піліп алчабыс? Аның чахығларын толдырып.

1 Иоанның 3:7

Палаларым! Сірерні пірдеезі хаңыртпазын. Иисус Христос чіли орта итчеткен кізі позы даа орта кізі.

3 Иоанның 1:11

Хынғаным! Хомай нимее кӧӧкпин, чахсы ниме ит. Чахсы ниме итчеткен кізі Худайни. Хомай ниме итчеткен кізі Худайны кӧрбеен.

Азых чоох 12:9

Ол илбек сыр чылан – пурунғы чылан полған, аны диавол алай сайтан тіп адапчалар. Прай чир ӱстӱндегі чоннарны алаахтырчатхан сыр чылан позының ангеллерінең хада чирзер тастатхан.

Азых чоох 22:7

«Мына, тӱрчедең килербін! Пу пічікте пазыл парған ухаанҷыластың сӧстерінҷе чуртапчатхан кізі часкалығ», – тіпче Иисус Христос.