Иаковтың 1:21 - Наа Молҷағ

²¹ Аннаңар нинҷе пар чуртас похсағын, тооза чабалланысты хыйа идіп, сірерге пирілген сӧсті пазымнығ чӱрекнең алыныңар. Ол сірернің худыңарны арачылап полар.

Иаковтың 1:21 Iomraidhean Croise

Матфей 5:5

Часкалығлар амыр хылыхтығлар, тилекей оларға пирілер!

Иоанн 6:63

Худай Худы ла чуртасты пирче, мында кізінің кӱзі чоғыл. Минің чоохтапчатхан сӧзім чуртас пирчеткен Худайның Худы полча.

Иоанн 6:68

Симон-Пётр Ағаа нандырған: – Хан-пигібіс! Піс кемзер парарбыс? Синде мӧгі чуртас пирчеткен сӧстер пар.

Илҷілернің 10:33

Мин сах андох синзер кізілер ысхам. Син, пеер киліп, чахсы иттің. Амды, Худайның сағаа чахаан нимелерінің прайзын истіп аларға тіп, піс прайзыбыс Худай алнында турчабыс.

Илҷілернің 13:26

Харындастар, Авраамның тӧлі паза Худайны улуғлапчатханнар! Сірерге ызылды пу арачыланыс сӧзі.

Римдегілерге 1:16

Мин Христостаңар Чахсы Хабарны чарлапчатханымнаң уйатпинчам. Ол Хабарның киртінчеткеннерні хайзын даа, иң пурнада иудейні, анаң иудей ниместі арачылаҷаң Худай кӱзі пар, нооза.

Римдегілерге 11:17

Олива ағастың пірее салаалары сынғлап парып, оларның орнына синің, чазы оливазының салаазы ӧскіріл парза, пір тамырлығ пол парчазар. Ол чахсы ағастаң кӱс тартынчазың.

Римдегілерге 6:17

Сірер чазых хуллары полғазар. Че, Худайнаң, прай чӱректеріңнең сірерге пирілген ӱгредіге тудынарға чарат салғазар.

1 Коринфтегілерге 15:2

Сірер минің ӱгреткенім хоостыра Чахсы Хабарны сағыстарыңда тутчатсаңар паза ағаа киртіністерің тик-хуруғ полбинчатса, Чахсы Хабарнаңох арачыланып аларзар.

2 Коринфтегілерге 7:1

Ол оңдайнаң, хынғаннарым, андағ сӧс пиріл парғанда, ит-ханыбыста паза худыбыста пар чабал нимедең арығланып алааңар. Ол оңдайнаң, Худайдаң хорығып ала, пӱкӱле ах-арығ полыбызыңар.

Ефестегілерге 1:13

Сірер дее, Христостағылар, сын сӧсті – арачыланыстаңар Чахсы Хабарны истіп, Христосха киртінгезер, аннаңар молҷалған Худай Худынаң сірер дее таңмалалғазар.

Ефестегілерге 4:22

Алындағы чуртаста оралысхах полып сірер постарыңны ардатхазар. Аннаңар, иргі чуртас кибірлерін хыйа тастап,

Ефестегілерге 4:25

Піс прайзыбыс пір ит-ханның чардыхтарыбыс, аннаңар сірернің полғаны ла позының чағынына, чойланмин, сынны чоохтап турзын.

Ефестегілерге 5:4

Хырызынарға даа, тілге пызып, кізее кӱлген чіли чоохтанарға даа сірерге киліспинче. Іди идер орнына, Худайны алғыстап турыңар.

1 Фессалониктегілерге 1:5

Чахсы Хабарны сӧсте ле нимес, че сын кӱзін кӧзідіп, Худай Худынаң паза кӧп киречілестернең ағылдыбыс нооза. Сірернің араңарда полғаныбыста, пістің хайди чуртааныбысты пілче нооңзар – анзына сірерге киречілес полған.

1 Фессалониктегілерге 2:13

Аннаңар, сірер пістең искен Худай сӧзін, кізі сӧзін чіли нимес, че Худай сӧзін чіли алынғаннарың ӱчӱн, Худайыбысты сыбыра алғыстапчабыс. Ол сынынаң Худай сӧзі паза сірерге, киртінчеткеннерге, тееліп, сірерні алыстырча.

Титке 2:11

Прай кізілерні арачылап полар Худайның паарсазы чит килді нооза.

Еврейлерге 12:1

Прай пу киречі полчатхан, толдыра киртіністіг кізілер пістің ибіре кӧп. Аннаңар, харығ полчатхан нимені хыйа тастап, пісті тутчатхан чазыхтаң позааңар, чарысчатхан чолыбысты ізестіг иртібізееңер.

Еврейлерге 2:3

Аннаңар андағ илбек арачыланысты хыйа идіп, хатығластаң хайди осчаң поларбыс. Пу арачыланыстаңар пастап Хан-пиг Позы чарлаан полған. Аны искен кізілер, тізең, піске пу ӱгредігнің сын полчатханын кӧзіткеннер.

Еврейлерге 4:2

Піске дее, Моисейнең хада парғаннарға чіли, Чахсы Хабар читірілген. Че олар искен нимені посха албааннар, киртінмееннер. Аннаңар оларға ол хабар туза полбаан.

Иаковтың 4:8

Худайға чағдаңар – сірерге Ол чағдирох. Чазыхтығлар, холларың арығлабызыңар, ікі сағыстанғаннар, чӱректерің тӱзедібізіңер.

Иаковтың 5:20

пілзін: чазыхтығ кізіні саба чолдаң хыйыстырып, аның худын ӧлімнең арачылап халар паза кӧп чазыхтарын чабызар.

1 Петрның 1:22

Удур-тӧдір Христостың кізілері чіли сын чӱрекнең хынызар ӱчӱн, сірер сынның оңдайынҷа полып, Худай Худының пастыра сағыстарыңны арығлабысхазар. Худай Худының пастыра сағыстарыңны арығлабызыңар. Удур-тӧдір арығ чӱрекнең хынызыңар.

1 Петрның 1:9

Киртіністерің сірерні арачыланысха ағылча нооза.

1 Петрның 2:1

Ол оңдайнаң хайдағ даа чабал нимені, хайдағ даа алаахтырысты, чой хылынысты, чой чоохты постарыңнаң хыйа идіңер.

1 Петрның 2:11

Хынғаннарым, сірер пу чирде килген чон осхассар. Мин сірердең сурынчам, кізі чӱреен ардатчатхан ит-ханның хыҷыхтаныстарынаң хыйа полыңар.