Иаковтың 1:11 - Наа Молҷағ

¹¹ Кӱн сыхса, ізіг пол килче, кӱн ізиине от хурупча, чахайах салыхча, сілиин чідірче. Ідӧк пай кізі дее позының чолында салых парыбысча.

Иаковтың 1:11 Iomraidhean Croise

Матфей 13:6

Кӱн сых килгенде, тізең, хулғалар, чилегелері чохта, салығып, хуруп парғаннар.

Матфей 20:12

«Соонаң килгеннері пір ле час тоғынғаннар, че син оларны піснең, кӱн тооза ізіге пызып ала тоғынғаннарнаң, тиң иттің».

Матфей 6:30

Худай, пӱӱнгі кӱнде пар, че таңда песке тасталчаң отты даа піди тонандырчатса, сірерні олардаң артых тонандыр полбас па ни? Сірернің киртіністерің уғаа ас!

Марк 4:6

Кӱн сых килгенде, тізең, олар, чилегелері чох полып, салығып, хуруп чӧрібіскеннер.

1 Коринфтегілерге 7:31

пу ах чарыхтағы нимелерні тузаланчатхан кізілер тузаланминчатханнар чіли поларға киректер: піс пілген ах чарых иртісче нооза.

1 Петрның 1:4

тигірде хайраллалчатхан изелбес, арығ, уурабас ӱлӱзібісті пирген.

1 Петрның 5:4

Ӧӧн хадағҷы килзе, сірерге тӱгенмес сабланыстың сыйии пирілер.