Yakubu 5:11 - Hdi

¹¹ Nda tfa wi ta ghəŋa ghuni ka aŋni ta mnay nda gwal ta ghuya ɗaŋwa nda ksa ŋuɗuf. Sniŋ sna kuni ta mna gwaɗa ta ksatá ŋuɗufa Ayuba, nda ngha kuni ta kɗavakta skwi ya vlaŋ Mgham Lazglafta. Lazglafta ná, dagala tawa hiɗahiɗa nda zɗaku da tsi.

Yakubu 5:11 Iomraidhean Croise

1Rus 21:13

Ka Dawuda nda Gat mantsa: « Nda kəɓa yu katakata. Kay, ta dər zləmbamta ɗa ma dzva Yawe, kabga dagala tawa hiɗahiɗa da tsi. Ama yaha yu zləmbamta ma dzva mnduha, » kaʼa.

2Rus 30:9

Ka vragagha vra kuni da Yawe, dzaʼa nzakway zwana ma ghuni nda zwana ghuni ka skwa hiɗahiɗa da gwal si ta hlaghatá həŋ, ŋa vrakta taŋ ta na haɗik na. Yawe, Lazglafta ghuni ná, dagala zɗakatahuɗi nda hiɗahiɗa da tsi. Ka vrak vra kuni da tsi, haɗ dzaʼa klaghutá ghəŋ wu, » ka həŋ.

Nəhemiya 9:17

Ka kwalaghutá həŋ ta snata, havak a həŋ ta mazəmzəmha gha ta maganatá həŋ wa. Ka təŋanaftá həŋ ta ghəŋ, ka fatá mgham ŋa vru da ga vuʼa taŋ ma Masar. Ama kagha, zlanava a ka ta həŋ wu, kabga Lazglafta ta pla dmaku ka, ta magay ka ta zɗakatahuɗi, nda tawa hiɗahiɗa. Zlah ta ɓasa ka ta ŋuɗuf, dagala zɗakwa gha, wuɗiŋ a ka ta həŋ,

Nəhemiya 9:31

Kulam nda tsa, dabga tsa tawa hiɗahiɗa ni gha katakata ya, zaɗana a ka ta həŋ wu, zlanava a ka ta həŋ wu, kabga Lazglafta ta zɗakatahuɗi nda tawa hiɗahiɗa ka.

Sabi 34:6

Ka lab Yawe ta kəma Musa. Kaʼa nda lwi dagala dagala mantsa: « Iʼi Yawe! Iʼi Yawe! Lazglafta ta tawa hiɗahiɗa, ta zɗakatahuɗi, haɗ ta ɓasa ŋuɗufa misimmisim wu, dagala zɗaku da tsi, ŋərma ya katakata.

Danyel 9:9

Kuravagha kura ŋni, Mgham Lazglafta ŋni. Kulam nda tsa, ta plaŋna pla ka ta dmakwa ŋni ma tawa hiɗahiɗa gha.

Yunusa 4:2

Ka mag tsi ta duʼa da Yawe, kaʼa mantsa: « Ar Yawe! Nana na a na mnə yu ma nzakwa ɗa tata haɗika ɗa ya kay rki? Tsaya si kəl yu ka kuma hwayaghuta da Tarsis, kabga nda sna yu kazlay kagha ná, Lazglafta ta maga zɗakatahuɗi ka, ta tawa hiɗahiɗa ka, haɗ ka ta ga sidi misimmisim wu kəʼa. Dagala zɗaku da kagha, ta zlaŋ zla ka ta zaɗaku si dzaʼa ka da magay.

Mbsak 14:18

“Iʼi Yawe, kul haɗ ta ɓasa ŋuɗuf misimmisim, dagala zɗaku da tsi, ta pla dmakwa krughuvi nda dmaku, ama kul haɗ ta zlanata tsanaghatá guma ta mnda ta gatá dmaku, ta ghuzlanap ghuzla yu tiri ta zwani, nda zighiha ta ghəŋa dmakwa dadaha taŋ ha ta zigha ndindliŋ nda zigha papah a tsi,” kəʼa.

Mata 10:22

Dzaʼa husaŋ husa kuni ta inda mnduha ta ghəŋa gwaɗa ta iʼi. Ama mndu dzaʼa kɗanakta ná, dzaʼa mbaku.

Lukwa 1:50

Tawa hiɗahiɗa ni ná, nda nza ŋa ɗekɗek ta ghəŋa gwal ta zləŋay.

Lukwa 11:10

Ka dər wa ta ɗawaŋta ta mutsay, ka dər wa ta zbaŋta ta slaf sla tida, ka dzaŋ dza mndu ta tgha, ta gunana guna lu.

Lukwa 6:36

« Tawawa tawa ta hiɗahiɗa ta mndu, manda ya ta taw Da ghuni ta hiɗahiɗa ta mndu ya.

La Ruma 2:4

Lazglafta ná, dagala zɗaku da tsi, dagala ksa ŋuɗuf da tsi, ghudza a nda ghudza ta skwi wa. Ta gagə nda gaga kagha tama rki? Ari sna a wa kagha kazlay: Tsa zɗakwa Lazglafta ya ta tiŋwa kagha ŋa mbəɗanafta gha ta nzakwa gha kəʼa ka na?

Afisus 1:6

Manda tsaya magata tsi ŋa zləzlvay mu ta glakwa zɗakatahuɗa ni. Katakata vlamata tsi ta zɗakatahuɗa ni ya nda ma slna Zwaŋa ni ɗvu tsi.

Afisus 2:4

Tsaw Lazglafta ná, dagala tawa hiɗahiɗa ni, ɗvu ɗva ta amu.

Hebru 10:39

Amu ná, nza a amu tekw mataba gwal ta vru nda hul ŋa zaɗiŋtá ghəŋa taŋ ya wa. Ama nda nza amu tekw mataba gwal ta zlghafta ta dzaʼa mutsa mbaku ya.

Hebru 3:14

Amu ná, graha *Yesu *Kristi mu ka ŋana ŋa mu his his dzvu ta kahwathwata fatá ghəŋ ya mutsaf mu daga taŋtaŋ ya.

Hebru 3:6

*Kristi ná, zwaŋ ta nzanaghata ta ghəŋa həga ya. Amu tsa həga ni ya, ka gɗanagɗa mu ta ŋanatá zlghay nda ŋuɗufa mu, ka ghərɓay mu ta ghərɓaku ma fatá ghəŋa mu.

Yakubu 1:12

Rfu da mndu ta ksa ŋuɗuf ka suʼa skwi ta dzghaŋta, kabga tahula dzghaŋta, dzaʼa mutsay ta zewzewa hafu ya tanaf Mgham Lazglafta ta imi ta sləməŋ ta inda gwal ta ɗvuta.

Yakubu 1:2

Zwana ma ɗa, ka slaghunagha sla dər mndərga wati ma ghuya ɗaŋwa tsi katsi, nghawa ngha manda skwa rfu.

1 Piyer 1:13

Tsaya tama, payavawa paya ŋa ksa slna, nzawa nza nda fata ghəŋ hzleŋa. Fafwa fa ta ndana ghuni ta zɗakatahuɗi ya dzaʼa vlaghunata lu baɗu zlagapta *Yesu *Kristi.

1 Piyer 3:14

Aŋ mndani dər má ta ghuyay kuni ta ɗaŋwa ta ghəŋa vəl magay ghuni ta skwi tɗukwa ná, dzaʼa rfay kuni ta rfu. Ma zləŋ kuni ta gwal ta kuma magaghunatá ghwaɗaka skwi. Ma tɗu tsi ta ŋuɗufa ghuni.

2 Piyer 2:9

Tsaya tama ná, nda sna Mgham Lazglafta kəʼa ta hligiŋtá tɗukwa mnduha ma skwi ta dzəghaŋtá həŋ. Nda sna guli kəʼa ta pghaghutá gwal ta maga ghwaɗaka skwi ŋa ganaptá iri ta həŋ baɗu fitika tsa guma.