Yakubu 4:11 - Hdi

¹¹ Ma vazu kuni ta rutsak ta sani nda sani. Mndu ya ta vza rutsak ta zwaŋama, ka ta tsanaghatá guma a tsi ná, ta vza rutsak tsa mndu ya ta zlahu. Ta tsanaghatá guma guli ta zlahu nda tsa. Ala, ka ta tsanagha tsa ka ta guma ta zlahu katsi ná, nza a kagha ka mnda sna zlahu nda tsa wa, ama mnda tsa guma kagha nda tsa.

Yakubu 4:11 Iomraidhean Croise

Lukwa 6:37

Ma tsanagha kuni ta guma ta mndu. Haɗ Lazglafta dzaʼa tsaghunaghatá guma guli wa. Ma ŋam kuni ta mndu ma ŋuɗuf, haɗ Lazglafta dzaʼa ŋamtá kaghuni ma ŋuɗuf guli wa. Pliniswa dmakwa mnduha, dzaʼa plighunis pla Lazglafta ta ŋa ghuni guli.

La Ruma 2:1

Kagha mndu ya ta nzakway ta tha mndu, dər waká, haɗ ka nda pslaftawi baɗu guma wu, kabga ma tsa tsay ta tsə kagha ta guma ta sanlaha ya ná, ta tsə ta ghəŋa gha ka. Tsa kagha ta tsanaghatá guma ta mndu ya ná, ta magay kagha ta va tsa skwiha ya.

La Ruma 2:13

Gwal ta snatá tsa zlaha Musa ya a gwal ta nzakway tɗukwa da Lazglafta wu, ama gwal ta nzakway ta ksa slna manda ya kum tsa zlahu ya gwal ta nzakway tɗukwa da Lazglafta.

La Ruma 7:7

Nu ŋa mnay tama? Zlahu ná, dmaku ya ra? Dmaku a wa. Ama ka má haɗ ka zlahu wu ná, ma sna a yu ta dmaku wa. Ka má mniha a zlahu kazlay: Ma haraʼu ka ta iri ta skwa mndu kəʼa ná, ma sna a yu kazlay: Dmaku ya kəʼa wa.

1Kwa 4:5

Tsa tama ná, ma gi tsə kuni ta guma ta ghəŋa mndu ta kul sagha fitika ni. Kzlawa, ta hway da wa kuni na! Baɗu sagha Mgham ná, dzaʼa kligiŋ kla ta daɓi ta skwi nda ɗifa. Ŋa kligiŋtani duway ta daɓi ta skwi ta ndanə mnduha. Baɗu tsa tama, dər wa dzaʼa mutsa rfa ni da Lazglafta manda ya ta raŋta.

2Kwa 12:20

Skwi ta zləŋ yu ma tsa lab dzaʼa lab yu da kaghuni ná, duŋwa yu da kwal kul slafta ta kaghuni mantsa ta kum yu ya, ta slaftá kaghuni ta iʼi mantsa kul kum kaghuni ya ná, ka yu. Ta zləŋay yu ta slanaghata ɗa mataba ghuni ta zlərɗa wi, nda draku, nda gufwatá ŋuɗuf, nda ɗvutá ghəŋ, nda tsanavatá gwaɗa ta mndu, nda tsa mndəra mndu, nda gla ghəŋ, nda hwazlaɓaku.

Afisus 4:31

Hliŋwa dgun ma ŋuɗufa ghuni, zlaŋwa ɓasa ŋuɗuf, zlaŋwa sidi, ma zlərɗ kuni ta wi nda mndu, ma raz kuni ta mndu, yaha kuni da maga dər mndəra wati ma ghwaɗaka skwi.

1Tim 3:11

Mantsa ya miʼaha ta ksa slna ma səla mnduha guli. Ɗina ka nzakwa taŋ. Haɗ wu ka həŋ ta kuslemberaku, zlahafzlaha ka həŋ ta ghəŋa taŋ, ka ŋərma ni ka həŋ nzakway ma inda skwi.

2Tim 3:3

Dzaʼa nzakway həŋ ka gwal təŋ təŋa ghəŋa taŋ, ka gwal kul haɗ ta tawa hiɗahiɗa ta mndu, ka gwal ta tsanavatá gwaɗa ta mndu, ka gwal kul zlahavata, ka gwal ta sidi, ka gwal ka ghuma skwi ɗina.

Titus 2:3

Mantsa ka ka da mnanatá la galata miʼaha guli, ŋa magay taŋ ta ŋərma skwi manda ya ta zɗəganatá Lazglafta. Yaha həŋ da tsa mndəra mndu, yaha həŋ da ghuyaku, ka tagha həŋ ta skwi ɗina ɗina ŋa sanlaha.

Yakubu 1:16

Zwana ma ɗa, gwal ta ɗvu yu, ma nanə kuni ta ghəŋa ghuni.

Yakubu 1:19

Zwana ma ɗa gwal ya ɗvu yu, wya skwi ŋa snaŋta ghuni: Ɗina nzakwa inda mndu ka mndu ta gi slru gwaɗa da sləməŋa ni. Ka mndu kul haɗ gwaɗa ta nzuŋta ta wi a wu, ka mndu ta gi ɓasa ŋuɗuf a wu,

Yakubu 1:25

Ama mndu ya ta faftá ira ni ta zlahuha Lazglafta, zlahuha ya ta vlamata flauʼwatá vgha, ka ndiʼafta vgha tɗukwa tida, kul haɗ ta zanaptá gwaɗa tahula snaŋta ni, ta ksay ta slna nda tsi ná, dzaʼa nzakway tsa mndu ya nda rfu ma inda skwiha ni ta mag tsi.

Yakubu 2:8

Ka sna sna kuni ta zlaha Lazglafta, manda ya nda vinda kazlay: Ɗvu ɗva ta mnda səla manda va ghəŋa gha kəʼa ya ná, maga maga kuni ta skwi ɗina.

Yakubu 5:10

Zwana ma ɗa, klawa kla ta saɗa satá duni nda ksa ŋuɗufa la anabi, gwal si ta mna gwaɗa nda hga Mgham.

Yakubu 5:7

Mantsa tama zwana ma ɗa, nzawa nza nda ksa ŋuɗuf ha ka sagha fitika sagha Mgham. Nghawa ngha ɓa ta mnda hva, ya kəʼa ta nzata ka kəzla ŋərma skwi ya ta sabi ma haɗik. Nda ksa ŋuɗuf ta nzata tsi ka kəzlay ha ka mutsafta ni ta taŋtaŋa ima sləgu nda kwanaha ima fwak.

Yakubu 5:9

Zwana ma ɗa, ma ŋaɗə kuni ta ghəŋ ta ghəŋa sani nda sani kada kwala lu tsaghunaghatá guma. Ya wya mnda tsa guma ta wa tgha.

1 Piyer 2:1

Hliŋwa hla ta inda ghwaɗaka skwiha ma ŋuɗufa ghuni, ma kuslember kuni ta kuslemberaku, ma pghə kuni ta wirak his ma vu, ma haraʼu kuni ta haraʼuwaku, ma tsanava kuni ta skwi ta mndu guli.