Yakubu 1:4 - Hdi

⁴ Ama ɗina ka maravata tsa ksa ŋuɗufa ghuni ya kahwathwata, kada nzakwa kuni ka gwal kul haɗ sana skwi ta ghəŋa ghuni, ka gwal nda dedeʼa, ka gwal kul haɗ sana skwi ta htapta ma həŋ ɗekɗek.

Yakubu 1:4 Iomraidhean Croise

Mata 10:22

Dzaʼa husaŋ husa kuni ta inda mnduha ta ghəŋa gwaɗa ta iʼi. Ama mndu dzaʼa kɗanakta ná, dzaʼa mbaku.

Mata 19:20

Ka tsa duhwal ya nda tsi mantsa: « Sna sna yu ta inda tsaha ya demdem, nu ta pɗakwa ni ŋa magəgəlta ɗa na? » kaʼa.

Mata 5:48

Nzawa nza ka vərɗa mndu manda va nzakwa Da ghuni ta luwa ka vərɗa mndu ya. »

Markus 10:21

Tsəmesl, ka Yesu nghanavatá tsa mndu ya, ka ɗvutá tsi, kaʼa nda tsi mantsa: « Ta turtuk skwi ta pɗugudughusta. La ka dzawapta ka ta inda skwa gha, ka daganafta ka ta gwal ka pɗu, mantsa dzaʼa mutsay ka ta gadghəl ta luwa. Magata gha ta tsaya, ka sagha ka, ka dzaʼa ka mista ɗa, » kaʼa nda tsi.

Lukwa 18:22

Na snaŋta Yesu ta tsaya, kaʼa mantsa: « Turtuk skwi ta pɗəgədaghawta. La dzawiŋtá skwiha gha, ka daganafta ka ta tseda ni ta la ka pɗu, dzaʼa mutsay ka ta gadghəl ta luwa, ka vrakta ka, ka dzaʼa ka mista ɗa, » kaʼa.

Lukwa 21:19

Drusa ka kuni da nzata, ya tsaya dzaʼa kəl kuni ka kataftá htsiŋa ghuni, » kaʼa.

Lukwa 8:15

Sanlaha ma mnduha guli, manda gənək həŋ, snaŋta taŋ ta gwaɗa Lazglafta, ka zlghaftá həŋ nda ŋuɗuf turtuk, ka ŋanatá həŋ ka ksa slna nda tsi ka dihavata mida. »

Yuhwana 17:23

iʼi ma hahəŋ, kagha ma iʼi ya. Manda tsaya dzaʼa kəl həŋ ka nzakway kahwathwata ka mndu turtuk, kada snaŋta mnduha ma ghəŋa haɗik kazlay: Kagha ta ghunigihata, ɗvu ɗva kagha ta həŋ manda ya ɗvu kagha ta iʼi guli ya kəʼa.

1Kwa 2:6

Ta mnə ŋni ta gwaɗa ŋa gwal nda sifa ma zlghay nda ŋuɗuf ná, vərɗa ɗifil taghə ŋni, hiɗakwa gwal dagala dagala ma na ghəŋa haɗik ta dzaʼa zwaɗuta na a wa.

Galat 6:9

Ma zlaŋ mu ta maga skwi ɗina, ma rwu mu ta vgha, kabga dzaʼa tskay mu saghar fitika ni.

Kwalus 4:12

Ta ga zgu Ipafras ta nzakway ka mnda ghuni ya, ŋa ghuni guli. Kwalva Yesu Kristi ya. Haɗ ta zlaŋtá maga duʼa da Lazglafta ta ghəŋa kaghuni wa. Ta magay ta duʼa ŋa dihavata ghuni, ŋa sifaghunafta ta tva Lazglafta.

1Tes 5:23

Ka ghuɓaghunaghuɓa Lazglafta ya ta vlatá zɗaku ka ghəŋa ni, ka naghunaftá tsi ka ŋa ni dardar. Ka ngha tsatsi ta kaghuni tsuh tsuh, nda sulkuma ghuni tani, nda hafa ghuni tani, nda sluʼuvgha ghuni tani. Tsaya dzaʼa kwal rutsak kul nzafta ta kaghuni ma fitika sagha Mghama mu Yesu Kristi.

2Tim 3:17

kada nzakwa mnda Lazglafta nda payatá vgha prək ŋa maga inda skwi ŋa maga skwi ɗina.

Hebru 13:21

Ka vlaghuna vla Lazglafta ta mbrakwa maga inda skwi ɗina, ŋa magay ghuni ta skwi ya ta kum tsi. Ka maga tsi ma amu ta skwi ya ta zɗəganata nda ma Yesu *Kristi ta nzakway ŋa ni glaku ŋa kɗekedzeŋ ya. *Amin!

Yakubu 1:5

Ka mamu sana mndu mataba ghuni pɗugudunus ɗifil katsi, ka ɗawa tsi da Lazglafta, dzaʼa vlaŋ vla. Ta muvla Lazglafta nda inda mndu, ta vlay nda zɗaku.

Yakubu 3:2

Inda amu ná, dagala krughuvi kavghakavgha ta gə mu. Ka haɗ mndu ta guvtá krughuvi ma gwaɗa wu ná, ŋərma mndu tsaya ta laviŋta nghaftá vgha ni demdem.

1 Piyer 5:10

Tahula ghuyta ghuni ta ɗaŋwa ma fitik kwitikw ya, dzaʼa vlaghuna vla Lazglafta ya ta gɗata ta vla zɗakatahuɗi, ta hgaftá kaghuni ma *Yesu Kristi, ŋa lami da glakwa ni ya ŋa kɗekedzeŋ, ŋa payafta tsatsi ka ghəŋa ni ta kaghuni, ŋa dihaghunatani, ŋa mbraghunaftani, ŋa kwala skwi kul gigɗaŋtá kaghuni.

2 Piyer 1:9

Mndu kul haɗ nda mndərga tsa nzaku ya ná, manda ghulpata mndu ta lulumaku ya nzakwa ni. Zanap za ta tsa mbanafta mbanaf Lazglafta ma dmakuha ni maga tsi ghalya ya.