Yakubu 1:12 - Hdi

¹² Rfu da mndu ta ksa ŋuɗuf ka suʼa skwi ta dzghaŋta, kabga tahula dzghaŋta, dzaʼa mutsay ta zewzewa hafu ya tanaf Mgham Lazglafta ta imi ta sləməŋ ta inda gwal ta ɗvuta.

Yakubu 1:12 Iomraidhean Croise

Zlrafta 22:1

Tahula luta tsa skwiha ya, ka dzəghaŋtá Lazglafta ta Abraham. Kaʼa nda tsi mantsa: « Abraham! » kaʼa. Ka Abraham mantsa: « Wana yu! » kaʼa.

Nəhemiya 1:5

ka yu mantsa: « Kdəkkdək, Yawe, Lazglafta ta luwa, Lazglafta dagala, ta malaghutá mbraku, ta ŋanatá dzratá wi, ta maga zɗaku ŋa gwal ta ɗvuta kagha, gwal ta ŋanata zlahuha gha!

Sabi 20:6

Ama ta maranaŋ mara yu ta zɗakwa ɗa ha ka lab ta dəmbuʼata zighiha ta gwal ta ɗvuta iʼi, ta sna zlahuha ɗa.

Mata 10:22

Dzaʼa husaŋ husa kuni ta inda mnduha ta ghəŋa gwaɗa ta iʼi. Ama mndu dzaʼa kɗanakta ná, dzaʼa mbaku.

Mata 25:34

Ka mgham dzaʼazlay nda tsaha nda ga zeghwa ni ya mantsa: “Saghawa sa, kaghuni gwal tfanagha Da ɗa ta wi ya. Tsuʼawa tsuʼa, ta za mgham ya payaghunaf Lazglafta daga ma zlrafta ghəŋa haɗik ya.

Lukwa 6:22

Rfawa rfa ta rfu ka ta husaŋ husa kuni ta mnduha, ka ta vzighunisvza həŋ, ka ta razay həŋ ta kaghuni, ka ta vazay həŋ ta rutsak ta kaghuni kabga vəl zlghafta ghuni ta Zwaŋa mndu.

La Ruma 5:4

Ksa ŋuɗuf ta klaktá ghuɓasaptá ghuya ɗaŋwa. Tsa ghuɓasaptá ghuya ɗaŋwa ya guli ta klaktá faftá ghəŋ ta Lazglafta.

La Ruma 8:28

Nda sna amu guli kazlay: Ŋa ɗinakwa taŋ mida ta maga Lazglafta ta inda skwi ŋa gwal ta ɗvuta, tsa gwal ghadu tsi ta zabuta daga taŋtaŋ ya.

1Kwa 2:9

Tsaw tsa skwi maga Lazglafta ya ná, nda nza manda ya nda vinda ma defteri ta mnay kazlay: Skwi ya ta kul nghaŋtá ira mnduha, nda ya ta kul snaŋtá mnduha nda sləməŋa taŋ, nda ya ta kul ndanaŋtá mnduha ma ghəŋa taŋ ya, skwi payaf Lazglafta ŋa gwal ta ɗvuta kəʼa.

1Kwa 8:3

Ka ɗvu ɗva mndu ta Lazglafta katsi, tsa mndu ya ná, nda sna Lazglafta ta tsatsi.

1Kwa 9:25

Inda mndu ta tsa hwaya ya ná, ta zlahafzlaha ta vgha ni ma taghayni, ŋa zata ni. Tsa skwi dzaʼa zata tsi ya ná, dzaʼa ɓwadzu ɓwadza misimmisim. Ŋa amu ya, haɗ ta ɓadzaku ɗekɗek wa.

Vrafta ta zlahu 13:3

Ka magatá tsa ŋizla ya, ka tsa mandərmimi si mnaghuna tsi ya a tsi, ka kaʼa mantsa: “Mbaɗma mista sanlaha ma lazglaftaha ŋa tsəlɓu ŋa taŋ,” kaʼa, tsa kul snaŋtá kuni ya,

Vrafta ta zlahu 7:9

Grafwa gra kazlay Yawe, Lazglafta ghuni ná, tsatsi turtukwa ni Lazglafta kəʼa. Ta ŋana ŋa dar ta dzratá wa ni nda zɗakwa ni, ŋa inda gwal ta ɗvuta, ta ŋanatá zlahuha ni, ha ka lagha ta zivir dəmbuʼ.

Vrafta ta zlahu 8:2

Ka hava kuni ta inda tvi raghunaf Yawe, Lazglafta ghuni tida ma mtak ma na vaku fwaɗ mbsak na, kada hanaganatá ghəŋa tsi ghuni. Manda tsaya, ka dzəghaghunatá tsi ŋa tsatsaftá skwi ma ŋuɗufa ghuni, ka dzaʼa ŋana ŋa kuni ta zlahuha ni rí, ka ŋanata a wa a kuni.

2Tim 2:15

Kagha, ŋava ŋa ka nzakwa ka ta kəma Lazglafta ka mndu nda ndəha, ka mnda maga slna kul haɗ hula ta ksafta ma slna ni, ta mna vərɗa gwaɗa nda tva ni.

2Tim 4:8

Ndanana, ta kzlaykzlay nisəla vəl zaktá ɗa ta ghwa ta iʼi. Tsa nisəla ya ná, zewzewa mbaku ya dzaʼa vlihata mnda tsa guma tɗukwa, baɗu fitika tsa guma. Ŋa ɗa nda ghəŋa ɗa yeya a wu, nduk nda inda gwal ta kəzla ɗvaftá sagha ni.

Hebru 10:32

Havakwahava ta nzakwa ghuni ghalya ma taŋtaŋa snaŋta ghuni ta gwaɗa Lazglafta. Ma tsa fitik ya ná, susa kuni ta duni, ka suʼuwaftá kuni ta inda ni.

Hebru 11:17

Nda ma zlghay nda ŋuɗuf kumafta Abraham ta vlatá zwaŋa ni Izak ŋa pla ghəŋ ma dzəghaŋta ya dzəghaŋ Lazglafta. Ka kumaftá tsi ta vlatá tsa kɗakwa kɗakwa zwaŋa ni turtuktuk ya, dər má si tanafta Lazglafta ta imi ta sləməŋ ta ghəŋa tsa zwaŋ ya.

Hebru 12:5

Zanap za kuni ta gwaɗa Lazglafta ta vla mbraku ŋa zwana ni ra? « Zwaŋa ɗa! Ka ta zlahay Mgham Lazglafta ta kagha katsi, fa fa ta ghəŋ, ma kla ka ta ghəŋ tida ka dvaghaghadva tsi.

Hebru 6:15

Mantsa ya, ka ŋavatá Abraham, ka mutsaftá tsi ta tsa skwi tanaf Lazglafta ta imi ta sləməŋ ya.

Yakubu 2:5

Zwana ma ɗa gwal ɗvu yu, fawa fa ta sləməŋ. Lazglafta a ta zabaptá gwal ka pɗu ta wa ira gwal ma ghəŋa haɗik, ŋa nzaku ka Gadghəl ma zlghay nda ŋuɗuf, ŋa mutsay taŋ ta ga mgham ya tanaf tsi ta imi ta sləməŋ, ta gwal ta ɗvuta ra?

Yakubu 5:11

Nda tfa wi ta ghəŋa ghuni ka aŋni ta mnay nda gwal ta ghuya ɗaŋwa nda ksa ŋuɗuf. Sniŋ sna kuni ta mna gwaɗa ta ksatá ŋuɗufa Ayuba, nda ngha kuni ta kɗavakta skwi ya vlaŋ Mgham Lazglafta. Lazglafta ná, dagala tawa hiɗahiɗa nda zɗaku da tsi.

1 Piyer 3:14

Aŋ mndani dər má ta ghuyay kuni ta ɗaŋwa ta ghəŋa vəl magay ghuni ta skwi tɗukwa ná, dzaʼa rfay kuni ta rfu. Ma zləŋ kuni ta gwal ta kuma magaghunatá ghwaɗaka skwi. Ma tɗu tsi ta ŋuɗufa ghuni.

1 Piyer 4:13

Rfawa rfa ta rfu katək, nda nzakwa ghuni kawadaga nda *Kristi ma ghuya ɗaŋwa, kada ndəghafta ŋuɗufa ghuni nda rfu baɗu dzaʼa maraŋta tsi ta glakwa ni ŋa inda mndu.

1 Piyer 4:14

Ka ta razay mnduha ta kaghuni, ta ghəŋa nzakwa ghuni ka ŋa Kristi katsi, rfawa rfa ta rfu kabga ta nzaku Sulkum ya dagala ta nzakway ka Sulkuma Lazglafta ta ghəŋa kaghuni.

1 Piyer 5:10

Tahula ghuyta ghuni ta ɗaŋwa ma fitik kwitikw ya, dzaʼa vlaghuna vla Lazglafta ya ta gɗata ta vla zɗakatahuɗi, ta hgaftá kaghuni ma *Yesu Kristi, ŋa lami da glakwa ni ya ŋa kɗekedzeŋ, ŋa payafta tsatsi ka ghəŋa ni ta kaghuni, ŋa dihaghunatani, ŋa mbraghunaftani, ŋa kwala skwi kul gigɗaŋtá kaghuni.

1 Piyer 5:4

Ka mantsa ya ka kuni magay, baɗu zlagagaghata mghama gwal ta ngha rini ná, ŋa mutsay ghuni ta zewzewa nda sgit tida, kul ɓadzavata ya.

1 Yuhwana 4:19

Amu ná, ɗvu ɗva mu ta Lazglafta kabga tiŋəl tsatsi ta ɗvuta amu.

Suna Yuhwana 2:10

Ma zləŋ ka ta ghuya ɗaŋwa ya dzaʼa ka da ghuyay. Ya wya halaway dzaʼa hlafta sanlaha ma kaghuni ka pghamta ma gamak ŋa dzəghaghunata, ŋa zaghunatá fitik ghwaŋ ta giri ŋa ghuni. Ka sladafta ka ta zlghay nda ŋuɗufa gha dər ŋa dzata kagha tsi. Dzaʼa vlagha vla yu ta hafu ŋa nisəla vəl zata gha ta ghwa.

Suna Yuhwana 3:19

Gwal ta ɗvaf yu ná, ta dvay yu ta həŋ, ta zlahay yu ta həŋ. Mantsa ya, ŋava ŋa ka payanata ka ta tva gha.

Suna Yuhwana 3:21

« Mndu ya dzaʼa zata ghwa, dzaʼa nzanafnza yu kawadaga nda iʼi ta dughurukwa ɗa, manda va ya za iʼi ta ghwa ka nzaftá yu kawadaga nda Da ɗa ta dughurukwa ni ya.