Yəhusuwa 8:2 - Hdi

² Manda va skwi magana ka ta luwa Yeriku nda mghama ni ya ná, manda va tsaya dzaʼa maganata ka ta luwa Ghay nda mghama ni tani. Nziya nza tsi ná, ka hla kuni ŋa ghuni ta inda skwa gadghəl nda rini tani dzaʼa zləɗata kuni. Nda ta hula luwa dzaʼa pghanata ka ta buɗukwa ta tsa luwa ya, » kaʼa.

Yəhusuwa 8:2 Iomraidhean Croise

2Rus 13:13

Ma va tsaya ná, pgha pgha Yaruvgham ta sanlaha ma gwal vulu ma buɗukwa ŋa dɗanaghatá la Yuda nda ga mahulhul. Mamu gula gwal vula ni mbəŋ nda nzata nzakwa bakwa sludziha la Yuda, ta nzatá tsa gwal ma bɗukwa ya nda ga mahulhula taŋ.

2Rus 20:22

Ma fitika zlrafta taŋ ta hayay nda laha zləzləvu, ka hwazlaɓanaftá Yawe ta la Ghamuŋ, nda la Muwav, nda mnduha ta kwakwar ta ghwá Seghir si ta laha da guyata nda la Yuda, ka dzaɓa vgha taŋ.

Vrafta ta zlahu 2:35

Ba rina taŋ, nda inda skwiha slanagha mu ma tsa luwaha ya yeya hlagaghu mu ka skwa zləɗu.

Vrafta ta zlahu 20:14

Laviŋ lava kuni ta hlagaghutá miʼaha, nda zwani, nda rini, nda inda skwiha ma tsa luwa ya. Ka za kuni ta skwi ya zləɗa kuni ta ghumaha ghuni, kabga Yawe, Lazglafta ghuni ta vlaghunata.

Vrafta ta zlahu 3:2

Ka Yawe nda iʼi mantsa: “Ma zləŋaŋ ka! Vlagha vla yu ma dzva gha, tsatsi nda mnduha ni, nda haɗika ni tani. Magana maga manda ya magana ka ta Sihuŋ, mghama la Amuru si ta nzaku ma Hesbuŋ ya,” kaʼa.

Yəhusuwa 10:1

Ka snaŋtá Adunitsedek mghama Ursalima kazlay na, zu za Yəhusuwa ta luwa Ghay, ka zaɗanatá tesneʼ manda va skwi magana tsi ta Yeriku nda mghama ni tani ya kəʼa. Ka snaŋtá tsi guli kazlay na, dzraf dzra la Givghuŋ ta wi ŋa nzaku nda zɗaku mataba la Israʼila kəʼa.

Yəhusuwa 10:28

Baɗ va tsa fitik ya, ka zata Yəhusuwa ta luwa Makkeda nda kafay. Ka pslatá tsi ta mghama ni, nda inda mnduha mida tani. Ka zaɗanatá tsi ta həŋ, haɗ mndu zlana tsi dər turtuk nda hafu wa. Manda va tsa magana tsi ta mghama Yeriku ya, kəʼa maganatá mghama Makkeda.

Yəhusuwa 11:14

Ka hlutá la Israʼila ŋa ŋa taŋ ta inda skwa zləɗu, nda rini ya slanagha həŋ ma tsa luwaha ya, ama ka pslatá həŋ nda kafay ta inda mnduha ha ka zaɗanatá həŋ, haɗ mndu ya zlana həŋ dər turtuk nda hafu wa.

Yəhusuwa 6:21

Ka zaɗanata həŋ nda kafay ta inda mnduha ma tsa luwa ya, nda zgwana tani, nda miʼaha tani, nda duhwalha tani, nda halata mnduha tani. Ka pslatá həŋ nduk nda slaha tani, nda rina fisik tani, nda kəɗihha tani.

Yəhusuwa 8:12

Ka ɗagaptá Yəhusuwa ta zgwana ta maga dəmbuʼ hutaf, ka pghatá tsi ta həŋ ma buɗukwa ma takataka Betel nda Ghay, nda təv dɗakwa fitik ma luwa Ghay.

Yəhusuwa 8:14

Ga sərɗək tama, kəʼa ka mghama Ghay ná, ka nghaŋtá tsi ta la Israʼila. Ka gi sab tsi misimmisim ma luwa kawadaga nda inda gwal vula ni. Ka lab həŋ da guyata nda la Israʼila ma va tsa vla taŋ ghalya ya, təv Gharava. Ama sna a tsatsi kazlay na mamu gwal ta pghanatá buɗukwa ta hula luwa kəʼa wa.

Yəhusuwa 8:19

Na tsa gi ɗikwadapta ni ta dzvu ya, ka gi sliʼagaptá tsa gwal ma buɗukwa ya, ka sliʼamta da luwa, ka zatá həŋ. Ka gi fafiŋtá həŋ ta tsa luwa ya guli nda vu.

Yəhusuwa 8:24

Ka zaɗanatá la Israʼila ta ghumaha taŋ ma takataka mtak, ma tsa vli hwayiŋ həŋ ta həŋ ya. Manda pslata taŋ ta tsa ghumaha ya, ka vraktá həŋ ka sliʼamta da luwa Ghay slanaghatá pɗakwa mnduha, ka zaɗanatá həŋ nda kafay.

Yəhusuwa 8:3

Ka sliʼaftá Yəhusuwa kawadaga nda inda mnda vulu ka ŋlu ŋa dzaʼa guyata nda luwa Ghay. Ka zabaptá tsi ta gwal vulu dəmbuʼ hkən mbsak ka mbirim ka mbirim. Ka ghunaghatá tsi ta həŋ girviɗik.

Yəhusuwa 8:7

Mantsa tama, ŋa sliʼagapta kaghuni ma vla pghatá buɗukwa ghuni, ŋa zata ghuni ta tsa luwa ya, kabga dzaʼa zlaghunaŋ zla Yawe, Lazglafta ghuni ma dzva ghuni.

Yəhusuwa 8:8

Manda zluʼaghuta ghuni ta tsa luwa ya, ŋa fafiŋta ghuni nda vu, ŋa magay ghuni manda va gwaɗa ya mna Yawe. Tsaya zlahu ta mnaghunafta yu, » kaʼa.

Yəhusuwa 8:9

Ka ghunaftá Yəhusuwa ta gwal vulu. Ka laghu həŋ pghatá buɗukwa. Ka pghatá həŋ ta buɗukwa ma takataka Betel nda Ghay, nda təv dɗakwa fitik ta nzatá lu ma Ghay. Ka han Yəhusuwa baɗ tsa kawadaga nda pɗakwa gwal vulu.

Yəhusuwa 9:3

Snanaghatá skwi maga Yəhusuwa ma luwa Yeriku nda Ghay ta la Givghuŋ,