Yəhusuwa 8:1 - Hdi

¹ Ka Yawe nda Yəhusuwa mantsa: « Ma zləŋ ka ta zləŋ, ma rwu mala gha, hlaf hla ta inda gwal vulu kawadaga nda kagha, ka dzaʼa ka da gruŋtá luwa Ghay. Ngha ɓa, vlagha vla yu ta mghama Ghay ma dzva gha. Zlaghaŋ zla yu ta mnduha ni, nda luwa ni, nda haɗika ni tani.

Yəhusuwa 8:1 Iomraidhean Croise

Danyel 2:21

Tsatsi ta mbəɗanaftá fitika skwi, nda skwi ta magaku tani. Tsatsi ta klagiŋtá mghamha ta pala, tsatsi ta faftá həŋ guli. Tsatsi ta vla ɗifil ŋa gwal nda ɗifil, nda snaŋtá skwi ŋa gwal nda mahizl ma ghəŋa taŋ guli.

Danyel 4:25

Ka slanaghatá inda tsa skwiha ya ta mgham Nevuhadnetsar.

Mata 8:26

Ka Yesu nda həŋ mantsa: « Nu ta kəl kuni ka zləŋ. Kay! Nda hta zlghay nda ŋuɗufa ghuni, » kaʼa. Ka sliʼaftá tsi ka davanaghatá falak nda drəf, ka nzatá vli tɓekw.

Vrafta ta zlahu 1:21

Nghawa ɓa, Yawe, Lazglafta ghuni ta vlaghunatá ma dzva ghuni ta na haɗik na. Ŋladafwa ŋla ka kla kuni ŋa ŋa ghuni manda ya mnaghuna Yawe, Lazglafta dzidzíha ghuni. Ma zləŋ kuni ta zləŋ, ma ghudzu kuni ta ghudzaku,” ka yu.

Vrafta ta zlahu 31:8

Yawe dzaʼa mbaɗa ta kəma gha. Tsatsi dzaʼa nzata kawadaga nda kagha. Haɗ dzaʼa zlavaghata wu, vzighista a wa. Ma zləŋ ka ta zləŋ, ma ghudzaku ka ta ghudzaku, » kaʼa.

Vrafta ta zlahu 7:18

Ma zləŋ kuni ta həŋ. Havakwa hava ta skwi ya magana Yawe, Lazglafta ghuni ta Firʼawna nda inda la Masar.

Vrafta ta zlahu 7:21

Yaha kuni da zləŋ ta kəma tsa mnduha ya, kabga kawadaga Yawe, Lazglafta ghuni nda kaghuni, tsatsi Lazglafta dagala, ka makwitkwit.

Yəhusuwa 1:9

Mnaghaf a yu kazlay na ka ŋavata ka, ka mbra ka ta vgha kəʼa kay ra? Yaha ka da ghudzaku, yaha ka da zləŋ, kabga kawadaga Yawe, Lazglafta gha nda kagha, ma inda vli ta dzaʼa ka, » kaʼa.

Yəhusuwa 10:7

Gi ka sliʼaftá Yəhusuwa ma Gilgal, nda inda gwal vula ni, nda inda mbirimha ni tani ka lafi.

Yəhusuwa 10:8

Ka Yawe nda Yəhusuwa mantsa: « Yaha ka da zləŋaŋtá həŋ, kabga zlaghaŋ zla yu ta həŋ ma dzva gha. Haɗ ya dər turtuk dzaʼa ŋaŋta da kagha wu, » kaʼa.

Yəhusuwa 2:24

Ka həŋ nda Yəhusuwa mantsa: « Kahwathwata na, vlama vla Yawe ma dzva mu ta inda tsa haɗik ya. Dər gwal ma tsa haɗik ya guli ná, nda ghudza həŋ da zləŋ, ŋaŋta a həŋ da amu wu, » ka həŋ.

Yəhusuwa 6:2

Ka Yawe nda Yəhusuwa mantsa: « Ngha ɓa, vlagha vla yu ta Yeriku ma dzva gha: Nda mghama ni tani, nda sludziha ni ka mbirim tani.

Yəhusuwa 7:9

Dzaʼa snanagha sna na skwi na ta inda la Kanʼana nda inda mndu ta na haɗik na. Dzaʼa guyaŋnagha guya həŋ ta ghəŋ ka zaɗaŋnata. Kinawu ká ka dzaʼa maraŋtá glakwa gha tama? » ka Yəhusuwa.